inganàre , vrb: inganiare Definitzione
batire sa gana, pònnere gana, disígiu
Sinònimos e contràrios
inganasare,
inganatzire,
inganie,
ingolosinare
| ctr.
dirganare,
irbozare
Frases
a cussa no li dias audéntzia ca t'inganat a ti apentare cun issa gioghendhe ◊ custa cosa mi at inganiau a papare ◊ mi ant inganiau a lígere
Ètimu
srd.
Tradutziones
Frantzesu
donner envie
Ingresu
to tempt
Ispagnolu
dar ganas
Italianu
invogliare
Tedescu
anregen.
inganasàre , vrb Definitzione portare o fàere bènnere gana de ccn. cosa Sinònimos e contràrios inganare, inganatzire Frases s'ànima s'inganasat de bolare ma no leat su bolu netzessàriu (Z.Marras) Ètimu srd.
inganatzàre , vrb Definitzione batire sa gana, fàere decídere Sinònimos e contràrios imbozare, inganatzire Frases mustrat de chèrrere intrare issu po primu po fàghere inganatzare de piús a cudhu, a intrare etotu Ètimu srd.
inganatzídu , pps, agt Definitzione
de inganatzire; chi ndhe tenet gana meda
Sinònimos e contràrios
abbozadu,
agganidu,
aibbadu,
ganósigu,
imbozadu,
inganadu,
inganidu
| ctr.
dilganadu
2.
tue ses ànima inganatzida de passione in s'arbatare continu de sos sentidos (C.Puddu)
Tradutziones
Frantzesu
désireux
Ingresu
desirous
Ispagnolu
deseoso
Italianu
voglióso
Tedescu
begierig.
inganatzíre , vrb Definitzione batire sa gana, fàere decídere Sinònimos e contràrios aibbare, arranguitzai, imbozare, inganatzare Ètimu srd.
ingancellàre , vrb Sinònimos e contràrios burrai, irgantzellare* Frases ite bellu chi fit istadu si aia pótidu ingancellare totu cun d-un'istratzu ifustu!…
ingandhilàtzu , agt, nm Definitzione chi o chie faet is cosas a ingannu Sinònimos e contràrios inganneri, ingannile, inganniosu Frases cun cussos ingandhilatzos no faghet a fàghere nudha! Ètimu srd.
ingangulissài , vrb: ingangulitzae,
ingrangullitzai,
ingrunguitzai,
ingrungullitzai Definitzione
batire sa gana, pònnere in bona mota po fàere calecuna cosa
Sinònimos e contràrios
abbozare,
arrengolitzai,
imbozare,
imbozitare,
imbrebigliare,
inganatzire,
ingolosinare,
ingrangugliare,
ingrillietare,
ingringhillitai
| ctr.
dirganare,
irbozare
Frases
a trabballai cun sa computera, a is piciochedhus, dhus ingrangullitzat! ◊ si no dhus ingrangullitzas no faint nudha ◊ sa cosa bella mi at ingrungullitzau a ndi fai atra ◊ oi is pipius me in iscola bint cosas praxibis chi ingrunguitzant a istudiai ◊ dh'at ingangulissau su chi dhi at contau su cumpàngiu
Ètimu
srd.
Tradutziones
Frantzesu
donner envie
Ingresu
to tempt
Ispagnolu
meter ganas,
animar
Italianu
invogliare
Tedescu
anregen.
ingangulíssu , nm: ingangulitzu Definitzione cosa chi faet ingangulissai, chi praghet Sinònimos e contràrios ingrangúgliu, ingrangulamentu Ètimu srd.
ingangulitzàe ingangulissài
ingangulítzu ingangulíssu
inganía , nf Sinònimos e contràrios boza, desizu, gana, ispédhiu Frases s'ingania de sos vantos nche lu gheretzat a sos pirículos (A.Pau) Ètimu srd.
inganiàre Sinònimos e contràrios inganàre
inganiàu , pps, agt Definitzione de inganiare; chi tenet gana meda Sinònimos e contràrios inganatzidu, inganidu | ctr. dilganadu Frases apustis de totu una note, su sonadore acumpangiàt is cantadores inganiau pariat pesandhosindhe in cuss'ora! ◊ sa gente est inganiada afestandho su carrasegare Ètimu srd.
inganídu , pps, agt: inganiu Definitzione
de inganire; chi tenet gana meda
Sinònimos e contràrios
agganidu,
desizosu,
ganósigu,
inganadu,
inganatzidu,
ingudroniu
/
cdh.inganitu
| ctr.
dilganadu
2.
mi so postu a caminare inganidu de bídere mundhu ◊ andhant in giru a cucurusta arta che pudhos inganios
Ètimu
srd.
Tradutziones
Frantzesu
désireux
Ingresu
willing
Ispagnolu
deseoso
Italianu
desideróso
Tedescu
verlangend.
inganíe, inganíre , vrb Definitzione batire sa gana, fintzes batire su fàmene Sinònimos e contràrios imbozare, inganare Frases sos bonos ammentos nos inganint a torrare ◊ candho faghes gai m'inganis de prus puru! Ètimu srd.
inganíu inganídu
ingannadòre, ingannadòri , agt, nm Definitzione
chi o chie faet ingannos
Sinònimos e contràrios
aciseri,
incatramu,
inganneri,
inganniosu
/
dimóniu
Frases
custu ingannadore induit a s'errore mannos e pitzinnos ◊ no bos intzeghet sa chimera ingannadora de faltzos profetas pagados dai manu furistera! ◊ una, male pro me, ndhe apo istimadu cretendhe chi no fit ingannadora
Sambenados e Provèrbios
prb:
s'ingannu torrat a s'ingannadore
Ètimu
srd.
Tradutziones
Frantzesu
trompeur
Ingresu
cheat,
deceiving
Ispagnolu
engañador
Italianu
ingannatóre,
seduttóre
Tedescu
Betrüger,
Verführer.
ingannàdu , pps, agt, nm Definitzione
de ingannare; chi o chie at tentu ingannu / fémina ingannada = chi at fatu su brínchiu, su scioncu, chi est essida ràida de unu chi no l'at chérfida prus a muzere
Sinònimos e contràrios
trampau,
improsau
3.
cussos sunt sos lamentos de s'ingannada
Tradutziones
Frantzesu
trompé
Ingresu
cheated (person)
Ispagnolu
engañado
Italianu
ingannato,
sedótto
Tedescu
getäuscht,
verführt.
ingannadúra , nf Definitzione su ingannare Sinònimos e contràrios ingannamentu, trampadura Ètimu srd.