A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ingannài , vrb: ingannare, inganniare Definitzione pigare a ingannu, cun ingannia, faendho a crèdere una cosa po un'àtera; rfl. fadhire, ibballiare Sinònimos e contràrios abbovai, abbuvonare, arrebbusai, caramboliai, coglionai, colovrinare, corogliare, furcare 1, imbaucare, imbelecare, imbusterai, imbuvonare, impastociare, improsae, ingannisciare, istusciare, scafai, trampai, transare Maneras de nàrrere csn: i. una fémina = ingraidare e lassare sa fémina chentza isposada, impringiai una fémina e istorraisí; i. unu giuramentu = afartzare, zurare una cosa e fàgherendhe un'àtera Frases bido su frade ch'ingannat su frade, fide vera no pràticat niunu (S.Paulesu)◊ onzunu, mancari inganniendhe, chircaiat de si leare sa parte manna ◊ malaritus siais, óminis cantus seis… sa fémina ingannais sa mirara chi feis! 2. e si deo t'inganno, gioja mia, in s'ora chi lu giuro mortu sia! ◊ la depet àere ingannada unu furisteri, ca zente nostra candho fachet cussu passu bi abbarrat in mesu pro sèmpere ◊ apoi de tres annus isposus a claru de no m'ingannai dh'iast giurau! (Lai)◊ chi unu ingannat sa pitzoca no bandhat mai bene in su mundhu! 3. unu giuramentu pigau no si podit ingannai! Ètimu itl. Tradutziones Frantzesu tromper Ingresu to swindle Ispagnolu engañar Italianu ingannare, sedurre Tedescu täuschen, verführen.

ingannaméntu , nm Definitzione su ingannare Sinònimos e contràrios ingannia, trampadura Ètimu srd.

ingannamúndhu , nm Definitzione unu chi ingannat Sinònimos e contràrios inganneri, tramposu Frases ingannamundhu, disgrasciadu! Tradutziones Frantzesu trompeur Ingresu trickster Ispagnolu engañamundo Italianu gabbamóndo Tedescu Betrüger.

ingannàre ingannài

ingannasórighe , nm Sinònimos e contràrios cherre, cidhi, ciórighe, marcasórighe, pisinatu Terminologia iscientìfica pzn Ètimu srd.

ingannazólu , agt Definitzione nau de ccn., chi ingannat, malu Sinònimos e contràrios inganneri, ingannile Frases Antoni fit lotandhe contr'a s'inimigu ingannazolu (G.Concas).

ingannéri , agt, nm Definitzione chi o chie costumat a ingannare Sinònimos e contràrios afrascadore, arrebuseri, fraitzu, imbusteri, ingabberi, inganniosu, ingregheri, maltariosu, mànghinu, mariolu, tramperi, trasseri | ctr. sentzillu Frases sentz'e nisciuna istima, coru fartzu, inganneri, mi as amau po finta! ◊ ses andhendhe cun sussos dimónios inganneris! Terminologia iscientìfica ntl Ètimu srd. Tradutziones Frantzesu trompeur Ingresu deceiver, deceitful Ispagnolu engañador Italianu ingannatóre, ingannévole Tedescu trügerisch, Betrüger.

ingannía , nf Definitzione sa calidade de s'inganneri, sa capacidade de pigare a ingannu; su ingannare, s'ingannu, totu su chi faet ingannare, crèdere o pigare una cosa po un'àtera / zúghere s'i. a unu = pigaidhu a ingannu, a traitoria, in trampa Sinònimos e contràrios arrebbuseria, camorria, embusteria, fragnocoleria, inzamu, macatreferia, tramperia / falludheria / traitoria | ctr. onestade, singillesa Frases mundhu traitore: totu trampas, totu ingannia! ◊ mi at zutu s'ingannia, cussu! ◊ in sos sonnos no bi creas, ca sunt totu un'ingannia ◊ si l'est lendhe contr'a chie li at usadu s'ingannia in domo etotu ◊ pro traitore tènemi e indignu sa die chi mi provas ingannia! (M.Murenu) Ètimu srd. Tradutziones Frantzesu manigance, duperie, caractère fallacieux Ingresu deceit Ispagnolu embrollo, trampa Italianu raggiro, inganno, fallàcia, mistificazióne Tedescu Betrug, Täuschung, Schwindel.

inganniàre ingannài

inganníle , agt, nm Definitzione chi o chie costumat a fàere is cosas cun ingannu, a pigare is àteros a ingannu, a fàere crèdere una cosa po un'àtera Sinònimos e contràrios ingandhilatzu, ingannazolu, inganneri, inganniosu, tramasseri | ctr. onestu, sentzillu Frases cussa est zente istruida ma ingannile ◊ aite a ndhe li dare, de triballu a fàghere, a cudhu ingannile?!… Terminologia iscientìfica ntl Ètimu srd. Tradutziones Frantzesu mystificateur Ingresu hoaxer Ispagnolu embaucador Italianu mistificatóre Tedescu Schwindler.

inganniósu , agt: ingannosu Definitzione chi portat s'ingannia, chi faet is cosas a ingannu, chi faet a crèdere una cosa po un'àtera, chi faet orrúere in fadhina Sinònimos e contràrios falludheri, ingannadore, inganneri, ingandhilatzu, ingheniajolu, tramposu / ingannile | ctr. onestu, sentzillu Frases intelletuales e políticos inganniosos narant chi no amus limba ◊ cussu fit un'ómine ingannosu e fintu ◊ fit su pore a mi pònnere sas alas de cudhu inganniosu afaltzamentu! ◊ dai sa zente ingannosa apo tribagliadu debbadas! ◊ amore chi mi as traitu, amore tzegu ingannosu! Terminologia iscientìfica ntl Ètimu srd. Tradutziones Frantzesu mystificateur, trompeur, illusoire Ingresu deceptive Ispagnolu engañador, engañoso Italianu mistificatóre, ingannévole, illusòrio Tedescu Schwindler.

ingannisciàre , vrb Definitzione pigare a ingannu, a trampa Sinònimos e contràrios imbuvonare, ingannai, trampai Ètimu srd.

ingànniu , nm: ingannu Definitzione su chi si faet po ingannare; s'arresurtau, su dannu de s'ingannu Sinònimos e contràrios abberintu, afrascu, caràmbula, estremagiogu, imbelecu, imbovu, mangalofu, màngana, mangorra, tarasca, tràglia, tramòglia, trampa, troga Frases su dimóniu est su rei de s'ingannu ◊ bentu de milli ingànnios ◊ s'ingannu torrat a s'ingannadore ◊ comente at fatu a mi giúghere s'ingannu? ◊ zutu ti ant s'ingannu a bozu issoro ◊ a pàschere porcos a minore andhesit ma su padronu giutu li at ingannos Ètimu itl. Tradutziones Frantzesu fraude, duperie Ingresu fraud Ispagnolu engaño Italianu fròde, inganno Tedescu Betrug.

ingannósu inganniósu

ingànnu ingànniu

ingapàre , vrb Definitzione bestire o pònnere sa capa; foedhandho de druches, pònnere unu pigighedhu de capa in pitzu Sinònimos e contràrios incapotai / capare, incapai* 2. fachet papassinos ingapatos a Sos Santos, sas origlietas a carrasecare, su pane durche a Pasca.

ingapàtu, ingapàu , pps, agt Definitzione de ingapare 2. custos sunt sos papassinos ingapatos.

ingapedhàre incapedhài

ingapedhàu , pps, agt Definitzione de ingapedhare; postu de capedhu.

ingapotàre incapotài