A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

intraudhàre , vrb rfl: intrudhare Definitzione su si fichire inue unu no depet, in cosas angenas Sinònimos e contràrios ammintirotare, cotulare, imbertzire, infrichiri, infruncuai, intraudhulare, intraugliare Frases isse no lu baliaiat si àtere s'intrudhaiat in sos fatos de sa famíllia sua ◊ tríulos malfusos si l’intrudheint in sa mente Ètimu itl. intrugliarsi.

intraudhulàre , vrb rfl Sinònimos e contràrios cotulare, infrechidhare, infrichiri, intraudhare, intraugliare Ètimu srd.

intraugliàre , vrb rfl Sinònimos e contràrios cotulare, infrichiri, infruncuai, intraudhare, intraudhulare Tradutziones Frantzesu se mêler Ingresu to meddle (in sthg) Ispagnolu inmiscuirse Italianu impicciarsi Tedescu sich einmischen.

intrautàu , agt Definitzione its Frases lampu ca funt malus, cussus, ma su sardu puru candu ammascat a èssi intrautau!…

íntre ínter

intrebbéssi , nm Definitzione su abbarrare fatuvatu intrandho e essindho de unu logu Sinònimos e contràrios intraliessi Frases no istes a su intrebbessi ca m'imbrutas su logu! Ètimu srd.

intrebedhài , vrb: introbedhai Definitzione nau de cosa, de chistione, èssere o essire totu troboia, betada apare, difícile, mala a iscapiare o a cumprèndhere / i. sa língua = cufúndheresi faedhendhe, agatare difítzile a faedhare Sinònimos e contràrios atrepillai, atrobodhare, atrobutzare, imbogiare, imbrabugliare, trabojare, trebedhai, trobodhicai Frases sa chistioni est cumentzendi a s'introbedhai ◊ cussu s'intrebedhat fuedhendu ◊ fostei si nci est ammisturau e at introbedhau sa cosa ◊ mancu mali, a vostè no dh'introbedhat sa língua! ◊ cun custus dícius… issu est circandho de introbedhai totu is chistiones! 2. seu intrau in s'àcua e in cambas s'est intrebedhau unu cantu de erba de mari Ètimu srd. Tradutziones Frantzesu brouiller Ingresu to tangle up Ispagnolu enredar Italianu ingarbugliare Tedescu verwirren.

intrebessài , vrb Definitzione cufúndhere is cosas, is chistiones Sinònimos e contràrios intrebedhai.

intrebigài , vrb Sinònimos e contràrios abbrigai, imbudhighinare, scadrigiai Frases po inforrai su pani si alluit su forru ghetendi linna fintzas a intrebigai bèni ◊ pampas de fogu at alidau in sa forredha antiga de is gianas, nisciuna de is partis sunt sanas ca totugantu s'est intrebigau (U.Cara) Ètimu srd.

intrebínta , nf Definitzione genia de bobboi mannu, longu, de terra Sinònimos e contràrios aterringone, atulíngia, sitziringoni, tilingione, tzilingu, tzirinoni, tzuluncone Terminologia iscientìfica crp Ètimu srd.

intrecíre , vrb: intretzire, intritzire Definitzione intrare apare Sinònimos e contràrios intriciai, intèssere, intreverai Frases est intrecidu s'unu a s'àteru Ètimu itl. Tradutziones Frantzesu tresser Ingresu to interlace Ispagnolu trenzar, entrelazar Italianu intrecciare Tedescu flechten.

intrecoràu , agt Definitzione chi at tentu s'intrecoru, mortemala Sinònimos e contràrios tracorau Frases mama e filla si funt mortas intrecoradas ◊ furiat po ndi mòrriri intrecorau de su feli! Ètimu srd.

intrecòre, intrecòru intracòro

intredò intradò

intrefórru intrafórru

intrèga intégru

intregadòre , nm Definitzione chie intregat calecuna cosa a un'àteru.

intregàdu , pps, agt: intregau Definitzione de intregare; nau de unu chentza precisare àteru bolet nàrrere chi est intregau a su dimóniu Sinònimos e contràrios dadu / assatanadu Frases a tie apo intregau is craes de su coro! 2. bosatrus seis intregaus a is tiaus: de sa religioni si ndi seis iscaréscius! ◊ candu unu est intregau a is tiaus no podit bogai che pampas de fogu! ◊ sendhe Maria in partu benit unu póveru, e fit su babbu intregadu! ◊ pariat un'intregadu, bochendhe fogu! Tradutziones Frantzesu livré Ingresu handed over Ispagnolu entregado Italianu consegnato Tedescu ausgehändigt.

intregàdu 1 , agt Definitzione nau de cosa po su tanti, chi dhu'est totu, totu pínnigu, totu intregu, no ndhe ammancat nudha Sinònimos e contràrios interu, totu Frases bi fit su parentadu intregadu in s'isposu ◊ candho est in sas vonas, custa fada, est tropu maca de su bonugoro: tandho est totu su meu, no bi at issoro, ca re divento de sa terra intregada (G.Ruju)◊ in su bríndhisi de sa làurea bi fit tota sa famíllia intregada Ètimu srd. Tradutziones Frantzesu complet Ingresu complete Ispagnolu completo Italianu complèto Tedescu vollständig.

intregadúra , nf Definitzione su intregare, giare calecuna cosa a un'àteru, mescamente a lassare Sinònimos e contràrios cunsigna, integru Ètimu srd.