Ditzionàriu in línia
de sa limba e de sa cultura sarda

cumbatidòri , nm Synonyms e antonyms cumbatadore, cumbatente Etymon srd.

cumbàtidu , pps: cumbàtiu Definition de cumbàtere Synonyms e antonyms cumbatadu.

cumbatiméntu , nm Definition cumbata manna, mescamente gherra Synonyms e antonyms gherra Translations French combat English battle Spanish pelea (f), combate Italian combattiménto German Kampf.

cumbàtiri cumbàtere

cumbàtiu cumbàtidu

cumbàtu cumbàta

cumbénia , nf, nm: cumbéniu Definition trastu o àteru chi serbit a fàere calecuna cosa prus a cómudu, cun prus facilidade, a discantzu Synonyms e antonyms codomidade, cumbeniéntzia | ctr. discumbénia Idioms csn: bènnere a cumbéniu (nadu de una cosa) = bènnere a betu, andai bèni a dha fai; cojuviu de cumbéniu = fatu pro carchi torracontu, no pro istima de sas pessones; èssere, andhare a cumbéniu meu, tou, sou, e gai = comente andhat bene a mie, a tie, a isse, e gai Sentences cumbénios coment'e frigoríferu, samunadora, e gai no bi ndh'iat a sos tempos ◊ ite cumbéniu logras candho fiudu isposas a connada? ◊ at comporatu su partò a s'isconcata solu pro sa cumbénia de su preju baratu 2. a cumbéniu siat o a discumbéniu, sa cosa tocat a la fàghere Etymon srd. Translations French confort, commodité English comfort Spanish comodidad Italian comodità German Bequemlichkeit.

cumbeniàre , vrb: acumbeniare* Definition pònnere is cumbénias, is comodidades, mescamente in sa domo Synonyms e antonyms acumbenentziare Translations French doter un appartement de tous les conforts English to provide with comforts Spanish poner comodidades en la casa Italian provvedére del conveniènte, di comodità German für die Bequemlichkeit sorgen.

cumbeniènte, cumbeniènti , agt Definition chi cumbenit Synonyms e antonyms cumbeniosu Etymon itl. Translations French avantageux English suited Spanish conveniente Italian conveniènte German passend, günstig.

cumbeniéntzia , nf: cumbiniéntzia, cuminiéntzia, cunviniéntzia Definition cosa chi cumbenit, chi dhue at torracontu, badàngiu; trastu o àteru chi serbit a fàere calecuna cosa a discantzu Synonyms e antonyms torracontu / codomidade, cumbénia Sentences nosu iaus a bolli totu a cumbiniéntzia nosta! 2. sos àteros tenent sas cumbeniéntzias e no picant s'issilíssiu chi pico deo trabballandhe ◊ s'abba intro de domo, sa lughe elétrica, sa màchina, su telèfono sunt totu cumbeniéntzias de oe Etymon spn. conveniencia Translations French avantage English suitability Spanish conveniencia Italian conveniènza German Angemessenheit, Vorteil.

cumbeniósu , agt Definition chi cumbenit, chi est fàcile o andhat bene, chi est discantzosu a manigiare Synonyms e antonyms cumbeniente, códomu / utilosu | ctr. inzotosu Idioms csn: ora cumbeniosa = ora addata, bona pro fàghere carchi cosa; afare cumbeniosu = chi cumbenit, chi si bi tenet torracontu Sentences sa moto li fit cumbeniosa prus de su cadhu Etymon srd. Translations French avantageux English suitable Spanish conveniente, cómodo Italian conveniènte, agévole German passend, günstig.

cumbéniu cumbénia

cumbéniu 1 convéniu

cumbènnere, cumbènniri , vrb: cummènnere Definition torrare a contu, tènnere profetu de una cosa, andhare méngius una cosa a su postu de un'àtera Sentences cumbenit de andhare luego ◊ po seguresa ti cumbenit a ndi fuedhai innantis de andai ◊ cumbenit a fàghere goi ◊ ti cumbenit chi bi pesses tue etotu a sas cosas tuas! ◊ a comporare inoghe no cumbenit ca est totu prus caru ◊ ti cummenit a bènnere ◊ in tempus rimédia ca aici cumbenit! Etymon ltn. convenire Translations French convenir English to suit Spanish convenir, compensar Italian convenire German günstig sein, sich lohnen.

cumbéntu , nm: cunventu, cuventu, guventu Definition logu, fràigu inue istant, bivent, is paras o is mòngias / èssere unu c. chena galdianu = logu, domo, ufítziu inue no si cumprendhet su babbu cun su fizu, chentza régula Synonyms e antonyms monastériu Sentences cue bi at unu cunventu de padres ◊ su cuventu siat frimmu: sos padres andhant e torrant! Etymon ltn.e cunventus Translations French couvent English convent Spanish convento Italian convènto German Kloster.

cumbergiólu, cumberzólu , nm Definition genia de umpedhu de ortigu a chistire su pane trebballandho in su sartu Scientific Terminology stz.

cumbertícula , nf: cummertícula Synonyms e antonyms còdoma, cumarca Sentences fint medas sas cumbertículas, mascarandhe.

cumbertiméntu , nm: cunvertimentu Definition su cunvertire, cambiamentu a un'àtera idea, a un'àtera fide Synonyms e antonyms conversioni Etymon srd.

cumbertíre , vrb: cunvertire Definition mudare, cambiare a un'àtera idea, a un'àtera religione Synonyms e antonyms cunvèltere.

cumbèssa , nf Definition téula o canale chi arregollet abba de una teulada, tretu de teulada a fiancu de muru prus artu Scientific Terminology dmo Etymon itl. conversa.