A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ingabbadòre, ingabbadòri , nm Sinònimos e contràrios ingabberi, inganneri, inganniosu Ètimu srd.

ingabbài , vrb: ingabbare Definitzione pigare a ingabbu / ingabbadu, a logos, fintzes in su sensu de infrascau, ifadau Sinònimos e contràrios abbovai, coglionai, igabbare, imbuvonare, ingannai, trampai Frases no faghet a ingabbare su tempus! ◊ sas bacas fint in tale zassu, ma sa chirca ch'est passada a tretu ca in mesu bi fit s'aporridore chi los at ingabbados ◊ pro non t'ingabbare, apo bisonzu de calchi die pro ti torrare imposta segura ◊ sas fàulas ingabbant!

ingabbài 1 incapài 1

ingabbaméntu , nm Definitzione su ingabbai Sinònimos e contràrios imbovu, ingànniu, trampa Ètimu srd.

ingabbàre ingabbài

ingabbéri , agt Sinònimos e contràrios ingabbadore, inganneri, inganniosu Frases est andhandhe remitanu ifatu de un'istella ingabbera ◊ cussas sunt boghes ingabberas! Ètimu srd.

ingabbiadòri , nm Definitzione persona posta po atèndhere a sa gàbbia o ascensore me is minieras Terminologia iscientìfica prf.

ingabbiài, ingabbiàre incabbiài

ingàbbu , nm Definitzione ingannu, dificurtade Sinònimos e contràrios igabbu Frases sucurride sos pipios chi s'incontrant in ingabbos, chi ant pérdidu sos babbos ◊ ponit fintz'e ingabbu po isciri sa beridadi! Ètimu srd. Tradutziones Frantzesu duperie, déception Ingresu cheating, disillusion Ispagnolu estafa, decepción Italianu gabbatura, delusióne Tedescu Enttäuschung.

ingadheínzu , nm: ingadhintzu, ingadhinzu Definitzione maladia a conca de is brebès (aumentu de pressione); idea maca Sinònimos e contràrios badhinzu, cadhighinzu, gadhintzu, imbadhinzu, loinu, luinore, mediori 2. pessanne a cantu li fit assortitu li fit assénnitu s'ingadhintzu Terminologia iscientìfica mld Ètimu srd.

ingadhighinàre , vrb Definitzione aciapare gadhighinzu, immaladiare de gadhighinzu Ètimu srd.

ingadhighínzu , nm Sinònimos e contràrios ingadheinzu / ibbadhinamentu 2. timet chi li pichet a ingadhighinzu e rugat Ètimu srd.

ingadhinàe, ingadhinài, ingadhinàre , vrb Definitzione èssere o fàere a furriamentos de conca; pigare a machiore, a ispédhiu Sinònimos e contràrios abbatzinare, ammolighinare, atambainare, ibbadhinare, scimingiai Frases lu sediat in giostra e lu molinaiat fintzas a nche l'ingadhinare ◊ canno artziaiamus a sa turre arrivaiamus a supra totu isalenatos e inghadhinatos ◊ aiat atacatu a m'ingadhinare nànnemi… 2. sa pudheca m'iat ingadhinau a dha setzi ca pariat maseda Ètimu srd.

ingadhíntzu, ingadhínzu ingadheínzu

ingadhionàu , agt Definitzione chi est a cadhajoni, nau de pilu, de lana Frases dèu fua a faci ammoriscada e is pilus fuant ingadhionaus.

ingàe , avb: ingai Definitzione in gai, a cussa parte, a cara a cussa parte Sinònimos e contràrios | ctr. ingoe Frases àteras si cubant e torrant a essire prus ingai.

ingagiadòre, ingagiadòri , agt, nm Definitzione chi o chie arrennescet a pigare is àteros cun ingannu, cun promissas o àteras cosas chi praghent Sinònimos e contràrios inganneri Frases no ti fides de cuss'ingagiadore! Ètimu srd. Tradutziones Frantzesu séducteur, corrupteur Ingresu allurer Ispagnolu seductor Italianu adescatóre Tedescu Verführer.

ingagiài , vrb: ingagiare, ingazare Definitzione pigare a unu a trebballare po dinare; leare o cumbínchere sa gente a ingannu, cun promissas o àteru; rfl. pigare un’impegnu cun iscritura, cun cuntratu Sinònimos e contràrios ingraenzare, ingrangugliare Frases issa sighiat a l'ingagiare faghíndhesi disizare e apetíndhelu in d-unu modu chi no lassaiat logu a dúbbiu (M.Danese).

ingagiaméntu , nm Definitzione su ingagiai Sinònimos e contràrios allicu, ingàgiu Ètimu srd.

ingagiàre ingagiài