A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

incatenàre incadenài

incatramadòre, incatramadòri , agt, nm Definizione chi o chie leat s'àteru a ingannu Sinonimi e contrari afrascadore, arrebuseri, fraitzu, imbodhiosu, imbusteri, inganneri, tramperi, tramposu, trasseri Etimo srd. Traduzioni Francese trompeur Inglese deceptive, deceiver Spagnolo engañador Italiano ingannatóre Tedesco Betrüger.

incatramadúra , nf Definizione su incatramare, ma nau mescamente in cobertantza po ingannia Sinonimi e contrari ingannia, trampa Etimo srd. Traduzioni Francese goudronnage Inglese tarring Spagnolo alquitranado Italiano catramatura Tedesco Teeren.

incatramàe, incatramài, incatramàre , vrb Definizione betare, pònnere su catramu; nau mescamente in cobertantza, pigare s'àteru a ingannu Sinonimi e contrari asfaltai / abbovai, colovrinare, imbaucare, imbusterai, imbuvonare, improsae, ingannai, ingrangugliare, trampai Etimo srd. Traduzioni Francese goudronner Inglese to tar Spagnolo alquitranar Italiano incatramare Tedesco teeren.

incatràmu , nm Sinonimi e contrari ingànniu, trampa / imbodhiosu, imbusteri, incatramadore, ingannadore, tramperi, trasseri / aciseri Etimo srd. Traduzioni Francese séducteur Inglese seducer Spagnolo seductor Italiano seduttóre Tedesco Verführer.

incatzellàu , nm Definizione tira de arretza chi si podet aciúnghere a su tou (àtera arretza) a manera chi custu potzat calare prus a fundhu piscandho.

incatzigài , vrb Sinonimi e contrari abbaticare, cacigai, incalcare, istibbire Etimo srd.

incàtzigu , nm Sinonimi e contrari catigammuntone, catigamuru Etimo srd.

incaungiài, incaungiàre , vrb: ingaungiae, ingaungiai Definizione acumpangiare su pane cun àtera cosa, cun ingaúngiu, papandho, fàere coment'e de cundhimentu a su pane Sinonimi e contrari agonzare, aunzare 1 Frasi s'olia marigosa no praxit a totus, ma ingaúngiat prus de sa druci ◊ ingaúngiat gureu cun civraxu ◊ su pane arridadidhu e incaungiadhu cun olia! 2. sa farrighingiada dha bollet incaungiada bene cun d-una fita de casu Etimo srd.

incaúngiu , nm: ingaugnu, ingaúngiu, ingaunzu Definizione cosa, mescamente prus de sustàntzia (casu, petza, e àteru), chi si papat impare cun su pane e dhi giaet prus sabore Sinonimi e contrari agonzu*, armíngiu cumpànigu, gaúngiu Frasi si donant su pani sentza de ingaúngiu ◊ in tempus antigu ni pani e ni ingaúngiu ◊ zughiat càriga a ingaunzu ◊ ndhe at furadu unu tzichi però papadu si dh'at a murrúngiu ca no at agatadu s'incaúngiu! ◊ dhi apu bitiu su murzu: pani, ingaúngiu e binu ◊ mi soe iscarésciu ca buxia arrecàpidu e ingaúngiu in sa tasca e non apo mancu papau Terminologia scientifica mng Traduzioni Francese ce que l'on mange avec du pain Inglese companage Spagnolo companage, condumio Italiano companàtico Tedesco Zukost zum Brot.

incausài, incausàre , vrb Definizione betare is curpas, incurpare a unu de unu dannu, de àere fatu male Sinonimi e contrari acajonare, acriminai, acrupai, acusai, imputai, incrupai Frasi a chini t'incàusat po ti ndi pigai sa camisa, lassadhi fintzas su mantu (Ev)◊ seu innòi incausau po cussu ◊ is aversàrius, ca dhu bidiant in bidha asseliau, ant pentzau de dh'incausai po una morti 2. oe so che un'incausadu chi ispetat dibbatimentu Traduzioni Francese imputer Inglese to accuse Spagnolo imputar Italiano imputare Tedesco zuschreiben.

incaussài , vrb Definizione nau de cosa chi s'ingurtit, àere dificurtade a passare in su gúturu; asciutare sa buca (nau de cosa chi si papat po s'efetu chi faet a sa buca, ca essit arrasposa) Sinonimi e contrari aèschere, arrèschere, incaussire Frasi a Sarbadori, comenti at biu sa pobidha, dh'incaussat su binu! 2. tengu sa buca totu incaussada de cussu cachi chi apu papau Traduzioni Francese de travers Inglese which goes the wrong way (said of food) Spagnolo atragantar Italiano andare di travèrso (détto di cibo) Tedesco in die falsche Kehle kommen.

incaussíre , vrb Sinonimi e contrari aèschere, incaussai.

incaxàdu, incaxàu incallàu

ínce , avb Sinonimi e contrari nce Frasi ince bolet errespetu po totu as limbas de su mundhu.

incegài, incegàre , vrb: intzecare, intzegare Definizione guastare is ogos, leare sa vista de no bíere; cumbínchere a unu a fàere su chi no depet, o chi no bolet, o de si ndhe impudare e dispràxere apustis Sinonimi e contrari atzecare, bisogai, inciurpai, inturpire, intzeghire / alluscai, tantare Frasi si lu feris a s'ogru l'intzegas ◊ sa luche fit gosi forte chi incegaiat 2. si mi che intzegat l'iscudo! ◊ che l'at intzegadu su dinari e béndhidu s'est ◊ che l'at intzegadu sa bellesa de sa fémina, ma a mere de domo chi no balet ◊ cun sa paraleta sua che at intzegadu fintzas a tie Etimo srd. Traduzioni Francese crever les yeux, devenir aveugle Inglese to blind Spagnolo cegar Italiano accecare Tedesco erblinden.

incénciu , nm: incensu, incentzu, inchensu, intzensu, intzentu, intzentzu, intzessu Definizione duas genias de mata chi bogant coment'e làmbrigas de cucumele chi abbruxant mescamente in crésia e faent fumu fragosu meda Sinonimi e contrari simòngia, timàngia Frasi ispainai s'incensu in s'artari! ◊ a sos funerales de sos ricos faghiant tres pasadas e sas beneisciones chin s'intzentu ◊ unu de sos tres res at batidu unu càlighe de prata prenu de inchensu Terminologia scientifica mt, Amyris kafal, Boswellia carteri.

incèndhere, incènnere , vrb: inchèndhere, inchènnere Definizione allúere su fogu, pruschetotu foedhandho de su forru; nau de s'ànimu, de sa mente, provare unu sentidu forte, biu / pps. inchesu Sinonimi e contrari achèndhere, allúere, allumae, atzèndhere, impampidhare | ctr. istudare Modi di dire csn: linna de i. = linnixedha fini po allumai fogu; inchèndhere frammas a… = tzacare, pònnere fogu Frasi mentras tziu Missente fit inchendhendhe su focu, deo ascurtabo in mesu a sa cuzicura ◊ inchendhide su fogu! ◊ a cussa vidha li aviant inchesu frammas 2. s'inchendhides s'ispera ant a lúghere torra custas cortes ◊ sos pitzinnos s'inchendhent iscurtandhe su contu (A.Mura)◊ a vinti annos cudha fiama m'inchendhiat totu ◊ de poeta sas peràulas cheria candho sa mente inchesa est de amore! ◊ si li est inchesa sa cara candho l'ant dimandhata ◊ su tzocu de s'istuturrada inchendhiat s'istànsia Etimo ltn. incendere Traduzioni Francese incendier, enflammer Inglese to set on fire, to fire Spagnolo incendiar, inflamar Italiano incendiare, entusiasmarsi Tedesco anzünden, sich begeistern.

incennidúra , nf Definizione su incènnere, su allúere su fogu, ma fintzes su tanti de linna chi serbit a su forru po una cota de pane Etimo srd.

incenséri , nm: incentzeri, insenseri, intzentzeri Definizione genia de braxeredhu po abbruxare timanza (incensu) in is funtziones de crésia Sinonimi e contrari afumentadore, timanzeri, turredha / cdh. incinseri Terminologia scientifica prdc Etimo ctl. encenser.