A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

cumbatidòri , nm Sinònimos e contràrios cumbatadore, cumbatente Ètimu srd.

cumbàtidu , pps: cumbàtiu Definitzione de cumbàtere Sinònimos e contràrios cumbatadu.

cumbatiméntu , nm Definitzione cumbata manna, mescamente gherra Sinònimos e contràrios gherra Tradutziones Frantzesu combat Ingresu battle Ispagnolu pelea (f), combate Italianu combattiménto Tedescu Kampf.

cumbàtiri cumbàtere

cumbàtiu cumbàtidu

cumbàtu cumbàta

cumbénia , nf, nm: cumbéniu Definitzione trastu o àteru chi serbit a fàere calecuna cosa prus a cómudu, cun prus facilidade, a discantzu Sinònimos e contràrios codomidade, cumbeniéntzia | ctr. discumbénia Maneras de nàrrere csn: bènnere a cumbéniu (nadu de una cosa) = bènnere a betu, andai bèni a dha fai; cojuviu de cumbéniu = fatu pro carchi torracontu, no pro istima de sas pessones; èssere, andhare a cumbéniu meu, tou, sou, e gai = comente andhat bene a mie, a tie, a isse, e gai Frases cumbénios coment'e frigoríferu, samunadora, e gai no bi ndh'iat a sos tempos ◊ ite cumbéniu logras candho fiudu isposas a connada? ◊ at comporatu su partò a s'isconcata solu pro sa cumbénia de su preju baratu 2. a cumbéniu siat o a discumbéniu, sa cosa tocat a la fàghere Ètimu srd. Tradutziones Frantzesu confort, commodité Ingresu comfort Ispagnolu comodidad Italianu comodità Tedescu Bequemlichkeit.

cumbeniàre , vrb: acumbeniare* Definitzione pònnere is cumbénias, is comodidades, mescamente in sa domo Sinònimos e contràrios acumbenentziare Tradutziones Frantzesu doter un appartement de tous les conforts Ingresu to provide with comforts Ispagnolu poner comodidades en la casa Italianu provvedére del conveniènte, di comodità Tedescu für die Bequemlichkeit sorgen.

cumbeniènte, cumbeniènti , agt Definitzione chi cumbenit Sinònimos e contràrios cumbeniosu Ètimu itl. Tradutziones Frantzesu avantageux Ingresu suited Ispagnolu conveniente Italianu conveniènte Tedescu passend, günstig.

cumbeniéntzia , nf: cumbiniéntzia, cuminiéntzia, cunviniéntzia Definitzione cosa chi cumbenit, chi dhue at torracontu, badàngiu; trastu o àteru chi serbit a fàere calecuna cosa a discantzu Sinònimos e contràrios torracontu / codomidade, cumbénia Frases nosu iaus a bolli totu a cumbiniéntzia nosta! 2. sos àteros tenent sas cumbeniéntzias e no picant s'issilíssiu chi pico deo trabballandhe ◊ s'abba intro de domo, sa lughe elétrica, sa màchina, su telèfono sunt totu cumbeniéntzias de oe Ètimu spn. conveniencia Tradutziones Frantzesu avantage Ingresu suitability Ispagnolu conveniencia Italianu conveniènza Tedescu Angemessenheit, Vorteil.

cumbeniósu , agt Definitzione chi cumbenit, chi est fàcile o andhat bene, chi est discantzosu a manigiare Sinònimos e contràrios cumbeniente, códomu / utilosu | ctr. inzotosu Maneras de nàrrere csn: ora cumbeniosa = ora addata, bona pro fàghere carchi cosa; afare cumbeniosu = chi cumbenit, chi si bi tenet torracontu Frases sa moto li fit cumbeniosa prus de su cadhu Ètimu srd. Tradutziones Frantzesu avantageux Ingresu suitable Ispagnolu conveniente, cómodo Italianu conveniènte, agévole Tedescu passend, günstig.

cumbéniu cumbénia

cumbéniu 1 convéniu

cumbènnere, cumbènniri , vrb: cummènnere Definitzione torrare a contu, tènnere profetu de una cosa, andhare méngius una cosa a su postu de un'àtera Frases cumbenit de andhare luego ◊ po seguresa ti cumbenit a ndi fuedhai innantis de andai ◊ cumbenit a fàghere goi ◊ ti cumbenit chi bi pesses tue etotu a sas cosas tuas! ◊ a comporare inoghe no cumbenit ca est totu prus caru ◊ ti cummenit a bènnere ◊ in tempus rimédia ca aici cumbenit! Ètimu ltn. convenire Tradutziones Frantzesu convenir Ingresu to suit Ispagnolu convenir, compensar Italianu convenire Tedescu günstig sein, sich lohnen.

cumbéntu , nm: cunventu, cuventu, guventu Definitzione logu, fràigu inue istant, bivent, is paras o is mòngias / èssere unu c. chena galdianu = logu, domo, ufítziu inue no si cumprendhet su babbu cun su fizu, chentza régula Sinònimos e contràrios monastériu Frases cue bi at unu cunventu de padres ◊ su cuventu siat frimmu: sos padres andhant e torrant! Ètimu ltn.e cunventus Tradutziones Frantzesu couvent Ingresu convent Ispagnolu convento Italianu convènto Tedescu Kloster.

cumbergiólu, cumberzólu , nm Definitzione genia de umpedhu de ortigu a chistire su pane trebballandho in su sartu Terminologia iscientìfica stz.

cumbertícula , nf: cummertícula Sinònimos e contràrios còdoma, cumarca Frases fint medas sas cumbertículas, mascarandhe.

cumbertiméntu , nm: cunvertimentu Definitzione su cunvertire, cambiamentu a un'àtera idea, a un'àtera fide Sinònimos e contràrios conversioni Ètimu srd.

cumbertíre , vrb: cunvertire Definitzione mudare, cambiare a un'àtera idea, a un'àtera religione Sinònimos e contràrios cunvèltere.

cumbèssa , nf Definitzione téula o canale chi arregollet abba de una teulada, tretu de teulada a fiancu de muru prus artu Terminologia iscientìfica dmo Ètimu itl. conversa.