A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

inchilciàdu , pps, agt Definition de inchilciare; nau de sa conca, chi dolet coment'e chi portet unu cricu istrintu Synonyms e antonyms iltzelembradu.

inchilciàre , vrb: inchircare 1, inchirciare, inchisciare, incricare 2 Definition pònnere o istrínghere in cricos, is cricos; in cobertantza, pigare fele, tzacu, arrennegu; nau de s'aera, chi si annuat a meda, totu pínniga a dónnia bandha Synonyms e antonyms arrennegai, artziaresiche / annuai 1 2. daghi at basi ascultadu, comente a s'inchilciare l'at a usu, che canna si est pesadu de archivusu (Limbudu) Etymon srd. Translations French cercler English to hoop, to get angry, to become overcast Spanish rodear, ceñir, cercar, enfadarse, nublarse Italian cerchiare, incerchiare German bereifen.

inchilibridàre, inchiliràre , vrb Definition passare su trigu in su chiliru (chilibru), fàere in chiliru Etymon srd.

inchimentàre , vrb Definition fàere chimentu, boghes, burdellu Synonyms e antonyms abbochinare, batugliare, chichigliare, intrigliare, stragamullai Etymon srd. Translations French tapager English to make a noise Spanish alborotar Italian fare strèpito, chiasso German Lärm machen.

inchimerài, inchimeràre , vrb: inchimeriare Definition pigare chimera, pigare o giare arennegu, fintzes pònnere in conca calecuna idea a bisura de chimera Synonyms e antonyms abbetiae, achibberare, acroconai, afutare, airai, aorcare, arrabbiai, arragiolire, arrannegai, inchietae, inchimerire, infelai, infuterare, insutzuligai, intziminire, renignai Sentences sendhe míseru isciau, t'inchimeras e ti faghes padronu in prepoténtzia (P.Casu)◊ su chelu si fit inchimeradu e caleit de botu sa irada de s'abba ◊ si bulluzat su mare, dae subra l'inchimerant sas nues… in pag'ora est un'inferru! ◊ sas aeras inchimeradas no faghent isperare in dies bonas ◊ si inchimeras a mie, ti zuro chi non cantas prus in logu! (M.Z.Funedda) Etymon srd. Translations French s'obstiner, s'irriter English to be obstinate Spanish obstinarse, empeñarse Italian incaponirsi, alterarsi German sich versteifen, sich erregen.

inchimeràu , pps, agt Definition de inchimerare Synonyms e antonyms afutadu, arrennegadu, arteriadu, inchietu, infrascau / fazelladu, pistighingiosu, schinitzosu | ctr. contentu, pregiosu / pachiosu 2. su pitzinnu no at sessau de prànghere, ma sèmpere inchimerau ◊ si sont torradas a pesare sas tiliocas in trimizones de prúghere chin boches de bentos inchimerados ◊ tota note su bentu fit muilendhe inchimeradu Translations French inquiet English agitated, restless Spanish enfadado, inquieto Italian inquïèto, irrequïèto German unruhig.

inchimeriàre inchimeràre

inchimerídu , pps, agt Definition de inchimerire Synonyms e antonyms inchimerau 2. fintzas su prúere l'acolliat riendhe sutzendhesilu cun gustu sididu candho su corpus meu inchimeridu abbas de fogu catzaiat gioghendhe! (G.Ruju)

inchimeríre , vrb Synonyms e antonyms inchimerai Sentences su chelu si ch'est inchimeridu.

inchimidúra , nf Definition su inchimire, ma fintzes sa chima o candhelita chi bogant is erbas Sentences s'inchimidura de s'ortigada cota a budhiu est bona a issalada Etymon srd.

inchimíre , vrb: incimie, incimiri Definition bogare sa chima, sa candhelita (cambu de mesu chi faet su frore), nau de is erbas; fàere chimas a meda, bogare linna noa (nau de is matas) Synonyms e antonyms chimire / intibbiri 2. in beranu, candho is matas furint incimindho, su córgiu ndh'essiat bene Etymon srd.

inchimíu , pps, agt Definition de inchimire; chi at fatu sa chima Synonyms e antonyms chimidu, folau.

inchinadórzu , nm: inclinadorzu Definition s'ora chi cumènciat a iscurigare Synonyms e antonyms inclinada, interighinada, interinada, irmurinada, iscuricada, iscurigadolzu, murriadrosu | ctr. abbréschida Sentences fit poi de s'inchinadorzu a tardu de note Scientific Terminology sdi Etymon srd.

inchinài, inchinàre , vrb: incinare Definition fàere s'inchinu, abbasciare o incrubare unu pagu sa conca in singiale de arrespetu o saludu Synonyms e antonyms ancrucare, incruai, ingruxare Sentences si adderetaiat in giru, a corroncinu, tandho s'incinaiat a su Sacramentu Etymon itl. inchinare.

inchindhulàre , vrb Definition mòvere che chíndhalu (ixorbedrama), a orrumbuladura Synonyms e antonyms cadhinare, codulare Sentences sa pedrighina códulat cun sa rena e s'inchíndhulat in su riu (M.Sale) Etymon srd.

inchínghere , vrb Definition coment'e pigare a chintzu cun is bratzos, pònnere a inghíriu / pps. inchintu Synonyms e antonyms achintorzare, aggrapiare, atrotzigonare, chígnere Sentences so inchintu de cadenas ◊ cust'àrbure no l'inchinghent duos ómines Etymon ltn. incingere Translations French entourer, ceindre, embrasser English to embrace Spanish rodear, ceñir Italian cìngere, avvòlgere, avvinghiare German umfassen, umarmen.

inchinghidúra , nf Definition su inchínghere Synonyms e antonyms abbugnu, afiagnu Etymon srd.

inchingiàre , vrb Definition pònnere sa cingra (chintórgiu); su si atrotigare a dolores, po dolore forte Synonyms e antonyms achingiai / foscigare, ischirchinare, trofigare Etymon srd.

inchingiàre 1 , vrb Definition pònnere cosa noa (bestimentu o àteru) sa primu borta Synonyms e antonyms incignare*.

inchinisàdu , pps, agt: inchisinau, inchixinatu Definition de inchinisare; totu brutu de chinisu, fatu a chinisu Synonyms e antonyms cinisosu 2. lampant fogos in calchi rutu muru de sa citade totu inchinisada (S.Lay Deidda) Translations French qui est réduit en cendres English reduced to ashes Spanish quemado, encenizado Italian incenerito German mit Asche bedeckt, eingeäschert.