A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

intraudhàre , vrb rfl: intrudhare Definition su si fichire inue unu no depet, in cosas angenas Synonyms e antonyms ammintirotare, cotulare, imbertzire, infrichiri, infruncuai, intraudhulare, intraugliare Sentences isse no lu baliaiat si àtere s'intrudhaiat in sos fatos de sa famíllia sua ◊ tríulos malfusos si l’intrudheint in sa mente Etymon itl. intrugliarsi.

intraudhulàre , vrb rfl Synonyms e antonyms cotulare, infrechidhare, infrichiri, intraudhare, intraugliare Etymon srd.

intraugliàre , vrb rfl Synonyms e antonyms cotulare, infrichiri, infruncuai, intraudhare, intraudhulare Translations French se mêler English to meddle (in sthg) Spanish inmiscuirse Italian impicciarsi German sich einmischen.

intrautàu , agt Definition its Sentences lampu ca funt malus, cussus, ma su sardu puru candu ammascat a èssi intrautau!…

íntre ínter

intrebbéssi , nm Definition su abbarrare fatuvatu intrandho e essindho de unu logu Synonyms e antonyms intraliessi Sentences no istes a su intrebbessi ca m'imbrutas su logu! Etymon srd.

intrebedhài , vrb: introbedhai Definition nau de cosa, de chistione, èssere o essire totu troboia, betada apare, difícile, mala a iscapiare o a cumprèndhere / i. sa língua = cufúndheresi faedhendhe, agatare difítzile a faedhare Synonyms e antonyms atrepillai, atrobodhare, atrobutzare, imbogiare, imbrabugliare, trabojare, trebedhai, trobodhicai Sentences sa chistioni est cumentzendi a s'introbedhai ◊ cussu s'intrebedhat fuedhendu ◊ fostei si nci est ammisturau e at introbedhau sa cosa ◊ mancu mali, a vostè no dh'introbedhat sa língua! ◊ cun custus dícius… issu est circandho de introbedhai totu is chistiones! 2. seu intrau in s'àcua e in cambas s'est intrebedhau unu cantu de erba de mari Etymon srd. Translations French brouiller English to tangle up Spanish enredar Italian ingarbugliare German verwirren.

intrebessài , vrb Definition cufúndhere is cosas, is chistiones Synonyms e antonyms intrebedhai.

intrebigài , vrb Synonyms e antonyms abbrigai, imbudhighinare, scadrigiai Sentences po inforrai su pani si alluit su forru ghetendi linna fintzas a intrebigai bèni ◊ pampas de fogu at alidau in sa forredha antiga de is gianas, nisciuna de is partis sunt sanas ca totugantu s'est intrebigau (U.Cara) Etymon srd.

intrebínta , nf Definition genia de bobboi mannu, longu, de terra Synonyms e antonyms aterringone, atulíngia, sitziringoni, tilingione, tzilingu, tzirinoni, tzuluncone Scientific Terminology crp Etymon srd.

intrecíre , vrb: intretzire, intritzire Definition intrare apare Synonyms e antonyms intriciai, intèssere, intreverai Sentences est intrecidu s'unu a s'àteru Etymon itl. Translations French tresser English to interlace Spanish trenzar, entrelazar Italian intrecciare German flechten.

intrecoràu , agt Definition chi at tentu s'intrecoru, mortemala Synonyms e antonyms tracorau Sentences mama e filla si funt mortas intrecoradas ◊ furiat po ndi mòrriri intrecorau de su feli! Etymon srd.

intrecòre, intrecòru intracòro

intredò intradò

intrefórru intrafórru

intrèga intégru

intregadòre , nm Definition chie intregat calecuna cosa a un'àteru.

intregàdu , pps, agt: intregau Definition de intregare; nau de unu chentza precisare àteru bolet nàrrere chi est intregau a su dimóniu Synonyms e antonyms dadu / assatanadu Sentences a tie apo intregau is craes de su coro! 2. bosatrus seis intregaus a is tiaus: de sa religioni si ndi seis iscaréscius! ◊ candu unu est intregau a is tiaus no podit bogai che pampas de fogu! ◊ sendhe Maria in partu benit unu póveru, e fit su babbu intregadu! ◊ pariat un'intregadu, bochendhe fogu! Translations French livré English handed over Spanish entregado Italian consegnato German ausgehändigt.

intregàdu 1 , agt Definition nau de cosa po su tanti, chi dhu'est totu, totu pínnigu, totu intregu, no ndhe ammancat nudha Synonyms e antonyms interu, totu Sentences bi fit su parentadu intregadu in s'isposu ◊ candho est in sas vonas, custa fada, est tropu maca de su bonugoro: tandho est totu su meu, no bi at issoro, ca re divento de sa terra intregada (G.Ruju)◊ in su bríndhisi de sa làurea bi fit tota sa famíllia intregada Etymon srd. Translations French complet English complete Spanish completo Italian complèto German vollständig.

intregadúra , nf Definition su intregare, giare calecuna cosa a un'àteru, mescamente a lassare Synonyms e antonyms cunsigna, integru Etymon srd.