A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cambíle , nm Definizione su pische de sa camba: su músculu prus mannu de camba, a parte de asegus de sa cannedha Sinonimi e contrari piscioni, tílviu Terminologia scientifica crn Etimo srd.

cambilléu , nm Definizione persona chi portat cambas longas e fines Sinonimi e contrari anchilongu, cambilarzu.

càmbinu , agt Definizione chi portat cambas longas Sinonimi e contrari cambosu Etimo srd.

cambiólu , nm: camiolu Definizione cambigiolu, cambu piticu Sinonimi e contrari arrampu Frasi arantzu a cambiolu batiu de Narbolia Terminologia scientifica rbr.

cambirúgia, cambirúja , nf Definizione cun custu númene si narant tres erbas diferentes: a) fumària ruja, podhinedhu arrúbiu o erba de pódhini, tzacarravronti (a sa calidade bianca, Fumaria capreolata, dhi narant fumisterru biancu, gimisterru fémmina); b) erba de ventu; c) préssiu de arriu o lidu 1 (Persicaria lapathifolia, P. hydropiper): is primas faent una fògia chi assimbígiat in punta a sa fògia de su pedrusèmene, faent frorighedhos longhitos, orrúbios in totu o solu in punta, su cambu est longu e atrotigau e si crocat; sa Parietaria officinalis faet is cambos, prus grussos, orrúbios e deretos, de unu mesu metro, faet a fundhu mannu cun cambos meda, a matzu fintzes mannu, s'arraighina no sicat, e sa fògia, chentza bicos, prima larga de calecunu centímetru, acabbat a punta única Sinonimi e contrari casugotu, fumàdigu 1, fumariarrúbia, fumesterre, gimisterra / ebraentu, pigolosa / lidu 1 Terminologia scientifica rba, Fumaria officinalis, F. capreolata, Parietaria officinalis Etimo srd. Traduzioni Francese fumeterre Inglese fumitory Spagnolo fumaria Italiano fumària o muraiòla Tedesco echter Erdrauch.

cambísta , nm Definizione chie faet su càmbiu de una moneda a s'àtera Terminologia scientifica prf Traduzioni Francese cambiste Inglese cambist Spagnolo cambista Italiano cambista Tedesco Devisenhändler.

cambítas , nf pl Definizione genia de cambales de furesu Sinonimi e contrari bestiales, istiales, vosas Terminologia scientifica bst, cst.

càmbiu , nm, agt: càmmiu, ciambu, giambu Definizione su cambiare; cosa o fatu a su postu de un'àteru, un'àteru; su bestimentu límpiu, àteru bestimentu diferente; in is màchinas, genia de leva po cambiare andhadura Sinonimi e contrari càmbia, cuncàmbia, iscàmbiu, muda, tràmmudu / àteru, diferente, nou / lintepintu Modi di dire csn: dare, giare, donai una cosa in càmbiu, a càmbia = in parte de un'àtera; triballare a zoronadas càmbias, a agiudu càmbiu, a ómine càmbiu = triballare a presta càmbiu, a càmbios, agiudu torrau, fàghere a càmbiu torradu, a manu càmbia; torrare su càmbiu a unu = torrai su pratu, donai su pratu torrau, torrai s'agiudu; dare su càmbiu a unu = pònneresi o andhare a su postu de un'àteru faghindhe una cosa; dinari in càmbiu = in minudos; in ciambu = antzis, a su contràriu (ma fintzas a càmbiu apare cun àteru); èssere càmbiu, su càmbiu de unu = assimbillai a unu, èssiri precisu coment'e cussu, lintepintu cussu; in ciambu meu, tuo, suo, e gai = a su postu meu, tou, sou, in parte mia, tua, sua Frasi custa chida tocat a mie a dare su càmbiu a su cumpanzu, in sa robba ◊ li at nadu si faghiat ciambos: isse de li dare s'alveghe, e cudhu li daiat sos canes 2. mighi ti apo postu su càmbiu subra de su letu, si ti che bogas sa cosa bruta! ◊ su bistimentu de is erricos s'ischeràt ca teniant prus càmbios: is pòberos teniant solu unu càmbiu 3. su dutore mi at ordinadu meighinas càmbias ◊ no mancaiant de lis batire calchi imbiada, chi sempre beniat torrada càmbia ◊ custu fógliu ti lu fato càmbiu ca est totu abbunzadu ◊ dademindhe càmbias, de cartzitas, ca custas mi sunt minores!◊ sa pinna mi l'apo comporada ciamba 4. mama mia puru mancai prangi prangi iat giau s’anedhu bellu de candu si fiat isposada, e in càmbiu dh’iant donau un’anedhu de atzarxu 5. cun frade meu faghimus su triballu a càmbiu torradu ◊ amus tzapadu sa binza a zoronadas càmbias cun Fulanu: innantis amus fatu sa mia e apustis sa sua 6. cheria dinari in càmbiu pro no bogare sos chentumiza, si cumbinat ◊ dhis est iscarésciu unu portafolliedhu prenu de dinai in càmbiu, de s'allimúsina, iscedaus! 7. sa fiza est càmbia de mamma ◊ millu su càmbiu de Pinóchio! Cognomi e Proverbi smb: Cambiu Etimo srd. Traduzioni Francese échange Inglese change, spare-part Spagnolo cambio, cambio Italiano càmbio, ricàmbio, muta Tedesco Wechsel, Wechseln, Häutung.

càmbiu 1 , nm: càmio, càmiu Definizione mezu mannu a motore po carrare cosa / min. camiedhu Sinonimi e contrari autocarru Frasi so annanne a bídere ite lis at cumbinatu a s’isteglieri e a su càmiu de su late ◊ cussu tenet una domo e una corte manna chin d-unu portale chi b’intrat su càmiu Terminologia scientifica trps Etimo itl. Traduzioni Francese camion Inglese lorry Spagnolo camión Italiano càmion Tedesco Lastwagen.

cambivràchinu , agt Definizione chi portat is cambas trotas, a frache Sinonimi e contrari anchivràchinu Terminologia scientifica zcrn Etimo srd.

cambixédhu , nm: cambuedhu Definizione min. de cambu, cambigiolu, trunchighedhu de erba Sinonimi e contrari arrama, cambizolu, rampighedhu, ratutzu Frasi apu segau unu cambuedhu de murta po dha ponni in sa petza de procedhu Terminologia scientifica rbr Traduzioni Francese petit rameau Inglese twig Spagnolo ramito Italiano ramoscèllo Tedesco kleiner Zweig.

cambizadòre , nm Definizione domadore, annestradore de cuadhos Terminologia scientifica prf Etimo srd. Traduzioni Francese dompteur de chevaux Inglese horse-breaker Spagnolo domador de caballos Italiano domatóre di cavalli Tedesco Zureiter.

cambizàre , vrb Definizione annestrare, domare unu cuadhu a camminare comente bolet chie dhu cicit Etimo srd. Traduzioni Francese dresser un cheval Inglese horse training Spagnolo adiestrar el caballo Italiano addestrare il cavallo Tedesco zureiten.

cambizòla, cambizólu Sinonimi e contrari cambigiólu

cambòne , nm: camboni 1 Definizione ispétzia de aprigu de linnàmene cun birdiera chi si ponet in s'apertura de is crésias, de is arcovas Cognomi e Proverbi smb: Cambone, Camboni Terminologia scientifica dmo Etimo ctl. cambró Traduzioni Francese vestibule, narthex Inglese alcove screen Spagnolo palanquín, litera Italiano bùssola d'alcòva Tedesco Windfang.

cambòne 1, cambòni , nm Definizione in sa camba de su porcu, s'orrugu de su benugu a su brúciu de su pei Frasi po su fenughedhu poneus cambone de procu Terminologia scientifica crn.

cambòni 1 cambòne

cambòni 2 , agt Definizione nau de unu, chi est pagu abbistu, chi no est tanti àbbile Sinonimi e contrari cartzellete, casticau, managu.

cambòrra , nf Definizione camba, anca, ma nau a disprétziu Etimo srd.

cambósu , agt Definizione chi portat cambas bonas, mannas Sinonimi e contrari càmbinu Cognomi e Proverbi smb: Cambosu Terminologia scientifica zcrn Etimo srd.