A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

ferrítus , nm pl: scerritus Synonyms e antonyms ferros, fóltighe.

ferrónzu , nm Synonyms e antonyms ferramentu Etymon srd.

fèrros , nm pl: ferrus Definition serros, aina a duas perras intradas apare in s'assaedhu (puntu de arrimu), cun atzas segantes in mesu, a punta a una bandha (a s'àtera, puntu de fortza, est fata o de intrare is pódhighes o de aferrare a manu prena), prus che àteru po segare orrobba (f. de pannu), paperi e cosighedhas fines, ma segundhu sa genia fintzes àteru (làuna, linna, lana: f. de latoneri, de pudare, de túndhere); genia de trobea o acàpiu chi ponent in burtzos a un'arrestau / partes de is ferros o fóltighe: àscia (assaedhu o cabíciu, ferrighedhu tundhu e curtzu chi mantenet impare is duas partes a manera de dhas apèrrere e serrare e de fàere fortza segandho), carcàngius (genia de lórigas ue intrant is pódhighes); genia de ferros: de pudai, de tundi (ferrus a lama larga meda, mannus, po ndi segai sa lana de is brebeis), de liauneri, de maistu de pannu, de brodai, de arritzai; acutzai, isgurdai is ferrus; ferrus de prenciai (a fundu ciatu o a coduledha) = prància / pònnere sos ferros a ccn. = arrestare a unu Synonyms e antonyms ferritus, fóltighe, scerrus / castagnetas, griglione, musa 1 Sentences sos ferros bostros giughent lamas malas e deo no mi chelzo tusu goi ◊ seu che lana in mesu de ferrus: de una parti cussa fémmina chi mi stari iscandulendi, de s'àtera fusteti chi mi at certau 2. sos carabbineris li ant postu sos ferros ◊ su lunis a mangianu, cun is ferrus in is brutzus coment'e malefatoris, is valorosus de ariseru ndi essiant de caserma po andai "al carcere mandamentale" Scientific Terminology ans Translations French ciseaux, menottes English scissors, shear, handcuffs Spanish cizalla, tijeras, esposas Italian fòrbici, cesóie, manétte German Schere, Gartenschere, Handschellen (Pl.).

ferrovía , nf, nm: ferruvia Definition bia o caminu de ferru fatu a binàrios po dhue passare is trenos Synonyms e antonyms línia Sentences intro de su ferruvia m'imbanchidho una banca…◊ s'istrada ingunis passat acanta a is binàrius de sa ferrovia ◊ fiat grae su trabballu de pistare giarra po sa ferrovia e po is orrugas! Translations French chemin de fer English railway Spanish ferrocarril (m) Italian ferrovìa German Eisenbahn.

ferroviàriu , agt Definition de ferrovias, chi pertocat a is ferrovias.

ferroviéri , nm Definition chie trebballat in is ferrovias Scientific Terminology prf Translations French cheminot English railwayman Spanish ferroviario Italian ferrovière German Eisenbahner.

férru , nm Definition metallu lúghidu in colore de chinisu, elementu chímicu de símbulu Fe, númeru atómicu 26, pesu atómicu 55,85, chi in natura si agatat prus che àteru a minerale: s'óssidu est s’orruina; bículu, orrugu de ferru; sa sonàgia chi si ponet a su bestiàmene e fintzes su sonu chi faet; su f. de prentzare, genia de aina de imbudhidare po dhu passare in s’orrobba a dh'istirare; su cartzíngiu de unos cantu animales impreaos a trebballare; in cobertantza, is dentes; aina de ferru po fàere ccn. trebballu (a/c. coment'e mtl. no tenet pl.)/ calidades de f.: ferru tzacadinu, chídrinu o crú, ferru pastosu o corriatzu; trebballu chi si faet a su ferru: cardai o ingrujare, mazare o arropai (po dhu alladiare), saldai o assardare; ainas: su pei de f. = genia de pei ue su sabbateri intrat s'iscarpa a puncitare su fundhu; ferru de frisai = pro allorigare is pilos; ferru de mina = genia de puntedhu fine e parívile, a un'ala a punta cun s’atza che un’iscrapedhu po fàere bucos in s’orroca a pònnere mina / erba de f. = duas crezes de erba: Piptatherum miliaceum e Atriplex prostrata Synonyms e antonyms farramenta, prància, sonàgia Idioms csn: a f. de cadhu = atrotiau acoment'e su ferru chi si ponit a is peis de su cuadhu; f. giogau = ferru triballadu; bochire a f. fritu = bociri cun ccn. aina chi pungit e segat (arrasoja, istillu); fai a f. fenugu = a sa biscaina, acomenti essit essit, arrogai, distrui totu; bortàresi a su f. ruju = no tènniri arrispetu po nudha e po nisciunus; èssere o istare a f. tuponadu (nadu de ccn.)= abarrai citiu Sentences su fatu est prus forti de su ferru ◊ est forte, tostu che ferru ◊ a fàghere custa cosa bi cheret carchi ferru ◊ li est faladu su ferru in su sàmbene: pro cussu s'intendhiat débbile débbile! 2. sas anzones mias fint un'apentu: lis deghiat prata e no ferru! ◊ torra a su sartu, ca intendis sa música de su ferru chi portat su bestiàmini ◊ allargu s'intendhiat su ferru de unu tazu 3. mastru Antó, si bi at ferros prontos bato s'ebba a la ferrare! 4. sos ladros a sos tempos si boltaiant a su ferru ruju, che furaiant totu 5. su carvonaju s'aviat a su buscu cun sos ferros in manu Surnames and Proverbs smb: Ferru Scientific Terminology mtl, chm Etymon ltn. ferrum Translations French fer English iron Spanish hierro Italian fèrro German Eisen.

ferruàciu, ferruàtzu , agt Definition nau de ccn., chi est briosu, sanu e forte mancari béciu Synonyms e antonyms feurratzu | ctr. malandhadu Sentences est fémina ferruàcia, mancai bècia! Etymon srd.

ferrúciu , agt, nm Definition nau de unu, chi o chie no est tanti grussu ma est corriatzu, forte; ferrighedhu, butone de incracare Etymon srd.

ferrúdu , nm Definition genia de frucone de ferru a una, a duas o a tres puntas, fintzes asta longa de iscúdere atesu a balentia, a giogu Synonyms e antonyms barrudu 1*.

ferrúga farrúga

ferrúju , nm Synonyms e antonyms bidhuri*, búdharu, budhúrigu, gudhútulu, pisciaforru, pudimanu Scientific Terminology rba.

ferrumartàu , nm Definition ferru irmartadu, istrégiu de làuna ammontada cun pígiu de cosa chídrina Synonyms e antonyms ferrirmartu Sentences at caentau su pràngiu chi mammai dh’iat postu in d-unu istúgiu de ferrumartau ◊ at postu unu pratu cofudu de ferrumartau.

ferrúnzu , agt Definition forte che ferru Synonyms e antonyms ferrinu, ferrinzu.

fèrrus fèrros

ferrusmàltu, ferrusmàrtu ferrirmàrtu

ferrútzos , nm pl Definition genia de trepidedha po braxeri Etymon srd.

ferruvérru , avb Definition nau de una manera de fàere, forte che ferru, segura, chi no faet a isperare su contràriu Sentences custa est una nega ferruverru Translations French catégorique English categorical Spanish categórico Italian categòrico German kategorisch.

ferruvía ferrovía

fèrta , nf Definition genia de segada fata cun calecuna cosa a pistadura, a iscudidura, su singiale chi abbarrat; in cobertantza, fintzes dannu, dispraxere mannu chi no s’imméntigat / min. fertichedha Synonyms e antonyms checa, feria Sentences at postu azicu de abba pro li labare e disinfetare sa ferta ◊ mi ferit a s’àtera tita e mi giàt una ferta a brente! 2. galu abbarrant sos sinzos: in sa terra surcos, in su coro fertas (R.Porcu) Etymon srd. Translations French blessure English hurt Spanish herida Italian ferita German Wunde.