Ditzionàriu in línia
de sa limba e de sa cultura sarda

indiosàre indeosàre

indipendènti , agt: indipendhente Definition chi est a contu suo, abbandha, chi no dipendhet de àtere o de àteru Synonyms e antonyms líbberu | ctr. dependhente.

indipendéntzia , nf: indipendhéntzia Definition su no dipèndhere, su èssere a contu suo, in cunditziones de fàere su chi si pentzat giustu o cumbeniosu, mescamente nau de unu pópulu/natzione chi si guvernat a manu sua, a contu suo Synonyms e antonyms libbeltade | ctr. dependhéntzia Sentences cussus funt apicigaus a sa cadira: s'indipendéntzia si dha bisant isceti!

indipendhènte indipendènti

indipendhéntzia indipendéntzia

indirétu , agt Definition chi no est diretu: si narat prus che àteru de una genia de pagamentos chi no si betant cun s'afoghígiu ma chi si faent pagare coment'e parte de su prétziu de sa cosa chi si còmporat o chi s'impreat; nau de unu cmpl., chi est formau de unu nm. o prn. cun prepositzione.

indirígiu, indiríssiu, indiríssu , nm: (in-di-rí-giu) indiritzu Definition indítziu precisu, prus che àteru de ue unu istat o si agatat / i. grogu = sa maladia de chie est istriau, candho su fele si ndhe andat in su sàmbene e unu essit totu grogo Sentences portat unu cuadernu in is manus po assentai nòmini e indiritzu de genti interessada a comporai ◊ at bófiu isciri númeru de telèfonu e peri s'indiritzu Translations French adresse English address Spanish dirección Italian indirizzo German Adresse.

indiritúra inderetúra

indiritzàre , vrb Definition prus che àteru, pònnere s'indiritzu a sa posta chi si mandhat, mandhare a un’indiritzu.

indirítzu indirígiu

indíscia , nf, nm: indísciu, indíssiu, indítziu, inditzu Definition su chi si narat o chi si faet po ammostare cosa, calecuna cosa chi, mancari in parte, ndhe podet fàere a cumprèndhere un'àtera o ponet in su camminu giustu po dh'ischire totu; cosa, singiale chi faet pentzare a sa neghe de unu in calecunu dannu Synonyms e antonyms àrviu, inditu, ingitu, insinzu, intzínniu, sémida, signale, sinzolu Idioms csn: àere, dare, tènnere i.; bogare inditzu = nàrrere su proite de una cosa o chistione, nàrrere sa resone Sentences sa ruga cheret ispérdida apenas si ndhe at indíscia ◊ si tue as proas o indíscias fàghelu presente ◊ faghindhe indíscias de su mancamentu iscoberit sos porcos immandrados ◊ dogni iscadrúsciu pariat s'indítziu de una gherra ◊ sorre mea no teniat un'indíssiu de nos dare ischindhe chi tue benias a domo mea? ◊ cheriat calchi indísciu pro cumprènnere a ue sa fémina podiat àere leadu 2. a s'arrestadu ndhe l'ant bogadu ca no tenent indítzios de su chi li ant imputadu Etymon itl. Translations French signe, indice English clue Spanish indicio Italian indìzio German Zeichen, Indiz.

indisciàre , vrb: indissiare, inditzai, inditziai Definition giare indíscias, inditos, mandhare a ccn. a unu logu, nàrrere ite depet fàere Synonyms e antonyms ammustrare, assintzare, indetare, ingitai Sentences at a èssi custa sa butega manna manna chi s'ant inditzau? 2. chircant chie lis indíssiet siendhas e cumones Etymon itl. Translations French adresser, envoyer English to cast suspition on to direct Spanish enderezar, indiciar Italian indirizzare, indiziare German richten, verweisen, verdächtigen.

indisciplinàdu, indisciplinàu , agt Definition nau de ccn., chi no faet o est malu a fàere is cosas segundhu una régula, nau mescamente de su cumportamentu Synonyms e antonyms arrebbellu, irregradu, scurrégidu.

indísciu indíscia

indiscrétu , agt Definition nau de unu po sa manera de fàere chi tenet cun pagu educatzione, cricandho cosas chi no dh'important o chi no dhi depent importare.

indiscretziòne , nf Definition su èssere indiscretos.

indisicàre , vrb: intisicai, intisicare Definition essire tísigu, aciapare sa tisichéntzia; bènnere a malu puntu de is dispraxeres, de s'afrigimentu, agiummai coment'e consumare o ispaciare de sa tisichesa Synonyms e antonyms decaire, derrúere, disigare, ilmarrire, indisichire Etymon itl. intisicare Translations French devenir phtisique English to make consumptive Spanish contraer tuberculosis, consumirse Italian intisichire German schwindsüchtig werden.

indisichíre, indisighíre , vrb: intisichire Definition bènnere a malu puntu de is dispraxeres, de s'afrigimentu, agiummai coment'e consumare o ispaciare de sa tisichesa Synonyms e antonyms decaire, derrúere, disigare, ilmarrire, indisicare Sentences si est indisighidu pro sa ruina de sa famíllia Etymon itl. intisichire Translations French se consumer de chagrin, dépérir English to pine away Spanish consumirse Italian consumarsi dal dolóre, deperire German sich verzehren.

indisiòne , nf Definition visione, figura chi paret de bíere, mescamente dormios Synonyms e antonyms igione Sentences iat bitu un'ómini acontonau a unu carru, dh'iat saludau ma no iat ispúndiu e iat cumpréndiu ca fut una indisione (G.C.Mameli).

indispensàbbile, indispensàbbili , agt Definition chi no si ndhe podet fàere a mancu, chi serbit própriu Synonyms e antonyms necessàriu.