A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

inchilciàdu , pps, agt Definizione de inchilciare; nau de sa conca, chi dolet coment'e chi portet unu cricu istrintu Sinonimi e contrari iltzelembradu.

inchilciàre , vrb: inchircare 1, inchirciare, inchisciare, incricare 2 Definizione pònnere o istrínghere in cricos, is cricos; in cobertantza, pigare fele, tzacu, arrennegu; nau de s'aera, chi si annuat a meda, totu pínniga a dónnia bandha Sinonimi e contrari arrennegai, artziaresiche / annuai 1 2. daghi at basi ascultadu, comente a s'inchilciare l'at a usu, che canna si est pesadu de archivusu (Limbudu) Etimo srd. Traduzioni Francese cercler Inglese to hoop, to get angry, to become overcast Spagnolo rodear, ceñir, cercar, enfadarse, nublarse Italiano cerchiare, incerchiare Tedesco bereifen.

inchilibridàre, inchiliràre , vrb Definizione passare su trigu in su chiliru (chilibru), fàere in chiliru Etimo srd.

inchimentàre , vrb Definizione fàere chimentu, boghes, burdellu Sinonimi e contrari abbochinare, batugliare, chichigliare, intrigliare, stragamullai Etimo srd. Traduzioni Francese tapager Inglese to make a noise Spagnolo alborotar Italiano fare strèpito, chiasso Tedesco Lärm machen.

inchimerài, inchimeràre , vrb: inchimeriare Definizione pigare chimera, pigare o giare arennegu, fintzes pònnere in conca calecuna idea a bisura de chimera Sinonimi e contrari abbetiae, achibberare, acroconai, afutare, airai, aorcare, arrabbiai, arragiolire, arrannegai, inchietae, inchimerire, infelai, infuterare, insutzuligai, intziminire, renignai Frasi sendhe míseru isciau, t'inchimeras e ti faghes padronu in prepoténtzia (P.Casu)◊ su chelu si fit inchimeradu e caleit de botu sa irada de s'abba ◊ si bulluzat su mare, dae subra l'inchimerant sas nues… in pag'ora est un'inferru! ◊ sas aeras inchimeradas no faghent isperare in dies bonas ◊ si inchimeras a mie, ti zuro chi non cantas prus in logu! (M.Z.Funedda) Etimo srd. Traduzioni Francese s'obstiner, s'irriter Inglese to be obstinate Spagnolo obstinarse, empeñarse Italiano incaponirsi, alterarsi Tedesco sich versteifen, sich erregen.

inchimeràu , pps, agt Definizione de inchimerare Sinonimi e contrari afutadu, arrennegadu, arteriadu, inchietu, infrascau / fazelladu, pistighingiosu, schinitzosu | ctr. contentu, pregiosu / pachiosu 2. su pitzinnu no at sessau de prànghere, ma sèmpere inchimerau ◊ si sont torradas a pesare sas tiliocas in trimizones de prúghere chin boches de bentos inchimerados ◊ tota note su bentu fit muilendhe inchimeradu Traduzioni Francese inquiet Inglese agitated, restless Spagnolo enfadado, inquieto Italiano inquïèto, irrequïèto Tedesco unruhig.

inchimeriàre inchimeràre

inchimerídu , pps, agt Definizione de inchimerire Sinonimi e contrari inchimerau 2. fintzas su prúere l'acolliat riendhe sutzendhesilu cun gustu sididu candho su corpus meu inchimeridu abbas de fogu catzaiat gioghendhe! (G.Ruju)

inchimeríre , vrb Sinonimi e contrari inchimerai Frasi su chelu si ch'est inchimeridu.

inchimidúra , nf Definizione su inchimire, ma fintzes sa chima o candhelita chi bogant is erbas Frasi s'inchimidura de s'ortigada cota a budhiu est bona a issalada Etimo srd.

inchimíre , vrb: incimie, incimiri Definizione bogare sa chima, sa candhelita (cambu de mesu chi faet su frore), nau de is erbas; fàere chimas a meda, bogare linna noa (nau de is matas) Sinonimi e contrari chimire / intibbiri 2. in beranu, candho is matas furint incimindho, su córgiu ndh'essiat bene Etimo srd.

inchimíu , pps, agt Definizione de inchimire; chi at fatu sa chima Sinonimi e contrari chimidu, folau.

inchinadórzu , nm: inclinadorzu Definizione s'ora chi cumènciat a iscurigare Sinonimi e contrari inclinada, interighinada, interinada, irmurinada, iscuricada, iscurigadolzu, murriadrosu | ctr. abbréschida Frasi fit poi de s'inchinadorzu a tardu de note Terminologia scientifica sdi Etimo srd.

inchinài, inchinàre , vrb: incinare Definizione fàere s'inchinu, abbasciare o incrubare unu pagu sa conca in singiale de arrespetu o saludu Sinonimi e contrari ancrucare, incruai, ingruxare Frasi si adderetaiat in giru, a corroncinu, tandho s'incinaiat a su Sacramentu Etimo itl. inchinare.

inchindhulàre , vrb Definizione mòvere che chíndhalu (ixorbedrama), a orrumbuladura Sinonimi e contrari cadhinare, codulare Frasi sa pedrighina códulat cun sa rena e s'inchíndhulat in su riu (M.Sale) Etimo srd.

inchínghere , vrb Definizione coment'e pigare a chintzu cun is bratzos, pònnere a inghíriu / pps. inchintu Sinonimi e contrari achintorzare, aggrapiare, atrotzigonare, chígnere Frasi so inchintu de cadenas ◊ cust'àrbure no l'inchinghent duos ómines Etimo ltn. incingere Traduzioni Francese entourer, ceindre, embrasser Inglese to embrace Spagnolo rodear, ceñir Italiano cìngere, avvòlgere, avvinghiare Tedesco umfassen, umarmen.

inchinghidúra , nf Definizione su inchínghere Sinonimi e contrari abbugnu, afiagnu Etimo srd.

inchingiàre , vrb Definizione pònnere sa cingra (chintórgiu); su si atrotigare a dolores, po dolore forte Sinonimi e contrari achingiai / foscigare, ischirchinare, trofigare Etimo srd.

inchingiàre 1 , vrb Definizione pònnere cosa noa (bestimentu o àteru) sa primu borta Sinonimi e contrari incignare*.

inchinisàdu , pps, agt: inchisinau, inchixinatu Definizione de inchinisare; totu brutu de chinisu, fatu a chinisu Sinonimi e contrari cinisosu 2. lampant fogos in calchi rutu muru de sa citade totu inchinisada (S.Lay Deidda) Traduzioni Francese qui est réduit en cendres Inglese reduced to ashes Spagnolo quemado, encenizado Italiano incenerito Tedesco mit Asche bedeckt, eingeäschert.