A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

cambaràda camaràda

cambarài , vrb: camerai, camerare Definitzione pinnigare, leare a unu su chi tenet, totu o in parte, comente faet s'istadu, sa giustítzia, faendhosindhe mere in parte de calecunu dépidu Tradutziones Frantzesu s'approprier, confisquer Ingresu to confiscate Ispagnolu requisar, expropriar Italianu incamerare Tedescu einziehen.

cambaràra camaràda

càmbaras , nf pl: càmeras Definitzione maladia a bentre chi faet a prentos e a iscurrentziadura fintzes de sàmbene (itl. melèna) Sinònimos e contràrios giagu 1, labina, laíngiu, pucus Terminologia iscientìfica mld Ètimu spn. cámaras.

cambaràu , pps, agt: camberau Definitzione de cambarai; chi portat càmera (de iscópiu, foedhandho de armas); nau de cosas de papare prantadas, chi che funt passadas, cun sa prupa totu a buidedhos a usu de ispòngia Sinònimos e contràrios tufudu 2. custa est síndria camberada Sambenados e Provèrbios smb: Cambarau Tradutziones Frantzesu cellulaire Ingresu cellulose Ispagnolu esponjoso Italianu cellulóso Tedescu zellig, schwammartig.

cambàrbu , agt Definitzione nau de cuadhu, chi portat is cambas a pilu biancu Ètimu srd.

cambàre , vrb Definitzione abbarrare, istare o lassare agoa, asegus, a una bandha, immentigare, sartare cosa lassandhodha chentza fàere; foedhandho de cosa chi si betat de un'istrégiu (abba, binu, late e cosas deasi), pèrdere, in su sensu chi una parte de sa cosa chi si betat no calat totu impare cun s'àteru ma torrat coment'e agoa in costas de s'istrégiu chi s'imbuidat e po cussu orruet a fora de s'istrégiu prenendho; rfl: èssere o fàere prus pagu de un'àteru Sinònimos e contràrios acadiare, acogiai, codiare, coigiare, ilmentigare, incoizare, lassai, scaresci / scabidai Frases l'apo sighidu e cambadu, a isse, ca deo camino prus lestru ◊ betendhe su late dae s'isterzu at cambadu e che ndhe at rutu a terra ◊ coita, no ti cambes, ca sinono est peus a sighire sos àteros! 2. seberade su menzus e cambade su malu! ◊ s'olia l'ant collida male: ndh'ant cambadu meda ◊ chentza nos ndhe sapire amus cambadu un'àrbure de olia chentza collida ◊ derisero apo cambadu sa lughe de fora alluta ◊ in binza amus cambadu fundhos chentza binnennados: tocat de andhare a s'atenta! ◊ so torradu ca apo cambadu cosa chi depia leare! 3. so essidu e apo cambadu sa lughe alluta ◊ abbàida si acobore apo cambadu sas craes mias in domo tua! 4. cussos za no si cambant: si lis daes una cosa, nessi ateretantu ti ndhe torrant! ◊ pro mandronia za no ti cambas, tue puru! Tradutziones Frantzesu rester derrière qqn., qqch., être derrière Ingresu to leave out Ispagnolu dejarse atrás Italianu tralasciare, distanziare, lasciarsi diètro qlcs., qlc., stare diètro Tedescu auslassen, hinter sich lassen.

cambàre 1 , vrb: acambare* Definitzione nau de is erbas, pònnere cambos, betare arraighinas bonas e crèschere imbénnidas, cun prus cambos Sinònimos e contràrios afasciai, afundhare 1, afundharzare, assedare, imbènnere Frases su laore, totu ammustiadu de su sicore, comente at próidu cambat torra e bogat bellas ispigas mannas.

cambarèdha , nf Sinònimos e contràrios càmbara 1 Terminologia iscientìfica upm, crx, palaemon serratus, p. squilla, crangon crangon Tradutziones Frantzesu crevette Ingresu shrimp Ispagnolu camarón (m), quisquilla, esquila Italianu gamberétto Tedescu Garnele.

cambaréri camaréri

cambaréri 1 , nm Definitzione genia de arretza a màglias cracas, istrintas, po piscare pischighedhu piticu chi serbit po anniscai.

cambarínu , avb Definitzione iscúdere a c. = de sa matessi manera chi s'iscudet atesu una nae de linna (chi ferit una punta a terra e andhat a brínchidos, o si movet coment'e a cropos fintzes bolandho): si narat de cosas longas (nae, fuste, càvana, e àteru) Sinònimos e contràrios imberghinu Frases si li ferit su fartzone, comente bi che l'at iscutu a cambarinu, l'isancat! Ètimu srd.

cambaristòne cambalistòne

cambaríta , avb Definitzione a c. = a peis nuos, chentza mígias, cun is pantalones pinnigaos fintzes a benugu Frases fiant andendi iscurtzus e a cambarita ◊ fiat unu bellu pipiu, ma totu lepuciu e bistiu poboresamenti, iscurtzu e a cambarita.

cambaròni , nm: camberoni Definitzione càmbara manna, agiummai de prammu Frases funt bendendi cambaredha pitica e camberoni Tradutziones Frantzesu grosse crevette Ingresu big crayfish Ispagnolu langostino Italianu gamberóne Tedescu großer Krebs.

cambàrru , agt Definitzione nau de unu pegus, chi portat is cambúcios cun pilu de diferente colore.

càmbaru , nm Definitzione cambu de linna; nau in cobertantza, persona, nau prus che àteru po ndhe ammostare sa mannària chi tenet po debbadas, unu mannu debbadas Frases aia in manu unu nodosu càmbaru e metzanu cun totu gherraia (F.Sechi) 2. debberone càmbaru ch'est! ◊ e càmbaru chi no est, mih!…

càmbaru 1 càmbara 1

cambàtzu , nm Sinònimos e contràrios cambedha, cannedha, tílviu, tínchinu, tzura Terminologia iscientìfica crn Ètimu srd.

cambèdha , nf, nm: cambedhu, cammedha Definitzione min. de camba; s'ossu de sa serra de sa camba (ma a logos nau po su fine, a logos po su grussu); in su frenu de un'animale, orrugu de cosa a ue si acàpiat sa fune o sa corria / cambedhi crabolinu = nau de ccn., chi portat is cambas finis finis Sinònimos e contràrios cambichedha / ramputzedhu / cambatzu, cannedha, tílviu, tínchinu, tzura Frases sa cambedha de sa berbeghe si ponet pro antazu de marratzos ◊ sos pipadores si pipant puru sos cambedhos de s'anca!… 2. at secatu una camba de otzastru e nche li at mutzinatu sas cambedhas minutas Sambenados e Provèrbios smb: Cambedda Terminologia iscientìfica crn Tradutziones Frantzesu tibia Ingresu shin Ispagnolu tibia, peroné Italianu tìbia, stinco Tedescu Schienbein.