A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

cumbessàriu , nm Definitzione chie tenet s'incàrrigu de arregòllere is pagamentos Sinònimos e contràrios aggodhetadore, diritadore, isetore, taceri.

cumbessartziàu , agt, nm Definitzione chi o chie si credet meda, mescamente po sa siendha chi tenet, chi si giaet importu prus de su chi tenet Sinònimos e contràrios mannósigu, presumidu, strufudhosu, superbiosu | ctr. umiliosu Ètimu srd. Tradutziones Frantzesu hautain Ingresu lofty Ispagnolu altivo Italianu altezzóso Tedescu hochmütig.

cumbessía , nf: cumbissia, cummissia Definitzione domos (bàscias) acanta a is crésias de su sartu inue si aposentant is nuinantes is dies innanti e is dies etotu de sa festa po su Santu (in calecunu logu dhi narant su stàulu, is/us stàulus, fatos coment'e lògias) Sinònimos e contràrios moristene Frases sas cumbessias fint chin sa coperta incannitada e sas bentanedhas che culumberis.

cumbéssu , agt, nm Definitzione chi est andhau male; cristianu trotu, chi no si cumportat a dovere Sinònimos e contràrios doltu, malacónciu, malandhadu, malu, managu, serronudu, traessu | ctr. bonu, giustu Frases cantadu za bos at su cucu in nae, ma si tirerat bentu a su revessu za torrades a mandhigare fae e a bos bestire su trastu cumbessu (G.Ruju)◊ so male cumbessu, totu dólimas a ossos 2. custu mundhu revessu, ereze, ascamilosu, at su coro pilosu pro èssere gai cumbessu? ◊ cussas cumbessas sont pipanne! ◊ proite l'ant fatu, cussos cumbessos a pònnere fogu? (N.Puggioni)◊ pro afrontare su cumbessu no bi cheret pungas, ma corazu e bolontade ◊ poita mi naras chi dèu seu poeta cumbessu?! ◊ cussu cumbessu mi at traitu! Ètimu ltn. conversus Tradutziones Frantzesu en mauvais état Ingresu foolish, in bad condition Ispagnolu gastado, quebrantado Italianu malandato, stólto Tedescu heruntergekommen, töricht.

cumbiàrgiu cugumbiràxu

cumbidadúra , nf Sinònimos e contràrios cómbidu Ètimu srd.

cumbidài, cumbidàre, cumbidàri combidàre

cumbidàu , pps, agt, nm Definitzione de cumbidare Sinònimos e contràrios brindhau 2. sa zente est cumbidada ca dumínica bi amus festa ◊ buconi de para cumbidau ◊ sos cumbidados bi sunt totus ◊ is isposus funt passendi de unu cumbidau a s'àteru Tradutziones Frantzesu invité Ingresu guest Ispagnolu convidado Italianu invitato, convitato Tedescu Gast.

cumbídu, cúmbidu cómbidu

cumbinàda , nf Definitzione su cumbinare; cosa, fata o manera chi podet capitare Sinònimos e contràrios cumbinascione, incapu 2. m'abbàida ite cumbinada, a che rúere in d-unu fossu! Ètimu srd. Tradutziones Frantzesu combinaison Ingresu combination Ispagnolu combinación, casualidad Italianu combinazióne Tedescu Zusammenstellung.

cumbinadúra , nf Definitzione su cumbinare Sinònimos e contràrios cumbinada Ètimu srd. Tradutziones Frantzesu combinaison Ingresu combination Ispagnolu combinación Italianu combinazióne Tedescu Zusammenstellung.

cumbinài, cumbinàre , vrb: cumminai, cumminare Definitzione bènnere s'ocasione; andhare de acórdiu, èssere o pònnere de acórdiu in sa matessi idea, cuncordare cuntratandho po comporare e bèndhere; cuncordare una cosa cun s'àtera, fàere / ind. pres. cumbinat, cúmbinat Sinònimos e contràrios acadessi, acontèssere, capitai, costare 1, cuncordai, incapitae, sucèdere / cuncodrai, fàchere | ctr. iscumbinare, iscuncordai Frases est cumbinadu chi sa die at próidu ◊ si unu si bestit de billutu e gambales, est unu pastore, ateretantu cumbinat a chie est vestitu de pannu: est unu cusinu ◊ si bos cúmbinat de colare in carrela, intrade a domo!◊ est cumbinau totu apari coment'e s'amen pustis de su Babbunostu 2. si cumbinamus bi lu còmporo! ◊ si nos cumbinamus, restamus unidos finas a morte ◊ e cumbinadu azis, pro cussu cómporu? ◊ goi no lu sighimus su cumone, tantu no cumbinamus prus ◊ si no cumbinant in su naturale, oe duos divórtziant! 3. comente ti cumbinat issa pares una mammarosa! ◊ custas cosas tristas inue bi at festa no cumbinant! (Màsala)◊ ite ses cumminanno? Ètimu itl. Tradutziones Frantzesu combiner, arranger, se mettre d'accord Ingresu to combine, to agree Ispagnolu combinar Italianu combinare Tedescu zusammenstellen.

cumbinasciòne, cumbinassiòne, cumbinassòne , nf: cumminassioni, cumminatzioni Definitzione cosa, possibbilidade, cunditzione chi benit deasi, fintzes chentza dha cricare Sinònimos e contràrios cumbinada, cumbinu Frases pro cumbinascione connoschia a unu e l'apo chircadu ◊ est acontéssiu aici po cumminatzioni Ètimu itl. Tradutziones Frantzesu hasard Ingresu coincidence Ispagnolu casualidad Italianu combinazióne Tedescu Zufall.

cumbinàu , pps, agt, nm Definitzione de cumbinare Sinònimos e contràrios cuntratu 2. sa Cumpannia at acabbau su cumbinau de su carbone.

cumbínchede, cumbínchere , vrb: cumbinci, cumbínghere, cunvinci, cunvínciri Definitzione fàere a manera chi unu càmbiet idea, chi adduat e siat a s'idea de un'àteru / pps. cumbintu, cumbissu Sinònimos e contràrios | ctr. ibbortare, istorrai Frases cheriat cumbínchede a issu etotu e po cussu aiat fatu totu cussos arresonamentos Tradutziones Frantzesu convaincre Ingresu to convince Ispagnolu convencer Italianu convìncere Tedescu überzeugen.

cumbinchidòre , agt Definitzione chi cumbinchet Ètimu srd.

cumbinchidúra , nf Definitzione su si cumbínchere de calecuna cosa, desesi o nono Sinònimos e contràrios conchinada, cumbinchimentu, idea Ètimu srd.

cumbinchiméntu , nm: cumbincimentu Definitzione su si cumbínchere o èssere cumbintu de calecuna cosa, desesi o nono Sinònimos e contràrios conchinada, cumbinchidura, idea Tradutziones Frantzesu conviction Ingresu conviction Ispagnolu convencimiento Italianu convinciménto Tedescu Überzeugung.

cumbínci cumbínchere

cumbinciméntu cumbinchiméntu