A | B | C | D | E | F | G | H | I | J | L | M | N | O | P | R | S | T | TZ | U | V | X | Z

inganàre , vrb: inganiare Definition batire sa gana, pònnere gana, disígiu Synonyms e antonyms inganasare, inganatzire, inganie, ingolosinare | ctr. dirganare, irbozare Sentences a cussa no li dias audéntzia ca t'inganat a ti apentare cun issa gioghendhe ◊ custa cosa mi at inganiau a papare ◊ mi ant inganiau a lígere Etymon srd. Translations French donner envie English to tempt Spanish dar ganas Italian invogliare German anregen.

inganasàre , vrb Definition portare o fàere bènnere gana de ccn. cosa Synonyms e antonyms inganare, inganatzire Sentences s'ànima s'inganasat de bolare ma no leat su bolu netzessàriu (Z.Marras) Etymon srd.

inganatzàre , vrb Definition batire sa gana, fàere decídere Synonyms e antonyms imbozare, inganatzire Sentences mustrat de chèrrere intrare issu po primu po fàghere inganatzare de piús a cudhu, a intrare etotu Etymon srd.

inganatzídu , pps, agt Definition de inganatzire; chi ndhe tenet gana meda Synonyms e antonyms abbozadu, agganidu, aibbadu, ganósigu, imbozadu, inganadu, inganidu | ctr. dilganadu 2. tue ses ànima inganatzida de passione in s'arbatare continu de sos sentidos (C.Puddu) Translations French désireux English desirous Spanish deseoso Italian voglióso German begierig.

inganatzíre , vrb Definition batire sa gana, fàere decídere Synonyms e antonyms aibbare, arranguitzai, imbozare, inganatzare Etymon srd.

ingancellàre , vrb Synonyms e antonyms burrai, irgantzellare* Sentences ite bellu chi fit istadu si aia pótidu ingancellare totu cun d-un'istratzu ifustu!…

ingandhilàtzu , agt, nm Definition chi o chie faet is cosas a ingannu Synonyms e antonyms inganneri, ingannile, inganniosu Sentences cun cussos ingandhilatzos no faghet a fàghere nudha! Etymon srd.

ingangulissài , vrb: ingangulitzae, ingrangullitzai, ingrunguitzai, ingrungullitzai Definition batire sa gana, pònnere in bona mota po fàere calecuna cosa Synonyms e antonyms abbozare, arrengolitzai, imbozare, imbozitare, imbrebigliare, inganatzire, ingolosinare, ingrangugliare, ingrillietare, ingringhillitai | ctr. dirganare, irbozare Sentences a trabballai cun sa computera, a is piciochedhus, dhus ingrangullitzat! ◊ si no dhus ingrangullitzas no faint nudha ◊ sa cosa bella mi at ingrungullitzau a ndi fai atra ◊ oi is pipius me in iscola bint cosas praxibis chi ingrunguitzant a istudiai ◊ dh'at ingangulissau su chi dhi at contau su cumpàngiu Etymon srd. Translations French donner envie English to tempt Spanish meter ganas, animar Italian invogliare German anregen.

ingangulíssu , nm: ingangulitzu Definition cosa chi faet ingangulissai, chi praghet Synonyms e antonyms ingrangúgliu, ingrangulamentu Etymon srd.

ingangulitzàe ingangulissài

ingangulítzu ingangulíssu

inganía , nf Synonyms e antonyms boza, desizu, gana, ispédhiu Sentences s'ingania de sos vantos nche lu gheretzat a sos pirículos (A.Pau) Etymon srd.

inganiàre Synonyms e antonyms inganàre

inganiàu , pps, agt Definition de inganiare; chi tenet gana meda Synonyms e antonyms inganatzidu, inganidu | ctr. dilganadu Sentences apustis de totu una note, su sonadore acumpangiàt is cantadores inganiau pariat pesandhosindhe in cuss'ora! ◊ sa gente est inganiada afestandho su carrasegare Etymon srd.

inganídu , pps, agt: inganiu Definition de inganire; chi tenet gana meda Synonyms e antonyms agganidu, desizosu, ganósigu, inganadu, inganatzidu, ingudroniu / cdh.inganitu | ctr. dilganadu 2. mi so postu a caminare inganidu de bídere mundhu ◊ andhant in giru a cucurusta arta che pudhos inganios Etymon srd. Translations French désireux English willing Spanish deseoso Italian desideróso German verlangend.

inganíe, inganíre , vrb Definition batire sa gana, fintzes batire su fàmene Synonyms e antonyms imbozare, inganare Sentences sos bonos ammentos nos inganint a torrare ◊ candho faghes gai m'inganis de prus puru! Etymon srd.

inganíu inganídu

ingannadòre, ingannadòri , agt, nm Definition chi o chie faet ingannos Synonyms e antonyms aciseri, incatramu, inganneri, inganniosu / dimóniu Sentences custu ingannadore induit a s'errore mannos e pitzinnos ◊ no bos intzeghet sa chimera ingannadora de faltzos profetas pagados dai manu furistera! ◊ una, male pro me, ndhe apo istimadu cretendhe chi no fit ingannadora Surnames and Proverbs prb: s'ingannu torrat a s'ingannadore Etymon srd. Translations French trompeur English cheat, deceiving Spanish engañador Italian ingannatóre, seduttóre German Betrüger, Verführer.

ingannàdu , pps, agt, nm Definition de ingannare; chi o chie at tentu ingannu / fémina ingannada = chi at fatu su brínchiu, su scioncu, chi est essida ràida de unu chi no l'at chérfida prus a muzere Synonyms e antonyms trampau, improsau 3. cussos sunt sos lamentos de s'ingannada Translations French trompé English cheated (person) Spanish engañado Italian ingannato, sedótto German getäuscht, verführt.

ingannadúra , nf Definition su ingannare Synonyms e antonyms ingannamentu, trampadura Etymon srd.