A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

cannàbrina , nf Definition canna aresta Synonyms e antonyms cannagiúspina, cannisone, cannitu Scientific Terminology rbl, Phragmites australis Etymon srd. Translations French jonc English ditch reed Spanish carrizo Italian cannùccia German Schilfrohr.

cànnabu , nm, nf: cànnagu, cànnau, cannau, cànnavu, cànniu, cànnua, càuna, càuni Definition genia de erba e cosas (orrobba, funes, àteru) fatas cun cust'erba; cosa a usu de fune, longa Synonyms e antonyms cagnu / cima 1, fune, gúmena, libbanu, sédina, soca Idioms csn: tirare tropu su c. = fàghere sos severos a tropu, apretare s'àteru; gastàresi su dinari in c. = ispèndhere pro s'impicare (nadu a frastimu) Sentences custa funi est de cànnua ◊ is funis de giuncu dhas festus nosu, cussas de càuni dhas comporastus 2. sas tríschias de abba fint cànnaos a pennuleri dae sas nughes 3. no tires tropu su cànnau… ca si podet segare! ◊ ancu bos lu gastetas in cànnau su chi tenites in sa cassavorte! Scientific Terminology rba, Cannabis sativa Etymon ltn. cannabus Translations French chanvre, grosse corde de chanvre English big hemp rope, cannabis Spanish cáñamo Italian cànapa, cànapo German Hanf, Hanfseil.

cannàca , nf: cannanca Definition genia de prendha (de oro, coradhu, pèrela, àteru); tira de tessíngiu a pònnere in su tzugu a is animales po bellesa, genia de ammostos a frores; is nàcaras chi a bortas pendhent asuta de sa barra a crabas e brebès Synonyms e antonyms collana, crobu 1, ghetau / nàcara Idioms csn: orgiau cannaca = pilloni chi si assimbillat a s'atrapadita ’e terra e portat una cannaca bianca (= orgiali de is cannas?); fai sa cannaca a unu = pònnere sas ganghedhas; cannaca cadenatzada = cannaca a pibionis de òru incadenatzaus; is cannacas de s'orrosàriu = sas postas de sa corona; cannaca de sartitzu = crobu de sartitza Sentences bestiant de rúgiu, cun su mucadore afroriau e cun sas cannacas de òru ◊ ti emu a fai una cannaca téssia de folla de arrosa ◊ funt cannacas a nuxedhas, a pibionis ◊ dha mudat sa cannaca de òru chi portat trogada in su tzugu 2. lah, seus in tres: oi ti feus sa cannaca si no torras su dinai! Scientific Terminology prd Etymon itl.s cannacca Translations French collier English necklace Spanish collar Italian collana German Halskette.

cannacàu , agt Definition nau de animale (mescamente crabas), chi portat nabras o nàidis in su gúturu Synonyms e antonyms nabratzolu, nabrau Etymon srd.

cannàciu , nm Definition s'istentina prus larga, s'úrtima parte Synonyms e antonyms budhales Etymon srd.

cannàciu 1 , nm: cannatzu Definition pannitzu, istratzu, orrugu de orrobba Sentences peri issu candho fut piciochedhu po Onniasantus andhàt de domo in domo, portàt una tiaxola o unu cannàciu po arregòllere sa cosa (L.Pirarba)◊ is cummossos de su pane si ponent in is cannatzos caentes Scientific Terminology ts.

cannacúla , nf, nm: cannagua, cannagula, cannagulu Definition s'úrtima parte de s'istentina Scientific Terminology crn Etymon srd. Translations French intestin rectum, ampoule rectale English rectum Spanish intestino recto Italian intestino rètto, ampólla rettale German Mastdarm.

cannaculàri , nm Definition genia de pantuma chi iat a essire a giru a oras de basca, una genia de mama de su sole.

cannàda , nf Definition genia de istrégiu (de làuna, de linna) a múrghere, a fàere su casu, e àteru; una murghiola de làuna fata sonare che una chitarra Synonyms e antonyms aiscu, lamone, murghiola Sentences ti agiudo a múlghere e a dare forma a su casu in sa cannada ◊ sas ràdios nostras privadas sonant solu matracas e cannadas (L.Ilieschi)◊ in beranu sas bamas bogant late a cannadas pienas Scientific Terminology stz Etymon crsn. cannata Translations French récipient English container Spanish recipiente Italian recipiènte German Gefäß.

cannàda 1 , nf Definition cannedha o grifone de sa carrada; cannedhu o puncione chi si ponet in s'istampu de sa carrada e chi si tocat o si ndhe leat puru bogandho binu Synonyms e antonyms ispéndhula, runfiana / cdh. filtzetu Translations French cannelle, cheville English spigot Spanish espita, canilla Italian cannèlla, zìpolo German Ausflußrohr.

cannagànna , avb Definition isperradu c. = mesu mesu, de longu che una canna Etymon srd.

cannaghítu cannabítu

cannagiúspina , nf Definition canna areste Synonyms e antonyms cannàbrina, cannisone, cannitu Etymon srd.

cànnagu cànnabu

cannagúa, cannagúla, cannagúlu cannacúla

cannagúrpina , nf: cannaúrpina Definition genia de cardu areste: cima de pastori, uscradinu de porcu, canna de billoti, canna de morai, de amorai Synonyms e antonyms ariedha 1, billóteri, stiòcore, treutzaxa Scientific Terminology rba, Dipsacus fullonum Etymon srd. Translations French cardère, chardon à foulon English teasel Spanish cardencha Italian cardo dei lanaiòli German Hiertenstab.

cannài , vrb Definition isparare, fèrrere a balla, bochíere Sentences dèu no sentu sa sorti de su ladroni ch'in una mala atzioni dhu cannat sa mitràglia.

cannàiga , nf Synonyms e antonyms cannàbida*.

cannàile , nm Definition su truncu longu longu e fine, a funes, chi faent unos cantu fundhos de matedu (es. titione) chi no faent linna tostada Synonyms e antonyms cannainza.

cannaínza, cannaínzu , nf, nm, agt Definition cosa a usu de fune, su cambu longu longu e fine de unas cantu erbas (es.: pisu, intretzu, mimira, fintzes pigionàciu), ma podet èssere fintzes una fune fine; nau de ccn., artu meda e iscarritzinu, istrígili (e dhu narant de animales puru) Synonyms e antonyms cannàile, sirba / giangalloi, iscalandrone Sentences cannainzu meda at fatu su basolu, ma basolu pagu! ◊ apo intritzatu cannainzas fatas de zuncu 2. za ndhe at fatu de cannainzu, cussu zòvanu: no colat in za zanna de cantu est artu! 3. bi aiat unu fiotu de fiados cannainzos Translations French tige mince et très longue English very long and thin stalk Spanish tallo sutil y largo Italian stèlo o fusto lianóso, sottile e mólto lungo German langer und schmaler Stiel.