A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

impantamàre , vrb Definition fàere una terra o unu logu a pantamu, prenu de abba, abbare cun abba meda; calàreche in su pantamu de su male, abbarrare coment'e arréschios in is dificurtades Synonyms e antonyms abbisciare, abbusciare, apantamare / impantanare Sentences in su falare tant'abba aundhada at trazadu ludu e pedra in sos caminos e impantamadu sa pianura 2. si fit impantamadu própiu candho fit acultzu a giòmpere ◊ si t’impantamas… proas cun rejone avilimentu, infàmia, umiliassione! (Z.Zazzu) Etymon srd.

impantanàre , vrb Synonyms e antonyms impantamare.

impaonàre impabonài

impaonàre 1 , vrb Definition fàere che a su paone, assimbigiare a su paone, comente faet chie si credet meda Synonyms e antonyms apompai, impazosire, impomponare, impomporredhare Sentences sa corríncia si cheret impaonare ◊ cudha s'impaonat, totu bene bestida e a capellina, abberit sa gianna e si che andhat!

impapadúra , nf Synonyms e antonyms aciupadura, suspidura Etymon srd. Translations French trempage English soaking Spanish empapamiento Italian inzuppaménto German Einweichen.

impapàre , vrb Synonyms e antonyms aciupae, imbibbiri.

impaperàda , nf Definition imbodhigu de paperi, cosa imbodhigada in paperi Synonyms e antonyms imbodhicu Sentences portat un'impaperada, funt is lensolos cun is coscineras.

impaperotài , vrb: impapirotare Definition fàere a imbodhigu, pònnere cosa imbodhigada, fata a imbodhigu Synonyms e antonyms imbodhiai Translations French entortiller English to put in a paper bag Spanish enrollar Italian incartocciare German in eine Tüte geben.

impapinàre impampinàre

impapínu , nm Definition su istare chentza cumprèndhere, che ammammalucaos, atontaos Etymon srd.

impapirotàre impaperotài

impàpu , nm Synonyms e antonyms addescu, mànicu, papi*

impapulàre , vrb Definition foedhare chentza si fàere a cumprèndhere bene, a murrúngiu, betandho apare o chentza distínghere bene is foedhos Synonyms e antonyms impastufare, imprabastulai, papuledhare 2. at impapuladu su fogu Etymon srd.

impàpulu , nm Definition su impapulare, su foedhare a improdhu, a brétiu Sentences como est faedhendhe a impàpulu Etymon srd.

impapútzu , nm Definition atzorodhu, faina fata male, comente ndhe faet chie no ndh'ischit fàere, fintzes cosa de perunu contu Synonyms e antonyms aciorodhu, impiastru, inciapudhu, indróvigu Sentences cussu est bonu petzi a fàghere impaputzos!

imparadéri , agt, nm Definition chi o chie imparat o serbit po imparare a un'àteru Etymon srd.

imparadítu, imparadítzu , agt Definition chi o chie est imparandho (e deasi fintzes pagu pràtigu) Synonyms e antonyms imparadori Sentences malefadada che criadura imparaditza, si nch'est pesada dae letu cun s'azudu de àtere ◊ su segretàriu est imparaditzu e medas cosas las faghet menzus s'apricadu Etymon srd.

imparadòri , nm, agt Definition (f. –a) chi o chie est imparandho, leandho imparu Synonyms e antonyms imparaditu Sentences sa maista de pannu tenit una dexina de imparadoras.

imparàdu , pps, agt: imparau Definition de imparare; chi ischit sa cosa ca dh'at o ca si dh'ant imparada, chi tenet imparu / mal'imparau = maleducadu Synonyms e antonyms istruidu 1 | ctr. disimparatu 2. mancu tue ses nàschitu imparatu! ◊ cussa est genti bruta chi fragat a bentu e mali imparara Translations French appris English learned Spanish aprendido Italian imparato, appréso German gelernt.

imparài , vrb: imparare Definition connòschere, cumprèndhere e pònnere a notu is cosas fintzes a dhas ischire fàere; ispiegare e fàere a connòschere is cosas a is àteros po chi dhas iscant e fintzes fatzant Synonyms e antonyms istudiai / insegnare | ctr. disimparare, ilmentigare Idioms csn: i. a su babbu a fai fillus = pretènnere de imparare sa cosa a chie ndhe ischit de prus; i. s'iscola = pigai un'abbitúdini de fai, de fuedhai Sentences dhue at sèmpere de imparare de sa gente antiga ◊ cada cosa chi si biet fata s'imparat a la fàchere ◊ sa filla at imparau is trassas de sa mama ◊ bene fatu: gai imparas a fàghere cosa chi no depes! ◊ po imparare a camminare, su pipiu andhat de iscannu a iscannu poderandhosi cun is manighedhas 2. beni ca babbai t'imparat a nedai! ◊ margiani mannu imparat is margianedhus ◊ iscít a iscriri gràtzias a una meri cuscensiosa chi dh'at imparau ◊ creo in Deu, prite mi ant imparadu a l'istimare dae minore mamma e babbu meu (P.Mereu)◊ a su mastru l'iscrio unu mandhatu chi segundhu su nóbbile cuntratu m'imparet trinta dies in su mese (M.Murenu)◊ cussu est mastru chi at imparadu àteros mastros Surnames and Proverbs prb: fadhendu s'imparat Translations French apprendre, enseigner English to learn, to teach Spanish aprender, enseñar Italian imparare, apprèndere, istruire, insegnare German lernen, belehren, unterrichten.