A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cambaràda camaràda

cambarài , vrb: camerai, camerare Definizione pinnigare, leare a unu su chi tenet, totu o in parte, comente faet s'istadu, sa giustítzia, faendhosindhe mere in parte de calecunu dépidu Traduzioni Francese s'approprier, confisquer Inglese to confiscate Spagnolo requisar, expropriar Italiano incamerare Tedesco einziehen.

cambaràra camaràda

càmbaras , nf pl: càmeras Definizione maladia a bentre chi faet a prentos e a iscurrentziadura fintzes de sàmbene (itl. melèna) Sinonimi e contrari giagu 1, labina, laíngiu, pucus Terminologia scientifica mld Etimo spn. cámaras.

cambaràu , pps, agt: camberau Definizione de cambarai; chi portat càmera (de iscópiu, foedhandho de armas); nau de cosas de papare prantadas, chi che funt passadas, cun sa prupa totu a buidedhos a usu de ispòngia Sinonimi e contrari tufudu 2. custa est síndria camberada Cognomi e Proverbi smb: Cambarau Traduzioni Francese cellulaire Inglese cellulose Spagnolo esponjoso Italiano cellulóso Tedesco zellig, schwammartig.

cambàrbu , agt Definizione nau de cuadhu, chi portat is cambas a pilu biancu Etimo srd.

cambàre , vrb Definizione abbarrare, istare o lassare agoa, asegus, a una bandha, immentigare, sartare cosa lassandhodha chentza fàere; foedhandho de cosa chi si betat de un'istrégiu (abba, binu, late e cosas deasi), pèrdere, in su sensu chi una parte de sa cosa chi si betat no calat totu impare cun s'àteru ma torrat coment'e agoa in costas de s'istrégiu chi s'imbuidat e po cussu orruet a fora de s'istrégiu prenendho; rfl: èssere o fàere prus pagu de un'àteru Sinonimi e contrari acadiare, acogiai, codiare, coigiare, ilmentigare, incoizare, lassai, scaresci / scabidai Frasi l'apo sighidu e cambadu, a isse, ca deo camino prus lestru ◊ betendhe su late dae s'isterzu at cambadu e che ndhe at rutu a terra ◊ coita, no ti cambes, ca sinono est peus a sighire sos àteros! 2. seberade su menzus e cambade su malu! ◊ s'olia l'ant collida male: ndh'ant cambadu meda ◊ chentza nos ndhe sapire amus cambadu un'àrbure de olia chentza collida ◊ derisero apo cambadu sa lughe de fora alluta ◊ in binza amus cambadu fundhos chentza binnennados: tocat de andhare a s'atenta! ◊ so torradu ca apo cambadu cosa chi depia leare! 3. so essidu e apo cambadu sa lughe alluta ◊ abbàida si acobore apo cambadu sas craes mias in domo tua! 4. cussos za no si cambant: si lis daes una cosa, nessi ateretantu ti ndhe torrant! ◊ pro mandronia za no ti cambas, tue puru! Traduzioni Francese rester derrière qqn., qqch., être derrière Inglese to leave out Spagnolo dejarse atrás Italiano tralasciare, distanziare, lasciarsi diètro qlcs., qlc., stare diètro Tedesco auslassen, hinter sich lassen.

cambàre 1 , vrb: acambare* Definizione nau de is erbas, pònnere cambos, betare arraighinas bonas e crèschere imbénnidas, cun prus cambos Sinonimi e contrari afasciai, afundhare 1, afundharzare, assedare, imbènnere Frasi su laore, totu ammustiadu de su sicore, comente at próidu cambat torra e bogat bellas ispigas mannas.

cambarèdha , nf Sinonimi e contrari càmbara 1 Terminologia scientifica upm, crx, palaemon serratus, p. squilla, crangon crangon Traduzioni Francese crevette Inglese shrimp Spagnolo camarón (m), quisquilla, esquila Italiano gamberétto Tedesco Garnele.

cambaréri camaréri

cambaréri 1 , nm Definizione genia de arretza a màglias cracas, istrintas, po piscare pischighedhu piticu chi serbit po anniscai.

cambarínu , avb Definizione iscúdere a c. = de sa matessi manera chi s'iscudet atesu una nae de linna (chi ferit una punta a terra e andhat a brínchidos, o si movet coment'e a cropos fintzes bolandho): si narat de cosas longas (nae, fuste, càvana, e àteru) Sinonimi e contrari imberghinu Frasi si li ferit su fartzone, comente bi che l'at iscutu a cambarinu, l'isancat! Etimo srd.

cambaristòne cambalistòne

cambaríta , avb Definizione a c. = a peis nuos, chentza mígias, cun is pantalones pinnigaos fintzes a benugu Frasi fiant andendi iscurtzus e a cambarita ◊ fiat unu bellu pipiu, ma totu lepuciu e bistiu poboresamenti, iscurtzu e a cambarita.

cambaròni , nm: camberoni Definizione càmbara manna, agiummai de prammu Frasi funt bendendi cambaredha pitica e camberoni Traduzioni Francese grosse crevette Inglese big crayfish Spagnolo langostino Italiano gamberóne Tedesco großer Krebs.

cambàrru , agt Definizione nau de unu pegus, chi portat is cambúcios cun pilu de diferente colore.

càmbaru , nm Definizione cambu de linna; nau in cobertantza, persona, nau prus che àteru po ndhe ammostare sa mannària chi tenet po debbadas, unu mannu debbadas Frasi aia in manu unu nodosu càmbaru e metzanu cun totu gherraia (F.Sechi) 2. debberone càmbaru ch'est! ◊ e càmbaru chi no est, mih!…

càmbaru 1 càmbara 1

cambàtzu , nm Sinonimi e contrari cambedha, cannedha, tílviu, tínchinu, tzura Terminologia scientifica crn Etimo srd.

cambèdha , nf, nm: cambedhu, cammedha Definizione min. de camba; s'ossu de sa serra de sa camba (ma a logos nau po su fine, a logos po su grussu); in su frenu de un'animale, orrugu de cosa a ue si acàpiat sa fune o sa corria / cambedhi crabolinu = nau de ccn., chi portat is cambas finis finis Sinonimi e contrari cambichedha / ramputzedhu / cambatzu, cannedha, tílviu, tínchinu, tzura Frasi sa cambedha de sa berbeghe si ponet pro antazu de marratzos ◊ sos pipadores si pipant puru sos cambedhos de s'anca!… 2. at secatu una camba de otzastru e nche li at mutzinatu sas cambedhas minutas Cognomi e Proverbi smb: Cambedda Terminologia scientifica crn Traduzioni Francese tibia Inglese shin Spagnolo tibia, peroné Italiano tìbia, stinco Tedesco Schienbein.