A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

intimoríu , pps Definition de intimorire Synonyms e antonyms intimorigiau, intimorigiu.

intimorizài, intimorizàre intimorigiài

íntimu , agt, nm Definition chi pertocat s'ànimu, sa cusciéntzia, sa parte prus apartada de sa carena; cosa díliga, totu su chi in su cristianu podet èssere cunsiderau unu aintru, sa parte chi prus pagu si biet de sa persona.

intína , nf: bentina, intinna Definition colore de su pilu de un'animale; foedhandho de gente si narat in su sensu de bisura, de su chi unu paret a cara Synonyms e antonyms ghentinnu*, intinnu, manta / bisura Sentences - De ite intina est, s'ebba? - Murra est! 2. dh'iscóviat s'intina ca oi ses de ispétzia mala Surnames and Proverbs smb: Intina Translations French poil, robe English coat, hair Spanish manto Italian mantèllo German Fell.

intinànta , prn Definition calesiògiat cosa chi in su foedhare no si ammentat cun foedhu precisu Synonyms e antonyms itadhinanta, iterinene, taligeni Sentences candu mi acabbu custu intinantedh'e farra mi acostu anch'e mamma Etymon srd.

intínghede, intínghere intígnere

intinghidòre , agt, nm Definition chi o chie intinghet, tinghet, serbit a intínghere, a giare colore Synonyms e antonyms tintore Translations French teinturier English dyer Spanish tintorero Italian tintóre German Färber.

intingiadúra , nf Definition su s'intingiare, su dannu de sa tíngia Etymon srd. Translations French action de prendre la teigne English tinea damage Spanish el coger la tiña Italian intignatura German Mottenfraß, Mottenloch.

intingiàe, intingiài, intingiàre, intingiàri , vrb: intinzare Definition carrigare de tíngia, genia de bobboi niedhu chi ponet a is matas e a is erbas in is puntas modhes o, segundhu, fintzes a is animales; in cobertantza, fintzes carrigare de àteru cunsiderau dannosu o pagu praghillosu Synonyms e antonyms impestai 2. su cani tuu fut carriau de púlixi e nd'at intingiau is mius puru (G.Mura)◊ is gerrunaderis funt intingiaus de dépidus, sentza mancu un'ispera!◊ depit èssi berus ca mi torru a intingiai cun d-un'ómini… abarru fiuda! Translations French prendre la teigne English to affect with ringworm Spanish coger la tiña Italian intignare German von Motten zefressen werden.

intingidúra , nf Definition su intíngiri Synonyms e antonyms tinghinzu, tinta, tintura Etymon srd.

intíngiri intígnere

intiniràu , agt Synonyms e antonyms aggruncidu, ateterighedhadu, tostorau.

intínna intína

intínna 1 , nf Definition genia de aparíciu chi si parat po arregòllere o mandhare is signales o undas de is aràdios e televisiones (sonos e figuras); puntale, puntedhu in is pontes de maistos de muru, s'elementu chi si ponet prantau po poderare pesu Synonyms e antonyms antenna / pontedhu, puntale Sentences bido in supra de sos mares burrascosos mill'intinnas veladas caminendhe (F.Dore)◊ semper a vela isparta caminendhe bidesi supra de s'undha un'intinna 2. chie dolat intinnas e maderas, faghet funes e àncoras Translations French mât English upright Spanish estructura, armazón Italian piantana German Ständer.

intinnàdu , agt Definition nau de ccn., chi est totu pigau de ccn. cosa chi praghet, chi dhue tenet passione, apegu Synonyms e antonyms amantiosu, apichirriau Sentences su babbu est a murrunzu cun su fizu ca custu est intinnadu a su giogu.

intinnài, intinniài , vrb Definition fèrrere, ingòllere cun calecuna cosa a cropu, iscúdere o atumbare a pitzu: giogandho a birillas, bochíere o fèrrere sa birilla de su cumpàngiu Sentences su componidori a sa Sartíglia circat de intinnai istellas ◊ a chini intinnàt un'unixedha, gioghendi a bríllias (genia de birillus), fadiat unu puntu, chi intinnàt a su noi fadiat noi puntus ◊ bai e circa poita is automobbilistas bolint intinniai a chini dhui est in mesu!…◊ una màchina una borta at intinniau una mama cun su pipiu passendi me is istríscias pedonalis (D.Pilloni).

intinníre , vrb Definition su sonare chi faent is cosas, mescamente cudhas chi no funt fatas apostadamente po cussu Synonyms e antonyms drinnire, drínniri, sonai, tinnidare, tinnulare Sentences su ràndhine intinnit sa téula astrada (V.Farris)◊ sona, ischíglia, e intinni su sonu tou bellu! Etymon srd.

intinníu , agt Definition temadu, maladióngiu, tinniadu (in sa salude) Synonyms e antonyms incimiau, indemau, tunconidu | ctr. líaru, sanu Etymon srd.

intínnu , nm: intinu Definition prus che àteru, su colore de su pilu de un'animale, ma fintzes àteru sinnu (marcu, sinnu in origas) chi serbit a dhu connòschere méngius; colore de calesiògiat cosa Synonyms e antonyms bentina, ghentinnu*, manta, pilu / colore Sentences mi est mancada sa crabita: de intinnu un'ala pinta, fit tzufetada e corruda ◊ connoschiant sos cadhos a s'intinnu ◊ màscios e boes de intinnu lughente as a bídere a mizas 2. a unu a unu sont cambiandhe intinu cudhos píghidos pilos issipios ◊ no mi aggradat s'intinu chi as seberadu ◊ de ite intinu est su bestire tou? ◊ a s'intinu, cussu est fizu tou! Translations French pelage English coat, plumage Spanish manto, color Italian pelame German Fell.

intínnu 1 , nm Definition su sonu de unas cantu cosas no sèmpere fatas po sonare Synonyms e antonyms drínnida, tínnulu, trínnidu Sentences su sonu che ruet in s'iscuru de sa note, chei s'intinnu de s'ischíglia de sa laghinza intrèndheche a sa mandra Etymon srd. Translations French tintement (s) English jinkling Spanish tintineo Italian tintinnìo German Geklingel.