Ditzionàriu in línia
de sa limba e de sa cultura sarda

inchejàre , vrb Definizione fàere a chea, a fossu.

incheladúra , nf Definizione su inchelare, su bíere o si pàrrere prus pagu Sinonimi e contrari annapadura, imbeladura, impannu, inchelu Etimo srd. Traduzioni Francese obscurcissement Inglese darkening Spagnolo ofuscamiento Italiano offuscaménto Tedesco Verdunkelung.

inchelàre , vrb Definizione coment'e pònnere in is ogos una napa (chelu de arangiolu) chi no lassat bíere crara sa cosa / i. sa vista = menguai, abbasciai sa vista Sinonimi e contrari afuscai, annapai, chelare, imbelare, impannare, infuscai, intelai Frasi avivat sas pupias incheladas ◊ su Sole no si est incheladu in ojos tuos ◊ inchelant notes de pascionu e albeschint dies de trementu ◊ gighet sos ojos inchelados ◊ sas làmbrigas li inchelant sos ogros Etimo srd. Traduzioni Francese voiler, brouiller, offusquer Inglese to veil, to dim Spagnolo ofuscar, velar Italiano velare, offuscare Tedesco verhüllen.

inchelàu , pps, agt Definizione de inchelare; chi est coment'e annapau Traduzioni Francese offusqué, brouillé Inglese dimmed Spagnolo velado Italiano velato Tedesco verschleiert.

inchélu , nm Definizione su inchelare, su si bíere o si pàrrere prus pagu de is cosas Sinonimi e contrari annapadura, imbeladura, impannu, incheladura Etimo srd.

inchenadórzu , nm Sinonimi e contrari inchinadorzu, interighinada, irmurinada, iscuricada, murriadrosu | ctr. abbréschida Etimo srd.

inchèndhere incèndhere

inchendhidòre , nm Definizione chie o cosa, aparíciu, chi inchendhet, alluet o poderat allutu su fogu, su forru Etimo srd.

inchènnere incèndhere

inchénsu incénciu

inchéntria , nf Definizione síngia, singiale chi abbarrat de frigada o àteru chi arrasigat Sinonimi e contrari arrasta, arrestallu, frata, iltiga / chéntria*, síngia Frasi cun d-unu fuste at fatu s'inchéntria in terra (E.Pes)◊ cussu est unu nemos, at catigadu sa terra chena che lassare inchéntria (An.Are)◊ in su muru bi est s'inchéntria de sas manos.

incheràdu inceràu

incheràre incerài

inchércio , nm Definizione chie no biet bene; a logos, i. lu narant a s'àinu prus che àteru a brulla Sinonimi e contrari gliuscu, gréciu Etimo ctl. guerx.

incherellàre , vrb Definizione intrare giustítzia a unu, pònnere in giustítzia a unu po calecuna cosa Sinonimi e contrari carelare, cramari, tzitare Traduzioni Francese porter plainte Inglese to proceed against Spagnolo querellarse Italiano querelare Tedesco verklagen.

incheremídu , pps, agt Definizione de incheremire Sinonimi e contrari aoradu, arimitu, assoladu, bruguaxu Traduzioni Francese ermite, solitaire Inglese anchoret, solitary Spagnolo ermitaño Italiano eremita, solitàrio Tedesco Einsiedler.

incheremíre , vrb Definizione andharesindhe a bívere in logu ispérdiu, atesu de gente, fàere vida de soledade Sinonimi e contrari afrungiulare Frasi pro su disisperu, penso a m'incheremire abbaidendhe a su chelu e mi assamudo (G.M.Cherchi) Etimo srd. Traduzioni Francese se retirer dans un ermitage Inglese to retire to one's retreat, to leave off Spagnolo hacerse eremita Italiano ritirarsi nell'èremo, demòrdere Tedesco zurückgezogen leben, nachgeben.

incherentinàre , vrb Definizione arrolliare, istare a s'inghíria inghíria, cricandho, abbaidandho, ma chentza un'iscopu precisu (o chi deasi paret) Frasi ello ite bi est incherentinanne, cussu, cue? 2. sos pitzinnos si ghetant che sa musca a su mele e comintzant a carabbatare chene regrésciu perunu cantu prus recatu podent, che incherentinados de sa gana! (M.Gattu Soddu).

incherínu , nm: inchirinu Definizione dinare, su tanti in prus chi si torrat a chie ndhe at giau a préstidu Sinonimi e contrari agéntzia, créciu, oriellu Frasi ci est issu, ti prestat su dinare e no ti faet pagae s'incherinu Traduzioni Francese agio, taux d'intérêt Inglese premium, interest rate Spagnolo agio, tipo de interés Italiano àggio, tasso d'interèsse Tedesco Agio, Zinsfuß.

incheropicàre , vrb Definizione tupare o istangiare cun cheróbiga, su chi faet s'abe chi tupat bene dónnia istampu de su casidhu Etimo srd.