A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

cambíle , nm Definition su pische de sa camba: su músculu prus mannu de camba, a parte de asegus de sa cannedha Synonyms e antonyms piscioni, tílviu Scientific Terminology crn Etymon srd.

cambilléu , nm Definition persona chi portat cambas longas e fines Synonyms e antonyms anchilongu, cambilarzu.

càmbinu , agt Definition chi portat cambas longas Synonyms e antonyms cambosu Etymon srd.

cambiólu , nm: camiolu Definition cambigiolu, cambu piticu Synonyms e antonyms arrampu Sentences arantzu a cambiolu batiu de Narbolia Scientific Terminology rbr.

cambirúgia, cambirúja , nf Definition cun custu númene si narant tres erbas diferentes: a) fumària ruja, podhinedhu arrúbiu o erba de pódhini, tzacarravronti (a sa calidade bianca, Fumaria capreolata, dhi narant fumisterru biancu, gimisterru fémmina); b) erba de ventu; c) préssiu de arriu o lidu 1 (Persicaria lapathifolia, P. hydropiper): is primas faent una fògia chi assimbígiat in punta a sa fògia de su pedrusèmene, faent frorighedhos longhitos, orrúbios in totu o solu in punta, su cambu est longu e atrotigau e si crocat; sa Parietaria officinalis faet is cambos, prus grussos, orrúbios e deretos, de unu mesu metro, faet a fundhu mannu cun cambos meda, a matzu fintzes mannu, s'arraighina no sicat, e sa fògia, chentza bicos, prima larga de calecunu centímetru, acabbat a punta única Synonyms e antonyms casugotu, fumàdigu 1, fumariarrúbia, fumesterre, gimisterra / ebraentu, pigolosa / lidu 1 Scientific Terminology rba, Fumaria officinalis, F. capreolata, Parietaria officinalis Etymon srd. Translations French fumeterre English fumitory Spanish fumaria Italian fumària o muraiòla German echter Erdrauch.

cambísta , nm Definition chie faet su càmbiu de una moneda a s'àtera Scientific Terminology prf Translations French cambiste English cambist Spanish cambista Italian cambista German Devisenhändler.

cambítas , nf pl Definition genia de cambales de furesu Synonyms e antonyms bestiales, istiales, vosas Scientific Terminology bst, cst.

càmbiu , nm, agt: càmmiu, ciambu, giambu Definition su cambiare; cosa o fatu a su postu de un'àteru, un'àteru; su bestimentu límpiu, àteru bestimentu diferente; in is màchinas, genia de leva po cambiare andhadura Synonyms e antonyms càmbia, cuncàmbia, iscàmbiu, muda, tràmmudu / àteru, diferente, nou / lintepintu Idioms csn: dare, giare, donai una cosa in càmbiu, a càmbia = in parte de un'àtera; triballare a zoronadas càmbias, a agiudu càmbiu, a ómine càmbiu = triballare a presta càmbiu, a càmbios, agiudu torrau, fàghere a càmbiu torradu, a manu càmbia; torrare su càmbiu a unu = torrai su pratu, donai su pratu torrau, torrai s'agiudu; dare su càmbiu a unu = pònneresi o andhare a su postu de un'àteru faghindhe una cosa; dinari in càmbiu = in minudos; in ciambu = antzis, a su contràriu (ma fintzas a càmbiu apare cun àteru); èssere càmbiu, su càmbiu de unu = assimbillai a unu, èssiri precisu coment'e cussu, lintepintu cussu; in ciambu meu, tuo, suo, e gai = a su postu meu, tou, sou, in parte mia, tua, sua Sentences custa chida tocat a mie a dare su càmbiu a su cumpanzu, in sa robba ◊ li at nadu si faghiat ciambos: isse de li dare s'alveghe, e cudhu li daiat sos canes 2. mighi ti apo postu su càmbiu subra de su letu, si ti che bogas sa cosa bruta! ◊ su bistimentu de is erricos s'ischeràt ca teniant prus càmbios: is pòberos teniant solu unu càmbiu 3. su dutore mi at ordinadu meighinas càmbias ◊ no mancaiant de lis batire calchi imbiada, chi sempre beniat torrada càmbia ◊ custu fógliu ti lu fato càmbiu ca est totu abbunzadu ◊ dademindhe càmbias, de cartzitas, ca custas mi sunt minores!◊ sa pinna mi l'apo comporada ciamba 4. mama mia puru mancai prangi prangi iat giau s’anedhu bellu de candu si fiat isposada, e in càmbiu dh’iant donau un’anedhu de atzarxu 5. cun frade meu faghimus su triballu a càmbiu torradu ◊ amus tzapadu sa binza a zoronadas càmbias cun Fulanu: innantis amus fatu sa mia e apustis sa sua 6. cheria dinari in càmbiu pro no bogare sos chentumiza, si cumbinat ◊ dhis est iscarésciu unu portafolliedhu prenu de dinai in càmbiu, de s'allimúsina, iscedaus! 7. sa fiza est càmbia de mamma ◊ millu su càmbiu de Pinóchio! Surnames and Proverbs smb: Cambiu Etymon srd. Translations French échange English change, spare-part Spanish cambio, cambio Italian càmbio, ricàmbio, muta German Wechsel, Wechseln, Häutung.

càmbiu 1 , nm: càmio, càmiu Definition mezu mannu a motore po carrare cosa / min. camiedhu Synonyms e antonyms autocarru Sentences so annanne a bídere ite lis at cumbinatu a s’isteglieri e a su càmiu de su late ◊ cussu tenet una domo e una corte manna chin d-unu portale chi b’intrat su càmiu Scientific Terminology trps Etymon itl. Translations French camion English lorry Spanish camión Italian càmion German Lastwagen.

cambivràchinu , agt Definition chi portat is cambas trotas, a frache Synonyms e antonyms anchivràchinu Scientific Terminology zcrn Etymon srd.

cambixédhu , nm: cambuedhu Definition min. de cambu, cambigiolu, trunchighedhu de erba Synonyms e antonyms arrama, cambizolu, rampighedhu, ratutzu Sentences apu segau unu cambuedhu de murta po dha ponni in sa petza de procedhu Scientific Terminology rbr Translations French petit rameau English twig Spanish ramito Italian ramoscèllo German kleiner Zweig.

cambizadòre , nm Definition domadore, annestradore de cuadhos Scientific Terminology prf Etymon srd. Translations French dompteur de chevaux English horse-breaker Spanish domador de caballos Italian domatóre di cavalli German Zureiter.

cambizàre , vrb Definition annestrare, domare unu cuadhu a camminare comente bolet chie dhu cicit Etymon srd. Translations French dresser un cheval English horse training Spanish adiestrar el caballo Italian addestrare il cavallo German zureiten.

cambizòla, cambizólu Synonyms e antonyms cambigiólu

cambòne , nm: camboni 1 Definition ispétzia de aprigu de linnàmene cun birdiera chi si ponet in s'apertura de is crésias, de is arcovas Surnames and Proverbs smb: Cambone, Camboni Scientific Terminology dmo Etymon ctl. cambró Translations French vestibule, narthex English alcove screen Spanish palanquín, litera Italian bùssola d'alcòva German Windfang.

cambòne 1, cambòni , nm Definition in sa camba de su porcu, s'orrugu de su benugu a su brúciu de su pei Sentences po su fenughedhu poneus cambone de procu Scientific Terminology crn.

cambòni 1 cambòne

cambòni 2 , agt Definition nau de unu, chi est pagu abbistu, chi no est tanti àbbile Synonyms e antonyms cartzellete, casticau, managu.

cambòrra , nf Definition camba, anca, ma nau a disprétziu Etymon srd.

cambósu , agt Definition chi portat cambas bonas, mannas Synonyms e antonyms càmbinu Surnames and Proverbs smb: Cambosu Scientific Terminology zcrn Etymon srd.