A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

intraudhàre , vrb rfl: intrudhare Definizione su si fichire inue unu no depet, in cosas angenas Sinonimi e contrari ammintirotare, cotulare, imbertzire, infrichiri, infruncuai, intraudhulare, intraugliare Frasi isse no lu baliaiat si àtere s'intrudhaiat in sos fatos de sa famíllia sua ◊ tríulos malfusos si l’intrudheint in sa mente Etimo itl. intrugliarsi.

intraudhulàre , vrb rfl Sinonimi e contrari cotulare, infrechidhare, infrichiri, intraudhare, intraugliare Etimo srd.

intraugliàre , vrb rfl Sinonimi e contrari cotulare, infrichiri, infruncuai, intraudhare, intraudhulare Traduzioni Francese se mêler Inglese to meddle (in sthg) Spagnolo inmiscuirse Italiano impicciarsi Tedesco sich einmischen.

intrautàu , agt Definizione its Frasi lampu ca funt malus, cussus, ma su sardu puru candu ammascat a èssi intrautau!…

íntre ínter

intrebbéssi , nm Definizione su abbarrare fatuvatu intrandho e essindho de unu logu Sinonimi e contrari intraliessi Frasi no istes a su intrebbessi ca m'imbrutas su logu! Etimo srd.

intrebedhài , vrb: introbedhai Definizione nau de cosa, de chistione, èssere o essire totu troboia, betada apare, difícile, mala a iscapiare o a cumprèndhere / i. sa língua = cufúndheresi faedhendhe, agatare difítzile a faedhare Sinonimi e contrari atrepillai, atrobodhare, atrobutzare, imbogiare, imbrabugliare, trabojare, trebedhai, trobodhicai Frasi sa chistioni est cumentzendi a s'introbedhai ◊ cussu s'intrebedhat fuedhendu ◊ fostei si nci est ammisturau e at introbedhau sa cosa ◊ mancu mali, a vostè no dh'introbedhat sa língua! ◊ cun custus dícius… issu est circandho de introbedhai totu is chistiones! 2. seu intrau in s'àcua e in cambas s'est intrebedhau unu cantu de erba de mari Etimo srd. Traduzioni Francese brouiller Inglese to tangle up Spagnolo enredar Italiano ingarbugliare Tedesco verwirren.

intrebessài , vrb Definizione cufúndhere is cosas, is chistiones Sinonimi e contrari intrebedhai.

intrebigài , vrb Sinonimi e contrari abbrigai, imbudhighinare, scadrigiai Frasi po inforrai su pani si alluit su forru ghetendi linna fintzas a intrebigai bèni ◊ pampas de fogu at alidau in sa forredha antiga de is gianas, nisciuna de is partis sunt sanas ca totugantu s'est intrebigau (U.Cara) Etimo srd.

intrebínta , nf Definizione genia de bobboi mannu, longu, de terra Sinonimi e contrari aterringone, atulíngia, sitziringoni, tilingione, tzilingu, tzirinoni, tzuluncone Terminologia scientifica crp Etimo srd.

intrecíre , vrb: intretzire, intritzire Definizione intrare apare Sinonimi e contrari intriciai, intèssere, intreverai Frasi est intrecidu s'unu a s'àteru Etimo itl. Traduzioni Francese tresser Inglese to interlace Spagnolo trenzar, entrelazar Italiano intrecciare Tedesco flechten.

intrecoràu , agt Definizione chi at tentu s'intrecoru, mortemala Sinonimi e contrari tracorau Frasi mama e filla si funt mortas intrecoradas ◊ furiat po ndi mòrriri intrecorau de su feli! Etimo srd.

intrecòre, intrecòru intracòro

intredò intradò

intrefórru intrafórru

intrèga intégru

intregadòre , nm Definizione chie intregat calecuna cosa a un'àteru.

intregàdu , pps, agt: intregau Definizione de intregare; nau de unu chentza precisare àteru bolet nàrrere chi est intregau a su dimóniu Sinonimi e contrari dadu / assatanadu Frasi a tie apo intregau is craes de su coro! 2. bosatrus seis intregaus a is tiaus: de sa religioni si ndi seis iscaréscius! ◊ candu unu est intregau a is tiaus no podit bogai che pampas de fogu! ◊ sendhe Maria in partu benit unu póveru, e fit su babbu intregadu! ◊ pariat un'intregadu, bochendhe fogu! Traduzioni Francese livré Inglese handed over Spagnolo entregado Italiano consegnato Tedesco ausgehändigt.

intregàdu 1 , agt Definizione nau de cosa po su tanti, chi dhu'est totu, totu pínnigu, totu intregu, no ndhe ammancat nudha Sinonimi e contrari interu, totu Frasi bi fit su parentadu intregadu in s'isposu ◊ candho est in sas vonas, custa fada, est tropu maca de su bonugoro: tandho est totu su meu, no bi at issoro, ca re divento de sa terra intregada (G.Ruju)◊ in su bríndhisi de sa làurea bi fit tota sa famíllia intregada Etimo srd. Traduzioni Francese complet Inglese complete Spagnolo completo Italiano complèto Tedesco vollständig.

intregadúra , nf Definizione su intregare, giare calecuna cosa a un'àteru, mescamente a lassare Sinonimi e contrari cunsigna, integru Etimo srd.