A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

iscalabràda , nf Definitzione su iscalabrare; genia de segada Sinònimos e contràrios malandra, secada Frases arratza de iscalabrada chi li as fatu, a fórtighe, a sa berbeche, tundhendhe! Ètimu srd.

iscalabràdu , pps, agt: iscalabrau Definitzione de iscalabrare; chi est totu andhau male, chi at tentu dannu; nau de unu, chi est fatu a sa grussera, pagu educau Sinònimos e contràrios malacónciu / gavàciu 2. cumandhadu at zente cun istancas e a fine de ora cun tribàgliu tiradu ndhe l'ant fora ma totu iscalabradu (P.Pisurzi)◊ cudhu nurache est totu iscalabrau ca ómines ghirrisones che ndh'ant ghetau sa midade ◊ un'iscalabradu e macu at isparadu a su Paba Tradutziones Frantzesu rustre Ingresu lout Ispagnolu patán Italianu tànghero Tedescu Tölpel.

iscalabràre , vrb: iscalambrare, iscalavrare, iscalavriare, scalabrai Definitzione guastare, segare, fàere dannu, arrasigare sa pedhe Sinònimos e contràrios addagnai, indomaxai / arroinare, atzimare, azinare, dissantarare, ifasciare, irderrúere, iscempiai, isciarrocai, isperrumai, strupiai / iscorazire Frases mi ponzeint manu e mi lasseint che linu bargadadu, ma no mi ant iscalabradu e su chi fia so ◊ bi aiat tres ómines chin sa conca iscalavriata dae sos carches de sos animales ◊ cusse chin su bachedhu m’iscalavriaiat su gatile, chi giuchia sèmpere a bullones e ispilitu Ètimu spn. descalabrar Tradutziones Frantzesu endommager Ingresu to damage Ispagnolu perjudicar, dañar Italianu danneggiare Tedescu beschädigen.

iscalabràu iscalabràdu

iscalabròne , nm: iscalambrone Definitzione ómine o calesiògiat persona de carena manna, arta meda Sinònimos e contràrios cannainzu, giangalloi, iscalandrone* Frases bois sezis unu cantu de iscalambrone mannu Terminologia iscientìfica zcrn.

iscalàbru , nm: scalabru Definitzione su iscalabrare / cúrrere a i. = cúrrere a manera de s'iscollare, de si segai sa mola de su tzugu, a iscalabrada Sinònimos e contràrios addannadura, danneficu, dannu, roghina Frases su perdi s'amori est s'iscalabru prus mannu Ètimu spn. descalabro Tradutziones Frantzesu endommagement Ingresu damage, damaging Ispagnolu daño, perjuicio Italianu danneggiaménto Tedescu Beschädigung.

iscalagasàre , vrb Definitzione fàere orrúere o iscutulare sa crosta o iscata de pilos / pètene de i. = zenia de pètene prus lascu Ètimu srd.

iscalài , vrb: iscalare 1 Definitzione iscarrigare, istuai, agiudare a ccn. a si ndhe calare su càrrigu chi portat a codhu, in pitzu Sinònimos e contràrios | ctr. atuai, barriare Frases "Lassai custus contus!" iat nau iscalendudendi a peis de sa picioca su cadinu chi portàt in conca ◊ s'at iscalau de palas sa bértula e dh'at posta ◊ beni ca m'iscalas! (M.Calia).

iscalambràre iscalabràre

iscalambròne iscalabròne

iscàlamu , nm: scrammu* Definitzione genia de puntedhu, unu a cada bandha de una barca, chi serbit po fàere fortza cun su remu (custu si manígiat che una leva e s’i. est su puntu de arrimu) Sinònimos e contràrios cangedhu, iscàranu 1 Frases faghidebbilu provare s'iscàlamu a su dutore, a bídere si la faghet andhare sa balca! Tradutziones Frantzesu tolet Ingresu oarlock Ispagnolu tolete Italianu scalmo Tedescu Auflanger.

iscalànca , nf Sinònimos e contràrios calanca, imbaga, irganzada Ètimu srd.

iscalancadúra , nf Definitzione su iscalancare, faina chi si faet a sa bide noa betandhochedhi is pigionatzos chi no serbint Sinònimos e contràrios irmamadura, iscatzedhadura Ètimu srd.

iscalancàre , vrb: scalancari Definitzione segare is cambigiolos noos chi su fundhu de sa bide bogat in prus de is chi depent bogare is pudones o chi podet allatare Sinònimos e contràrios immamare, irbrossare, irgemmellai.

iscalàncu , nm: iscallancu Definitzione imbaga o iscuta de tempus; a logos, diferéntzia de artària tra unu paris e un'àteru Sinònimos e contràrios àchiu, iscuta Tradutziones Frantzesu moment de libre Ingresu spare time Ispagnolu ratos perdidos Italianu ritàglio di tèmpo Tedescu Freizeit.

iscalandròne , agt, nm: scalandroni Definitzione chi o chie est artu meda e istrígile de carena, cannàile; dhue at logu chi est s'iscala po pesare a su pitzusostru, o fintzes genia de iscala po pigare cosa Sinònimos e contràrios caillone, cannainzu, giangalloi, iscalabrone, iscannainzadu, longariete, stinghiritzu | ctr. introssiu Terminologia iscientìfica zcrn Ètimu itl. scalandrone Tradutziones Frantzesu grand escogriffe Ingresu lanky fellow Ispagnolu larguirucho Italianu spilungóne Tedescu hochaufgeschossenheit.

iscalantài iscaentàre

iscalàre , vrb Sinònimos e contràrios iscalabrare.

iscalàre 1 iscalài

iscalaviàre , vrb: iscaraviare, iscraviare Definitzione arrasigare sa pedhe pigandhondhe unu pígiu Sinònimos e contràrios abbranchiare, afranchiare, arrancare, arranculare, farrascare, isalaviare, iscazolare, iscorroncare, scarrafiai, rafiare Frases ndhe acudeint cun binujos e coidales iscalaviados ◊ mi leeit a trazu atapèndhemi sa conca e iscaravièndhemi in ancas ◊ mi apo iscalaviatu unu bobboi Tradutziones Frantzesu écorcher Ingresu to excoriate Ispagnolu excoriar Italianu escoriare Tedescu abschürfen.