Ditzionàriu in línia
de sa limba e de sa cultura sarda

iscalabràda , nf Definition su iscalabrare; genia de segada Synonyms e antonyms malandra, secada Sentences arratza de iscalabrada chi li as fatu, a fórtighe, a sa berbeche, tundhendhe! Etymon srd.

iscalabràdu , pps, agt: iscalabrau Definition de iscalabrare; chi est totu andhau male, chi at tentu dannu; nau de unu, chi est fatu a sa grussera, pagu educau Synonyms e antonyms malacónciu / gavàciu 2. cumandhadu at zente cun istancas e a fine de ora cun tribàgliu tiradu ndhe l'ant fora ma totu iscalabradu (P.Pisurzi)◊ cudhu nurache est totu iscalabrau ca ómines ghirrisones che ndh'ant ghetau sa midade ◊ un'iscalabradu e macu at isparadu a su Paba Translations French rustre English lout Spanish patán Italian tànghero German Tölpel.

iscalabràre , vrb: iscalambrare, iscalavrare, iscalavriare, scalabrai Definition guastare, segare, fàere dannu, arrasigare sa pedhe Synonyms e antonyms addagnai, indomaxai / arroinare, atzimare, azinare, dissantarare, ifasciare, irderrúere, iscempiai, isciarrocai, isperrumai, strupiai / iscorazire Sentences mi ponzeint manu e mi lasseint che linu bargadadu, ma no mi ant iscalabradu e su chi fia so ◊ bi aiat tres ómines chin sa conca iscalavriata dae sos carches de sos animales ◊ cusse chin su bachedhu m’iscalavriaiat su gatile, chi giuchia sèmpere a bullones e ispilitu Etymon spn. descalabrar Translations French endommager English to damage Spanish perjudicar, dañar Italian danneggiare German beschädigen.

iscalabràu iscalabràdu

iscalabròne , nm: iscalambrone Definition ómine o calesiògiat persona de carena manna, arta meda Synonyms e antonyms cannainzu, giangalloi, iscalandrone* Sentences bois sezis unu cantu de iscalambrone mannu Scientific Terminology zcrn.

iscalàbru , nm: scalabru Definition su iscalabrare / cúrrere a i. = cúrrere a manera de s'iscollare, de si segai sa mola de su tzugu, a iscalabrada Synonyms e antonyms addannadura, danneficu, dannu, roghina Sentences su perdi s'amori est s'iscalabru prus mannu Etymon spn. descalabro Translations French endommagement English damage, damaging Spanish daño, perjuicio Italian danneggiaménto German Beschädigung.

iscalagasàre , vrb Definition fàere orrúere o iscutulare sa crosta o iscata de pilos / pètene de i. = zenia de pètene prus lascu Etymon srd.

iscalài , vrb: iscalare 1 Definition iscarrigare, istuai, agiudare a ccn. a si ndhe calare su càrrigu chi portat a codhu, in pitzu Synonyms e antonyms | ctr. atuai, barriare Sentences "Lassai custus contus!" iat nau iscalendudendi a peis de sa picioca su cadinu chi portàt in conca ◊ s'at iscalau de palas sa bértula e dh'at posta ◊ beni ca m'iscalas! (M.Calia).

iscalambràre iscalabràre

iscalambròne iscalabròne

iscàlamu , nm: scrammu* Definition genia de puntedhu, unu a cada bandha de una barca, chi serbit po fàere fortza cun su remu (custu si manígiat che una leva e s’i. est su puntu de arrimu) Synonyms e antonyms cangedhu, iscàranu 1 Sentences faghidebbilu provare s'iscàlamu a su dutore, a bídere si la faghet andhare sa balca! Translations French tolet English oarlock Spanish tolete Italian scalmo German Auflanger.

iscalànca , nf Synonyms e antonyms calanca, imbaga, irganzada Etymon srd.

iscalancadúra , nf Definition su iscalancare, faina chi si faet a sa bide noa betandhochedhi is pigionatzos chi no serbint Synonyms e antonyms irmamadura, iscatzedhadura Etymon srd.

iscalancàre , vrb: scalancari Definition segare is cambigiolos noos chi su fundhu de sa bide bogat in prus de is chi depent bogare is pudones o chi podet allatare Synonyms e antonyms immamare, irbrossare, irgemmellai.

iscalàncu , nm: iscallancu Definition imbaga o iscuta de tempus; a logos, diferéntzia de artària tra unu paris e un'àteru Synonyms e antonyms àchiu, iscuta Translations French moment de libre English spare time Spanish ratos perdidos Italian ritàglio di tèmpo German Freizeit.

iscalandròne , agt, nm: scalandroni Definition chi o chie est artu meda e istrígile de carena, cannàile; dhue at logu chi est s'iscala po pesare a su pitzusostru, o fintzes genia de iscala po pigare cosa Synonyms e antonyms caillone, cannainzu, giangalloi, iscalabrone, iscannainzadu, longariete, stinghiritzu | ctr. introssiu Scientific Terminology zcrn Etymon itl. scalandrone Translations French grand escogriffe English lanky fellow Spanish larguirucho Italian spilungóne German hochaufgeschossenheit.

iscalantài iscaentàre

iscalàre , vrb Synonyms e antonyms iscalabrare.

iscalàre 1 iscalài

iscalaviàre , vrb: iscaraviare, iscraviare Definition arrasigare sa pedhe pigandhondhe unu pígiu Synonyms e antonyms abbranchiare, afranchiare, arrancare, arranculare, farrascare, isalaviare, iscazolare, iscorroncare, scarrafiai, rafiare Sentences ndhe acudeint cun binujos e coidales iscalaviados ◊ mi leeit a trazu atapèndhemi sa conca e iscaravièndhemi in ancas ◊ mi apo iscalaviatu unu bobboi Translations French écorcher English to excoriate Spanish excoriar Italian escoriare German abschürfen.