A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

inchérrida , nf Definizione su chi unu paret a cara, fintzes una genia de atza, de fortza chi si paret in cara, abbaidada a corroncinu / àere mala i. = portai oghida lègia Sinonimi e contrari bisura, cara, chèrgia, chígia, faci / chinna, inchizada / fieresa Frasi sa cara at s'inchérrida de sos vint'annos (C.Meridda) 2. cantos dechidos e briosos, cun música de Saldigna antiga e noa, poniant inchérridas de raighinas! Traduzioni Francese fierté Inglese pride Spagnolo fiereza Italiano fierézza Tedesco Stolz.

incherrídu , agt Definizione chi portat una inchérrida, genia de bisura de importu Frasi sos altistas sa domíniga essiant a passizare, incherridos, bestidos de pannu o de bellutinu Etimo srd. Traduzioni Francese fier Inglese bold Spagnolo orgulloso, digno Italiano fièro Tedesco stolz.

inchèrtzo , nm Definizione inchèrcio, nau unu pagu a brulla a s'àinu.

inchessàda , nf Definizione su inchessare, alluta, istérria de fràmula, de fogu Etimo srd.

inchessàre , vrb Definizione nau de su fogu a fràmula, chi lompet o pigat a calecuna cosa chi abbruxat, tènnere, apampai, fàere fràmula meda / focu inchessau = tenindhe, inchesu, a framaridas Frasi su fogu si est inchessau in sas àrvules mannas ◊ su fogu ch'est iscazandhe finas sas codinas, cudhas chi fudint afortificadas, si est inchessau a sas arraighinas Etimo srd.

inchéssu , agt Sinonimi e contrari allutu, inchesu Frasi est mesudie, su sole est picanne a conca: est inchessa sa terra!

inchèsta , nf Sinonimi e contrari chensa, lamenta Etimo srd.

inchestadòre , agt, nm Definizione chi o chie istat inchestendhe, giaendho ocasione, faendho arrennegare Sinonimi e contrari atzitzadori, derreri, insulladori, intzidiante, mintzidiarzu, tzuntzulladore 2. cussas sunt malas ganas inchestadoras! Etimo srd.

inchestàre , vrb: inchestiare Definizione giare ocasione forte, pigare e fàere pigare arrennegu Sinonimi e contrari apurire, ifadare, incidai, insissiligai, inzerrare / airai, arrabbiai, arragiolire, arrannegai, inchietae, inchimerai, infelai Frasi li ant dadu cuss'afissa ca istat sempre inchestendhe sa zente (G.Ruju) 2. l'ant intesu inchestiendhe in d-unu salone Etimo srd.

inchestiàda , nf Definizione su s'inchestiare, su pigare o giare arrennegu Sinonimi e contrari arrennegada, inchietada Etimo srd.

inchestiàre inchestàre

inchésu , pps, agt, nm Definizione de inchèndhere; tanti de linna chi bastat po una cota de pane, sa cota de su pane / fàghere s'i. = allúiri, imbudhidai su forru po còiri su pani Sinonimi e contrari abbrigau, allutu, inchessu | ctr. istudau Frasi si at inchesu unu mesu zigarru e si l'est assaporjandhe ◊ framma de passione ant inchesu sa mente tua 2. ocros inchesos de focu ◊ unu fogu inchesu ti brujat ◊ sa làmpana est inchesa ◊ Anzeledha est a conca bassa, chin sa cara inchesa che su meladidone 3. chie faghet pane depet cumprèndhere candho est ora de fàghere s'inchesu Traduzioni Francese allumé Inglese lit up, on (switched) Spagnolo encendido Italiano accéso, incandescènte Tedesco angezündet, glühend.

inchesuràdu , pps, agt: inchisuradu Definizione de inchesurare; nau de logu, chi est serrau a cresura; nau de ccn. chi est cuau apalas de cresura, in sa cresura / muros inchesurados = serrados a cresura, cun cresura, cun impizadura Sinonimi e contrari impizadu 2. inoghe ite che fato, inchesuradu a frazados impreos e a nadas cobertas de murgone? ◊ sas bamas sunt paschendhe chena cuviu in sas tancas inchesuradas 3. Toedhu fit inchesuradu dae prima de s'ocasu a ojos ficados a su balcone (N.Fois).

inchesuràre , vrb: incresurae, incresurai, incresurare Definizione serrare a cresura, fàere sa cresura; rfl. cuare in sa cresura Sinonimi e contrari cresurai, impizare, incujare 1 | ctr. iscresurare Etimo srd. Traduzioni Francese clôturer, entourer Inglese to fence in Spagnolo cercar Italiano recintare Tedesco einfrieden.

inchexiàre , vrb: increjare, incresiae, incresiai, incresiare, incresiari Definizione fàere un'intrada a crésia, pruschetotu andhare a crésia sa primu borta, nau de sa fémina apustis de s'illieróngiu, e ingòllere sa beneditzione (ma dhu narant fintzes po animales, in su sensu de fàere ccn. cosa chi giuat); andhare a si cuare in crésia Frasi candu po sa mama e po su pipiu fut lómpiu su tempus de s'incresiai, iant portau su pipiu a su témpiu (Ev)◊ sa mama, candho teniat fizu, sa prima essida la faghiat a s'incresiare Etimo srd.

inchexiàrzu , nm: incresiarzu Definizione su s'incresiare Sinonimi e contrari incresiada, incresiamentu Etimo srd.

inchéxiu , nm: incréjiu, incrésiu Definizione su s'incresiare, intrada, imbisita de una mama a crésia cun sa criadura noa a sa prima essia apustis de s'illieróngiu; fintzes sa funtzione de su duos de freàgiu, candho si arregodat sa presentada de su Cristos pipiu a su témpiu Sinonimi e contrari inchexiarzu, incresiamentu, incresionzu Frasi at incingiau su bistiri sa dí de s'incrésiu ◊ antigamente s'incrésiu fiat apustis de sas baranta dies ◊ Luchiridina oje fachet s'incréjiu Terminologia scientifica prdc Etimo srd.

ínchi ínca

inchiàdu , agt Definizione nau de calecunu frutu, chi at cumpriu su chiu Etimo srd.

inchibbaràdu , agt Definizione chi est chíbberu; chi si est arrennegau Traduzioni Francese vexé, fâché Inglese offended Spagnolo mosqueado, picado Italiano impermalito Tedesco gekränkt.