A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

indemàu , agt Definition chi at ingortu atema, temiadu, chi tenet calecuna mància in sa salude: si narat de is animales magangiaos o malesanos Synonyms e antonyms demadu, incimiau, tacadu, temósigu, temosu, tunconidu | ctr. sanu, líaru Etymon srd. Translations French malsain, maladif English unhealthy, affected Spanish enfermo, enfermizo Italian malsano, colpito German ungesund.

indemoniàdu, indemoniàu , agt: indimoniadu, indimoniau Definition chi portat dimónios Synonyms e antonyms abbundhoradu, foraldómine, incóglidu, indiaulau, spiridau Sentences so tota die ispregorza ispregorza giamendhe s'ebba, ma paret un'indimoniada! Etymon itl. indemoniato.

indemorài, indemurài , vrb Definition pònnere amore Sentences ses indemorau de sa fémina ch'istimas ◊ mi seu indemurau de su plantiu de is muras.

indènga , nf Synonyms e antonyms denga*, losinga

indènna , nf Synonyms e antonyms idea, intessione Sentences a cussa no li dias audéntzia ca t'inganat a ti apentare cun issa ma no as a àere médiu de contare a nemos sas malas indennas suas ◊ so andhadu cun s'indenna de bíere ◊ pro si nche bocare custa indenna si at catzatu sas fortilesas.

indennentài , vrb: intennantai Definition cumprèndhere una cosa chi no si est inténdhia bene, chi si est inténdhia a suspos, o fintzes innanti chi s'àteru si siat fatu a cumprèndhere, leare cabu, leare oru de calecuna cosa chi no s'ischit Synonyms e antonyms assaborire, scasumai, scasumiri Translations French subodorer English to suspect Spanish sospechar Italian subodorare German ahnen.

indennidàde, indennidàdi , nf Definition genia de paga chi si giaet a unu po calecunu impreu chi tenet o chi at tentu, coment'e po arrecumpensa Sentences su síndhigu, sos assessores, sos cossizeris leant un'indennidade.

indennizàre , vrb Definition giare s'indennizu.

indennízu , nm Definition arrecumpensa o paga po un'impreu, po unu dannu o po calecuna pérdua chi unu at tentu.

indenotíre , vrb Definition prnl., fàere note, iscurigare Synonyms e antonyms iscorigai Etymon srd.

indensinúncas , avb Synonyms e antonyms assinuncas*, deghinò, diacussu, sinoncas*, sinono.

indentíe, indentíre , vrb rfl Definition fàere dentes; pigare gustu, abbituare a calecuna cosa Synonyms e antonyms ismarrutzare | ctr. irdentae / abbetuare, abesare, arranguai, imbisciare, ingustai / allicare, ingolumare 2. si est indentidu a su mele ◊ su giòvanu chi indentit a su vísciu est malu a si curregire Etymon srd.

indentíu , pps, agt Definition de indentire; chi giughet o at fatu dentes; chi est ingustau o imbitzau a calecuna cosa Synonyms e antonyms irdentadu / abbituadu, abesu, imbitzadu, ingustadu irbitzadu.

indenugiàre , vrb: indinucrare, indrenucare, indrinucare Definition indrúchere is cambas ponendho in terra is benugos Synonyms e antonyms imbannugai, imbenuciare*, ingenugai, ingrenucare Sentences sas féminas indrinucàndhesi ant comintzatu a inturtare ◊ nos semus indrenucados a isce ◊ in sa gruta tua pianghendhe s'indenúgiat sa zente.

indeóltu ildeóltu

indeoràre indaoràre

indeorónzu , nm Synonyms e antonyms indoradura Etymon srd.

indeosàdu , pps, agt: indiosau Definition de indeosare; chi est totu leau de calecuna passione Synonyms e antonyms abbaucadu, incantadu, innamoradu 2. indeosadu, mi l'isto a s'allixa allixa faedhèndheli che a fémina in camija ◊ curria atesu indeosadu de àteros mundhos.

indeosàre , vrb: indiosai, indiosare, endiosare Definition carculare a unu o a una coment'e diosu, diosa, ma nau mescamente in su sensu de dh'istimare forte, a distintu, de dhi pònnere amore mannu meda Synonyms e antonyms abbaradhare, abbelare, ammorare, imbelare, inamorai, ingeniai Sentences ndhe sunt totu indeosados de ti tènnere in favore ◊ si ndh'est indeosada issa e lu pessichit chin ocradas e tzinnos ◊ ndhe so indiosau de cussa pitzoca! ◊ issa no pariat indiosada meda de issu Etymon spn. Translations French s'embéguiner English to take a liking Spanish endiosar, ensalzar Italian invaghirsi German sich verlieben.

indepidàdu , pps, agt: inghepidau Definition de indepidare; chi tenet dépidos, chi est càrrigu de dépidos / èssere inghepidau che a s'ànima de Giudas = ànimi niedhu, pecadore chi no si pentit 2. mi tia èssere fatu unu milordo, ricu de prata e de oro: curpa issoro so coltzu indepidadu ◊ cussu est indepidadu finas a codhos! Translations French endetté English indebted Spanish endeudado Italian indebitato German in Schulden gestürzt sein.