A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

incanudài, incanudàre , vrb Definition fàere o essire canu, murru, de pilos Synonyms e antonyms immurrai, incanire Translations French devenir chenu English to grow hoary Spanish encanecer Italian incanutire German grau werden.

incapàda , nf Definition su incapare, in su sensu de capitada, cosa comente est capitau de èssere, arresurtada fintzes chentza dha cricare o bòllere e fintzes totinduna Synonyms e antonyms cumbinasciòne, incapu Sentences za l'apo fata s'incapada!…

incàpada! , iscl: incapas Definition foedhu chi benit de incapare ma chi narant cun custos duos significaos (a bortas cun sa cng. si ananti): a) giai mi parit chi…, cumenciandho a foedhare coment'e po ndhe bogare un'idea chi si portat in conca, po nàrrere una cosa chi si pentzat de fàere, b) coment'e foedhu de ispantu, ma sèmpere po pigare in giru, po menguare su valore de ccn. cosa Synonyms e antonyms abbisomeu, bortzis, istimmei, sindicàpada Sentences incapas mi nau s'arrosàriu, chi dhu potzat campai de dannu a pobidhu miu! ◊ incàpada tzérriu a gomai Fulana a mi fai sa cosa! ◊ incapat dhu scit prus issa chi no dèu! ◊ incapat chi ei, incapat chi nou! ◊ ant sonadu sas noe e Frantzischinu s'incapat no benit 2. giòvunu àbbili, cussu: incàpada!… sempri bagamundendi! ◊ l'as fatu s'inzertu, s'incàpada!… mancu sas ispesas ndh'as torradu! ◊ s'incapat no mi est costada sa trampadura de custu!…

incapài , vrb: incapare 1 Definition ingapare, pònnere sa capa (a is druches) Synonyms e antonyms capare Sentences is mustatzolus sunt incapaus cun tzúcuru, o fintzas cun ciuculati Translations French glacer, surglacer English to ice Spanish glasear Italian glassare German glasieren.

incapài 1, incapàre , vrb: ingabbai 1 Definition èssere o si agatare in calecunu logu o in calecuna chistione o cosa po comente podet capitare / s'incapat = si cumbinat, si capitat Synonyms e antonyms capitai, incapitae Sentences chi dhui fiu incapada dèu!…◊ chi incapu iscidu mi fui ammachiau, biendi cussa cosa! ◊ si no aias incapadu a mie, a muzere, fias ancora a caltzones isfundhados! ◊ ditzosu a chie ti at a incapare! ◊ che l'at intzegadu sa bellesa, ma at incapadu una mere de domo chi no balet ◊ andendu a linna ingabbat in d-una cosa ci dhi orrúmbulat ananti ◊ ómine pipadore, s'incapat, no ndhe leo ◊ si torrat in fastígiu ispereus chi dh'incapit bonu! 2. s'incapat bi l'abberit de abberu s'oju Etymon itl. incappare.

incapàre 1 incapài

incaparonàre, incaparronàre , vrb Definition betare, bestire su caparone, ammantare o bestire bene Synonyms e antonyms acabbanai, acaparronare, acapotare, acavanai, acugudhare, ammantai, incapotai | ctr. innudare, iscuguzare Translations French envelopper dans un manteau English to cloak Spanish encapar Italian ammantellare German mit einem Mantel umhüllen.

incàpas incàpada

incapedhài , vrb: ingapedhare Definition pònnere su bonete Synonyms e antonyms | ctr. iscabidhare.

incapedhàu , agt Definition nau de s'aera, chi est ammontada de nues Synonyms e antonyms annuadu, annuiladu, incuculatu.

incapiàre , vrb Definition coment'e acapiare, pigare a trampa, imbovare; incortillare, incassillai Synonyms e antonyms abbaucare, ammoinai, imbalaucare, imbuvonare, improsae / incassidhare 2. podet dare chi apet chilcadu de fuire, ma si che depet èssere agatada incapiada in totu cuss'abba (M.Bua).

incapitàe, incapitài, incapitàre , vrb Definition su èssere, imbàtere o agatare in calecunu logu o chistione po cumbinatzione, comente podet arresurtare chentza chi dipendhat de su bòllere de nemos Synonyms e antonyms capitai, incapai 1 / acontèssere Sentences arratza de mulleri chi apu incapitau! ◊ chi iat incapitau a mimi no si fut fuiu, no! ◊ míseru tue chi nche ses incapitandhe in cussa malasorte! ◊ chi incapitat a no nch'èssede zeo, nch'est issa ◊ incàpitat, a boltas, in su note, che unu pitzinnu s'ischidet su bentu (S.Baldino) Translations French avoir lieu, se passer English to come, to happen Spanish acontecer, ocurrir Italian capitare German geraten, geschehen.

incàpitu , nm Definition avb.: a i. = a s'atenta, totus, unu aifatu de s'àteru, bene meda, a puntinu Sentences leatos a incàpitu, sos tzilleri de vidha sont custos ◊ pro resissire bisonzat de istudiare a s'incàpitu.

incapotàdu , pps, agt: incapotau, ingapotau Definition de incapotare; postu de capoto, chi portat su capoto bestiu: nau de su logu, chi est ammontau de népide Synonyms e antonyms ammuntadu / neuladu 2. su pastore incapotadu passat a soga e tasca ◊ Antoni incapotadu est dae como: e comente at a fàghere a nadale? (Sozu) 3. su monte est incapotadu.

incapotài, incapotàre , vrb: ingapotare Definition pònnere o bestire su capoto Synonyms e antonyms acabbanai, acaparronare, acavanai, acugudhare, ammantai, incaparonare Translations French envelopper dans un manteau English to put an overcoat on Spanish poner el abrigo Italian incappottare German einen Mantel anziehen.

incapotàu incapotàdu

incapotinàre , vrb Definition bestire su capotinu Synonyms e antonyms incapotai Etymon srd.

incàpu , nm Definition su incapare Synonyms e antonyms cumbinada, cumbinassione Etymon srd.

incaputzàre , vrb Definition fàere unu cabutzu, cumone de bestiàmene Etymon srd.

incaracúa , nf Definition incara e cua: su si ammostare o bíere coment'e a lampalughe, a tretos, a bortas, a iscutas Synonyms e antonyms incraragua, mostacua Sentences sa luna fait s'incaracua apalas de una nui ◊ duas pampas faint s'incaracua in d-una noti de circumarras Etymon srd.