A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

incuédhu , nm Definition biculedhu, parte pitica, un'apenas de css. cosa / min. incuedhedhu, incuarradhedhu Synonyms e antonyms acantighedhu, acodedhu*, arroghedhu, bículu, bucone, incodedhu, pitzuedhu, tanchedhu, uchedhu / tichedhu Sentences totu intreu, ei: ellus a incuedhus?! ◊ fullianci is incuedhus de s'ampudha arrogada! ◊ donniunu teniat un'incuedhu de terra ◊ sa crocoriga, comenti ndi dh'at isciarrocada, si est segada in centumilla e un'incuedhu ◊ mi papu un'incuedhu de pani e casu ◊ nci at un'incuedhedhu de pani e un'incuedhedhu de pani si papaus! 2. po t'indruciai sa buca piga un'incuedhu de cafei cun tzúcuru meda! Translations French petit morceau English bit Spanish pedacito Italian pezzétto German Stückchen.

incúgna , nf: ancúngia, incúngia, incunza Definition totu su chi produet su trebballu de sa terra e si arregollet de su sartu a provista (ma si narat fintzes de css. intrada o badàngiu o profetu); su tempus de ndhe arregòllere sa cosa de su sartu Synonyms e antonyms arragota / incunzada Idioms csn: a i. fata = apustis de s'incunza, acabbau de fai s'incúngia; a incúngias = a s'incunzada; incunza de su binu = iscubonadura Sentences betat s'arzola cun tribàgliu e munza pro nachi ndhe àere achistu e profetu e benit a su tempus de s'incunza chi mancu giustu ndhe torrat su betu! (M.Murenu)◊ su messaju timet chi su fogu li brujet s'incunza ◊ in s'istadi si fait s'incúngia de sa linna po s'ierru 2. a s'incunza m'iscútino sa runza, chi mi che apo a bogare sos dépidos! ◊ a incúngias bos apo a giare fae e pisu ◊ non podeus ispetare a incúngias po papare! Etymon srd. Translations French récolte English harvest Spanish cosecha Italian raccòlto German Ernte.

incugudhài, incugudhàre , vrb Definition pònnere su cugudhu Synonyms e antonyms acapuciai, acubudhare, acucutare, acuguciai, acugudhai, incucutare | ctr. iscugudhai 2. is cunfrades furint incugudhaos coment'e po carrasegare Etymon srd. Translations French encapuchonner English to hood Spanish encapuchar Italian incappucciare German eine Kapuze aufsetzen.

incugulàda , nf Definition nau de s'aera, su s'incugulare, carragiare de nues Synonyms e antonyms annuadura, annuamentu | ctr. isclarida Etymon srd.

incugulàre incuculàre

incugulínzu , nm Synonyms e antonyms annuamentu, incúgulu Etymon srd.

incugulòre , nm Synonyms e antonyms abbudhonadura, annuamentu, incúgulu Scientific Terminology tpm Etymon srd.

incúgulu , nm Definition su s'incugulare Synonyms e antonyms abbudhonadura, annuamentu Etymon srd. Translations French assombrissement English clouding over Spanish nublado Italian rannuvolaménto German Bewölkung.

incúi icúi

incuidàda , nf Definition cropu giau cun su cuidu (a lébiu si est po bòllere nàrrere calecuna cosa a chie si portat a fiancu) Synonyms e antonyms iscubidalada, iscuidada Sentences is duus pastoris furint erriendu de cudhus e donendusí incuidadas Etymon srd.

incuidàre , vrb Definition giare cropos de cuidu, pigare a cropos de cuidu Synonyms e antonyms iscubidalare, iscuidare 1.

incuilínu , nm Definition chie istat in domos de afitu Synonyms e antonyms allocateri, arrendatàriu, pesonali | ctr. apesonadori.

incuinadúra , nf Definition su incuinare Synonyms e antonyms incuinamentu.

incuinaméntu , nm Definition su incuinare, su atoscare, luare su logu o is cosas Synonyms e antonyms cundhidura.

incuinàre , vrb Definition pònnere o fàere pigare velenu o cosa chi faet male che a su velenu etotu; prènnere su logu, s'aera, de velenos o cosas chi faent male a sa salude de sa gente, de is animales, de su matedu (e fintzes su distrúere s'echilíbbriu e cunditziones chi sa natura at assentau in tempos longos meda, ca faet dannu) Synonyms e antonyms abbelenare, alluae, atosicai, toscare.

incuíre , vrb Definition torrare agoa, istesiare torrandho incuadas Synonyms e antonyms | ctr. avansare Sentences sos lacanantes cherent fraigare acurtzu a sa làcana, ma depent incuire ambos duos, ca depent lassare unu tantu de logu in mesu Etymon srd. Translations French reculer English to pull back, to degrade Spanish retroceder Italian arretrare, retrocèdere German zurückgehen, zurückweisen.

incuisidòre, incuisidòri , nm Definition magistrau chi cricat totu su chi podet serbire coment'e cumproa de is neghes de un'incurpau.

incuisitziòne , nf Definition su cricare is provas a càrrigu de un'incurpau.

incujadòre , agt: incuxadore Definition nau de animale e de gente, chi paschet a fura, in logu serrau (angenu), chi est de malos peis, chi si ndhe andhat peri su logu Surnames and Proverbs prb: a cadhu incujadore trava e trobea Etymon srd.

incujàre , vrb Definition fàere calecuna cosa a un'ancuju, a unu gànciu Synonyms e antonyms ancujare*, aunchinare, incruai, indrúchere, tròdhiri | ctr. istirare Sentences sa zente isulana no incujat s’ischina a s'ocupatzione romana Translations French baisser, courber English to bend Spanish doblar en forma de gancho Italian piegare ad uncino, curvare German biegen.