A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

incatenàre incadenài

incatramadòre, incatramadòri , agt, nm Definition chi o chie leat s'àteru a ingannu Synonyms e antonyms afrascadore, arrebuseri, fraitzu, imbodhiosu, imbusteri, inganneri, tramperi, tramposu, trasseri Etymon srd. Translations French trompeur English deceptive, deceiver Spanish engañador Italian ingannatóre German Betrüger.

incatramadúra , nf Definition su incatramare, ma nau mescamente in cobertantza po ingannia Synonyms e antonyms ingannia, trampa Etymon srd. Translations French goudronnage English tarring Spanish alquitranado Italian catramatura German Teeren.

incatramàe, incatramài, incatramàre , vrb Definition betare, pònnere su catramu; nau mescamente in cobertantza, pigare s'àteru a ingannu Synonyms e antonyms asfaltai / abbovai, colovrinare, imbaucare, imbusterai, imbuvonare, improsae, ingannai, ingrangugliare, trampai Etymon srd. Translations French goudronner English to tar Spanish alquitranar Italian incatramare German teeren.

incatràmu , nm Synonyms e antonyms ingànniu, trampa / imbodhiosu, imbusteri, incatramadore, ingannadore, tramperi, trasseri / aciseri Etymon srd. Translations French séducteur English seducer Spanish seductor Italian seduttóre German Verführer.

incatzellàu , nm Definition tira de arretza chi si podet aciúnghere a su tou (àtera arretza) a manera chi custu potzat calare prus a fundhu piscandho.

incatzigài , vrb Synonyms e antonyms abbaticare, cacigai, incalcare, istibbire Etymon srd.

incàtzigu , nm Synonyms e antonyms catigammuntone, catigamuru Etymon srd.

incaungiài, incaungiàre , vrb: ingaungiae, ingaungiai Definition acumpangiare su pane cun àtera cosa, cun ingaúngiu, papandho, fàere coment'e de cundhimentu a su pane Synonyms e antonyms agonzare, aunzare 1 Sentences s'olia marigosa no praxit a totus, ma ingaúngiat prus de sa druci ◊ ingaúngiat gureu cun civraxu ◊ su pane arridadidhu e incaungiadhu cun olia! 2. sa farrighingiada dha bollet incaungiada bene cun d-una fita de casu Etymon srd.

incaúngiu , nm: ingaugnu, ingaúngiu, ingaunzu Definition cosa, mescamente prus de sustàntzia (casu, petza, e àteru), chi si papat impare cun su pane e dhi giaet prus sabore Synonyms e antonyms agonzu*, armíngiu cumpànigu, gaúngiu Sentences si donant su pani sentza de ingaúngiu ◊ in tempus antigu ni pani e ni ingaúngiu ◊ zughiat càriga a ingaunzu ◊ ndhe at furadu unu tzichi però papadu si dh'at a murrúngiu ca no at agatadu s'incaúngiu! ◊ dhi apu bitiu su murzu: pani, ingaúngiu e binu ◊ mi soe iscarésciu ca buxia arrecàpidu e ingaúngiu in sa tasca e non apo mancu papau Scientific Terminology mng Translations French ce que l'on mange avec du pain English companage Spanish companage, condumio Italian companàtico German Zukost zum Brot.

incausài, incausàre , vrb Definition betare is curpas, incurpare a unu de unu dannu, de àere fatu male Synonyms e antonyms acajonare, acriminai, acrupai, acusai, imputai, incrupai Sentences a chini t'incàusat po ti ndi pigai sa camisa, lassadhi fintzas su mantu (Ev)◊ seu innòi incausau po cussu ◊ is aversàrius, ca dhu bidiant in bidha asseliau, ant pentzau de dh'incausai po una morti 2. oe so che un'incausadu chi ispetat dibbatimentu Translations French imputer English to accuse Spanish imputar Italian imputare German zuschreiben.

incaussài , vrb Definition nau de cosa chi s'ingurtit, àere dificurtade a passare in su gúturu; asciutare sa buca (nau de cosa chi si papat po s'efetu chi faet a sa buca, ca essit arrasposa) Synonyms e antonyms aèschere, arrèschere, incaussire Sentences a Sarbadori, comenti at biu sa pobidha, dh'incaussat su binu! 2. tengu sa buca totu incaussada de cussu cachi chi apu papau Translations French de travers English which goes the wrong way (said of food) Spanish atragantar Italian andare di travèrso (détto di cibo) German in die falsche Kehle kommen.

incaussíre , vrb Synonyms e antonyms aèschere, incaussai.

incaxàdu, incaxàu incallàu

ínce , avb Synonyms e antonyms nce Sentences ince bolet errespetu po totu as limbas de su mundhu.

incegài, incegàre , vrb: intzecare, intzegare Definition guastare is ogos, leare sa vista de no bíere; cumbínchere a unu a fàere su chi no depet, o chi no bolet, o de si ndhe impudare e dispràxere apustis Synonyms e antonyms atzecare, bisogai, inciurpai, inturpire, intzeghire / alluscai, tantare Sentences si lu feris a s'ogru l'intzegas ◊ sa luche fit gosi forte chi incegaiat 2. si mi che intzegat l'iscudo! ◊ che l'at intzegadu su dinari e béndhidu s'est ◊ che l'at intzegadu sa bellesa de sa fémina, ma a mere de domo chi no balet ◊ cun sa paraleta sua che at intzegadu fintzas a tie Etymon srd. Translations French crever les yeux, devenir aveugle English to blind Spanish cegar Italian accecare German erblinden.

incénciu , nm: incensu, incentzu, inchensu, intzensu, intzentu, intzentzu, intzessu Definition duas genias de mata chi bogant coment'e làmbrigas de cucumele chi abbruxant mescamente in crésia e faent fumu fragosu meda Synonyms e antonyms simòngia, timàngia Sentences ispainai s'incensu in s'artari! ◊ a sos funerales de sos ricos faghiant tres pasadas e sas beneisciones chin s'intzentu ◊ unu de sos tres res at batidu unu càlighe de prata prenu de inchensu Scientific Terminology mt, Amyris kafal, Boswellia carteri.

incèndhere, incènnere , vrb: inchèndhere, inchènnere Definition allúere su fogu, pruschetotu foedhandho de su forru; nau de s'ànimu, de sa mente, provare unu sentidu forte, biu / pps. inchesu Synonyms e antonyms achèndhere, allúere, allumae, atzèndhere, impampidhare | ctr. istudare Idioms csn: linna de i. = linnixedha fini po allumai fogu; inchèndhere frammas a… = tzacare, pònnere fogu Sentences mentras tziu Missente fit inchendhendhe su focu, deo ascurtabo in mesu a sa cuzicura ◊ inchendhide su fogu! ◊ a cussa vidha li aviant inchesu frammas 2. s'inchendhides s'ispera ant a lúghere torra custas cortes ◊ sos pitzinnos s'inchendhent iscurtandhe su contu (A.Mura)◊ a vinti annos cudha fiama m'inchendhiat totu ◊ de poeta sas peràulas cheria candho sa mente inchesa est de amore! ◊ si li est inchesa sa cara candho l'ant dimandhata ◊ su tzocu de s'istuturrada inchendhiat s'istànsia Etymon ltn. incendere Translations French incendier, enflammer English to set on fire, to fire Spanish incendiar, inflamar Italian incendiare, entusiasmarsi German anzünden, sich begeistern.

incennidúra , nf Definition su incènnere, su allúere su fogu, ma fintzes su tanti de linna chi serbit a su forru po una cota de pane Etymon srd.

incenséri , nm: incentzeri, insenseri, intzentzeri Definition genia de braxeredhu po abbruxare timanza (incensu) in is funtziones de crésia Synonyms e antonyms afumentadore, timanzeri, turredha / cdh. incinseri Scientific Terminology prdc Etymon ctl. encenser.