A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

formicàrju , nm, agt: formigaju, formigarzu, formijarzu, fromigaju, frommigaju, frommigarzu, frommigaxu, frommijarzu, furmicàrgiu, furmicarju, furmigarzu Definition cala, tana o niu de frommiga; chi reguardat sa frommiga, chi papat frommiga Synonyms e antonyms fromigadroxu, frommiulalzu / papavormigas Idioms csn: pilloni frommigaxu = zenia de puzone chi mànigat frommiga; sirbone formicarju = zenia de porcrabu; pedra frommigarza = creze de trachite bona pro fàghere molas a maghinare Scientific Terminology anar, pzn, jynx torquilla Etymon ltn. formicariu(m) Translations French fourmilière English anthill Spanish hormiguero Italian formicàio German Ameisenhaufen, Ameisennest, Ameisen..., Wendehals.

formicósu , agt: formigosu, frommigosu, furmicosu Definition chi est totu prenu de frommiga, mescamente si est cosa chi dhue tenet sa tana Synonyms e antonyms frommiulosu Sentences tristu chie si arrambat a cusinu: mentzus si arrambet a trutzu furmicosu! (R.'e Locu) Etymon ltn. formicosus.

formidàbbile, formidàbbili , agt Synonyms e antonyms ispantosu, poderosu, spramosu, stravanau.

formíga formíca

formigàju, formigàrzu formicàrju

formighèdhas , nf pl: frommighedhas, frumighedhas Definition genia de maladia (fintzes cancru), iscarràfiu o guronedhos chi si faent a sàngia Scientific Terminology mld.

formígula , nf: frammígula, fremmígula, frimmígula, fromígula, frommíula, frumícula, frummígula Definition bobboedhu minudu de tantas calidades chi faet sa tana in terra o in sa linna, in truncos sicaos de mata / andhare a passu de formígula = abbellu abbellu Synonyms e antonyms bobborissina, callaredha, formica Sentences ealla, como, tota custa zentória tuchendhe a sa festa a lerina che fromígula ◊ su falche finas dai cuss'altària bidet una zanchita de fromígula ◊ iscura s'alzola chi timet sa frammígula! Scientific Terminology crp Translations French fourmi English small ant Spanish hormiga Italian formìcola German Ameise.

formíja formíca

formijàrzu formicàrju

formijàtu , agt, nm Definition ifadosu che frommiga, chi o chie istat sèmpere tocandho, imbrutandho, giaendho ifadu, sèmpere in mesu Synonyms e antonyms fangoteri, fragnóculu, fruscinedhu, mintirotu, tocaredhu Scientific Terminology ntl Etymon srd. Translations French fouineur English lively child Spanish vivaracho Italian frùgolo German störend, Störenfried.

formósu , agt Definition chi est bellu, bene fatu de carena Synonyms e antonyms bellu, galanu / cdh. fulmosu Scientific Terminology zcrn.

fórmula , nf Definition manera precisa istabbilia de fàere o nàrrere unas cantu cosas (càrculos, dichiaras o àteru deasi) Scientific Terminology ist.

formulàre , vrb Definition prus che àteru, nàrrere, cuncordare una dichiara, una dimandha cunforma a una fórmula, a una régula Scientific Terminology ist.

formulàriu , nm Definition libbru de is fórmulas Scientific Terminology ist.

fornacéri , nm Definition chi contivígiat, atendhet unu furraghe, unu forru Synonyms e antonyms forraju Scientific Terminology prf Translations French propriétaire d'un four English kilnman Spanish tejero Italian fornaciàio German Brenner.

fornàli , nm Definition sa forredha de su ferreri, ue tenet su fogu po abbrigare su ferru chi trebballat Synonyms e antonyms forjolu, forredha, forronali Translations French forge English forge Spanish herrería, fragua Italian fucina German Esse.

fornèra , nf Definition genia de forru mannu, mescamente po còere sa pedra carcària de fàere a crachina Synonyms e antonyms forraxi.

fornidòre , nm: frunidore, furnidore Definition chie frunit o portat is cosas a bèndhere mescamente a is butegas; una genia de fatore chi leaiat terras angenas a frunire; logu de depósitu inue bendhent sa benzina Synonyms e antonyms distribbudore Scientific Terminology prf Translations French fournisseur, approvisionneur English furnisher, petrol pump Spanish proveedor Italian fornitóre, rifornitóre German Lieferant, Tankstelle.

fornidúra , nf: frunidura, furnidura Definition su frunire sa cosa; sa cosa frunia etotu; frisos, figuras o àteru chi si faet a calecunu trastu po bellesa Synonyms e antonyms fronimentu / cdh. frunitura Translations French fourniture, ornementation, ornement English supply, ornamentation Spanish abastecimiento, adorno Italian fornitura, ornatura German Lieferung, Verzierung, Zierat.

forníre, forníri , vrb: frunire, fruniri Definition su batire o giare sa cosa chi podet serbire (a bèndhere, a trebballare)/ terras a frunire = terras leadas in fatore, a triballare faghindhe su frutu a mesapare Synonyms e antonyms achipagiai, aprovistare, atratzai | ctr. isfrunire Sentences sighit beranu a frunire sas àrvures de fozas e fiores ◊ intronide sas domos de càntigos, frunídelas de abbundhàntzia Translations French approvisionner English to provide, to equip Spanish abastecer, proveer Italian rifornire, corredare German versehen.