A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

ficusíca ficasícu

fidàda , nf Definition su fidare, su si fidare Sentences mama mi naraiat a totora "Fizu, istúdia in domo a s'assentada!", ma eo in duos brincos che fio fora apena aio solu una fidada! (Piga) Etymon srd.

fidàdu , pps, agt, nm: fidau, fidatu, firau Definition de fidare; chi est lassau chentza castiau, chentza dhi giare atentzione; chi o chie mantenet sa fide, dhi giaent fide ca tenet firmesa in su chi narat o chi faet a cumprèndhere; chi est trancuillu, chi si fidat, chi no est pentzandho a su malu Synonyms e antonyms afideadu, securu / irfidiada, iscufidada, ispensada | ctr. scunfiantzosu, traitore Idioms csn: a sa fidada = a s'irfidiada, candu unu no est atentu ca no si dh'abetat, a s'ispessada; pessone fidada = unu de si pòdere fidare de isse, chi faghet a si ndhe fidare; tènniri fidau a unu = pessare de si pòdere fidare de unu; tènniri a ccn. fidau che àcua in ciuliru = no li dare fide nudha; fai una cosa a corpu fidau = a coro seguru 2. custu pisedhu faghet fidadu e a ziru, ca zughet sa conca leada de su zogu ◊ sas berbeghes ant ingustadu a sa cosa frisca e faghent fidadas e a s’ortu! ◊ candu si est biu firau ndi at furau totu su chi at pótziu ◊ su pulma fait una frenada…, dèu femu istrantaxu, fidau, e seu arrutu! 3. Giudas puru fit ómine fidadu e traitu at a Cristos ◊ a mei mi tenenta fidau e mi narànt totu ◊ apo postu in sa binza unu fatore chi totus mi naraint: - Est fidadu, che persone sigura e de onore! (A.Masia Arru)◊ at avisadu sa comare fidada pro si fàghere azuare ◊ a tui ti tengu fidau che àcua in ciuliru 4. fidau de su chi m'iat nau su spaciau de fradi miu, seu andau a Aristanis ◊ ite ratza de valentias: mi podias àere dadu sa morte, sendhe fidadu puru, si chérfidu aias! ◊ candu is marineris fiant fidaus, cudha si arregollit sa cosa insoru e si ndi andat 5. comente l'ant iscutu a sa fidada isse fit rutu a longu de fiancu: no tet aer, s'iscuru, nadu mancu "Bah!" a s'istragore de sa fusilada (A.Casula) Surnames and Proverbs prb: amigu fidau tenidhu caru! Translations French sûr English reliable Spanish leal Italian fidato German zuverlässig, treu, treuer Mensch.

fidài , vrb: fidare, firai Definition crèdere, giare fide; lassare a unu o una cosa chentza dhi giare atentzione a sa sighia, chentza dha castiare, chentza pentzare in su malu; nàrrere o giare a ischire cosa a persona chi si credet segura, chi giughet capia, chi mantenet su segretu Synonyms e antonyms intregai Idioms csn: fidare una cosa in manos de unu, fidare a unu cun àtere = intregai, lassai una cosa a unu, lassai a unu cun carchi àteru (pruscatotu pro dhu castiai); est malu fidare a… = no fait a si fidai de…, est perigulosu a…; fidai is pudhas a marxani = pònnere su grodhe a tentare sos anzones, comporare casu dae sos sórighes, chircare seguresa o bene in chie ti traighet, in chie tenet s’iscopu de ti fàghere male Sentences ello cun chie mi cherzo fidare, giaghí fide in nisciunu si agatat?! (P.Pisurzi)◊ comintzas s'anzone a lusingare si si fiderat chi t'intrat in manu (Carta)◊ no ti fides in cussa nae ca si che podet segare! ◊ nosu bellus e prexaus ca tenaiaus una poriga de iscudus allogaus… bai e fidadidha! ◊ no fait a si fidai de sa buca a su nasu ◊ como su pisedhu za ch'est mannu e abbistu e faghet a li fidare sa màchina 2. lah chi no dhu fidis a Cappai, sinò in pagu tempus ti dhu mànciat! ◊ tenia cosa in su fogu, mi so fidada e brusiada mi ch'est ◊ pro ti àere fidadu unu mamentu ses diventada un'ebba rude! ◊ no faghet a fidare sa laghinza, ca si ch'essit de su cunzadu ◊ su mastru at fidadu sos pisedhos solos e si sunt totu postos a brincare ◊ custa criadura no l'at fidada un'iscuta, a sa mama, timindhe chi si che andhet 3. si as bisonzu de cossizos, abbàida cun chie ti fidare! Surnames and Proverbs prb: a cani chi papat cinixu no dhi fidis su lardu Etymon itl. Translations French avoir confiance, confier English to trust, to entrust Spanish confiar Italian fidarsi, affidare German sich verlassen auf + Akk., anvertrauen.

fidaleàda , nf Definition genia de cuntratu: papare e istare a ispesa de ccn. in càmbiu de unu trebballu.

fidàntza , nf: fidàntzia Definition seguresa, cosa chi si ponet, chi si narat o chi si giaet po seguresa de un'àteru Synonyms e antonyms afiantza, afiantzamentu, pagaria / cdh. filmantza Surnames and Proverbs prb: si ti cheres fàghere inimigos, impresta o faghe fidantza Etymon itl. fidanza Translations French garantie English surety Spanish fianza Italian mallevería German Bürgschaft, Garantie.

fidantzàda , nf Definition sa fémina candho ant assegurau sa cójua, candho a s'ómine dhi ant giau s'intrada a domo Synonyms e antonyms sposa.

fidantzàdu , pps, agt, nm: fidantzau Definition de fidantzare; s'ómine candho ant assegurau sa cójua, candho dhi ant giau s'intrada in domo de sa fémina Synonyms e antonyms inamoradu, sposu.

fidantzaméntu , nm Definition acabbamentu o asseguramentu de cójua Synonyms e antonyms acabbamentu, iscràriu Scientific Terminology sntz.

fidantzàre , vrb Definition assegurare sa cójua, giare foedhu de si cojuare.

fidantzàu fidantzàdu

fidàntzia fidàntza

fidàre fidài

fidàssia , nf Definition manera de fàere pagu bregungiosa o chi faet a bíere chi unu tenet fide in s'àteru / dare, no dare f. a ccn. Synonyms e antonyms ballansa, confidàntzia | ctr. discunfiantza Etymon srd.

fidàtu, fidàu fidàdu

fíde , nf: fidi Definition su crèdere a unu o a calecuna cosa, mescamente a Deus Synonyms e antonyms fidéscia, fidúcia / fidu Idioms csn: àere fide in Deus, chin Deus; zúghere o portare sa fide a unu = èssere pessone fidada de unu; dare, no dare fide a unu, tenni, no tenni fidi a ccn. = giúghere, tènnere, no tènnere fide, crere, no crere, fidàresi, no si fidare de unu; dare una cosa in fide o a fide = donai a fidu, a dépidu; de fide de s'ànima, a fide! (zenia de zuramentu) = devide!, abberu!; sa fide de su cane, de su batu cun su sórighe = fide chi… no si daet (ca no bi ndhe podet àere); pònneresi in fide de… = ponnirisí in conca de…; avalorai sa fidi = crèschere, afortire sa fide (in Deus) Sentences cambiai vida e torrai fidi a sa nova bona de Deus! ◊ cun tegus aia fide, ma ses faltzu! ◊ sa fide l'aiat falada a Cristos, no a sos santos ◊ sa fide ti at sarvu! ◊ sa fide professade pro tènnere salvamentu! ◊ a chini at a èssi prenu de fidi Deus dh'at a salvai ◊ si annoant sas isperas che tràmula in s'olia e torrat bia sa fide (G.M.Cherchi)◊ totus aiant fide chin issu comente issu aiat fide chin Deus (G.Piga)◊ chie no aiat fide s'unu cun s'àteru faghiat cuntratu iscritu, sinono bastaiat sa paràula ◊ de non prus pecai cun proponimentu sa fidi cun Deus si dh’at cunfirmada (F.Urracci 2. niunu sa fide giutesit a mie (P.Pisurzi)◊ su padronu at a punire su teracu chi no li at giutu sa fide ◊ no li tenzo fide a custa cosa: so timindhe chi fetat male! ◊ no dias fide a su cane dannarzu!)◊ a issu no dhi tèngiu fidi! 3. a fide gai est! ◊ devide comente ti so nendhe ant fatu! 4. leas cafè a fide in sas butegas: ti lu dant, ti lu bufas e ti negas! ◊ sa cosa de papai fiat pagu, cantu si poriat fai marcai a fidi in sa butega Surnames and Proverbs prb: fidi tenindi, ma no ndi donghis! Etymon itl. Translations French foi English faith Spanish fe, confianza Italian féde, fidùcia German Vertrauen, Glaube.

fidèa , nf: bidea Synonyms e antonyms idea*, intentu, pensamentu Sentences soe in fidea de torrare sas tràvilas a su mere ◊ eo so in fidea chi medas li tenent afetzione ◊ pro sas fideas tuas no ligas chin cussos.

fidèle, fidèli , agt, nm: fieli Definition chi o chie tenet fide o mantenet sa fide, chi credet, chi giughet sa fide a unu, a calecuna cosa e no s’istorrat Surnames and Proverbs smb: Fideli Translations French fidèle English faithful Spanish fiel, creyente Italian fedéle German gläubig, Gläubige.

fidelidàde, fidelidàdi , nf Definition su èssere fidele a ccn. o a calecuna cosa Sentences cun gosinu no bi at fidelidade ca giughet duas caras che freàgliu (R.Delogu)◊ cun su matrimóniu sa fidelidadi intrepari de is isposus arricit unu valori sacru Translations French fidélité English fidelity Spanish fidelidad Italian fedeltà German Treue.

fidenàscida , nf Definition paperi chi atrogat sa naschia de ccn. Sentences de su Comunu mi ndi bogu sa fidenàscida