A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

iscallatóriu iscalladórju

iscallàu iscagiàu

iscallentadúra , nf Sinònimos e contràrios ingrillimentu, iscallentamentu Ètimu srd.

iscallentaméntu , nm: scallentamentu Definitzione su iscallentare, su caentaire a meda Sinònimos e contràrios imbudhighinamentu | ctr. sfridóngiu Frases seus aici arrubiaus po s'iscallentamentu de su fogu, comenti fiaus arrustendi Ètimu srd.

iscallentàre iscajentàre

iscàllia iscàglia

iscalliàda , nf Sinònimos e contràrios iscracalliada Frases bidendhe a isse cotu che fogu no poteint tratènnere un'iscalliada de risu.

iscallitràxu , nm Definitzione logu de iscallitu Terminologia iscientìfica slg Ètimu srd.

iscallítu , nm Definitzione una calidade de pedra, prantada (firma) chi andhat a pètene, ma fàcile a bogare (a tipu codina chi essit a pedrighedhas piticas).

iscàllu iscàgiu

iscalmentàdu , pps, agt Definitzione de iscalmentare; chi at tentu o ingortu iscrammentu Sinònimos e contràrios ttrs. iscramintadu.

iscalmentàre , vrb: iscammentare, iscarmentai, iscarmentare, isclamentare, iscramentai, iscrammentai, iscrammentare, isgramentare, scramentai Definitzione currègere su cumportamentu imparandho de unu male, de cosa chi est costada meda, de unu dannu po dh’àere provau; pigare assíchidu Sinònimos e contràrios iscadhai, spriai / asciuconare Frases onzi die a campu che lu leo: daghi iscarmentat a triballu as a bis chi li benit sa gana de istudiare! 2. intendhimus chi s'iscrammentat sa robba: currimos e agatamos s'anzone iscannadu dae su grodhe Sambenados e Provèrbios prb: chini est iscrammentau de s'àcua budhia timit sa frida puru Ètimu spn. Tradutziones Frantzesu décourager Ingresu to discourage, to desist Ispagnolu escarmentar Italianu scoraggiare, desístere per effètto di esperiènza forteménte negativa Tedescu entmütigen, ablassen.

iscalmentósu , agt: iscarmentosu, iscrammentosu Definitzione chi faet iscrammentare, chi faet a tímere meda Sinònimos e contràrios terrorosu Frases isse at connotu duas gherras iscalmentosas 2. cumprendho giaramente cantu naras cun su mudine tou iscarmentosu (P.Casu)◊ acultzu a una buca iscarmentosa de abbissu urulaiant mostres e orcos.

iscalméntu , nm: iscaramentu, iscarmentu, iscramentu, iscrammentu, scalmentu Definitzione genia de imparu e cambiamentu po calecunu male chi unu at provau Sinònimos e contràrios iscadha, iscadhura Maneras de nàrrere csn: giúghere a i. = a montovu, pro chi serbat de imparu; si ndhe at bidu, ndhe amus bidu malos iscrammentos = amus connotu dannu mannu, males, isperiéntzias chi faghent iscrammentare Frases un'iscarmentu balet pro chentu ◊ sos pàsculos in afitu pro pacu tempus los ant pacaos: apustis ant pérdiu totu e commo sunt a iscaramentu ◊ pro fàghere iscrammentu a s'ae bessi cun s'archibbusu! ◊ su mundu est mau, si ndi at inténdiu maus iscramentus! ◊ su cherbedhu suo fit istau labau dae sos iscaramentos de sa gherra ◊ ndhe amus leadu iscrammentu e nisciunu at piús regoltu nudha: podiat èssere una bomba! Ètimu spn. escarmiento Tradutziones Frantzesu déception Ingresu disillusionment Ispagnolu escarmiento Italianu scottatura, esperiènza pèssima Tedescu Enttäuschung, unangenehme Erfahrung.

iscalonàre , vrb: scalonai Definitzione arregòllere o cricare iscaligiones, camparinus, in bíngia; segare is pripillonis de su gurdone Sinònimos e contràrios iscaluzare, isporulare Ètimu srd.

iscalòne , nm: scaloni 1 Definitzione gurdonedhu piticu de àghina, de cussos chi sa pértiga bogat a trigadiu Sinònimos e contràrios campaninu, cicillone, iscalúgia, pimpillia, scalonina, sciscilloni, tzitzicra Ètimu srd.

iscalòne 1 , nm: scaloni Definitzione tretu inue, mescamente in camminos o àteros logos de passare, faet a iscalina Sinònimos e contràrios iscamedhu Frases inoghe che aiat un'iscalone e de màchinas no che ndhe podiat colare ◊ tue t'iscollas in calchi iscalone Ètimu ctl., spn. escaló, escalòn.

iscàlpa , nf, nm: iscarpa, iscarpu, iscrapa 1 Definitzione cartzamenta, genia de bestimentu chi si ponet a is peis / genias de iscarpa: bassa, arta, fine, russa, caentosa, frita; partes de un'iscarpa: su fundhu, s'impena, su carcangili, is solas, su taconi, is origas (cun is istampos po intrare sa feta o codriola po dhas acapiare), su bruncaretu, su capígliu (in sa punta a parte de aintru), sa plantella Sinònimos e contràrios bota 2, crapita Maneras de nàrrere csn: pònnere a unu in iscarpas istrintas = pònnerelu in dificurtade manna; iscalpas de atapare = iscarpas pro campu Frases pònnere s'iscarpa a cufromma a su pede ◊ custas iscarpas mi sunt afissonzas ◊ Frantzisca si abbaidait sa punta de sos iscarpos e no narait peràula 2. za mi l'at fata: mi che at postu in iscarpas istrintas! ◊ sa mancàssia de triballu mi che at postu in iscarpas istrintas Terminologia iscientìfica bst Ètimu itl. scarpa.

iscalpédhu , nm: iscarpedhu, iscrapedhu Definitzione genia de aina longhita, cun sa punta ladita (atza) o ischeada a tundhu o de àtera manera, cun sa màniga fata de dhue pòdere acropare, impreau prus che àteru po istuvonare o trebballare linna (o totu de metallu sa màniga puru po trebballare pedra o fintzes po segare ferru) Sinònimos e contràrios iscrafedhu Terminologia iscientìfica ans Ètimu itl. Tradutziones Frantzesu ciseau Ingresu chisel Ispagnolu escoplo (legno), cincel (pietra) Italianu scalpèllo Tedescu Stechbeitel.

iscaltafogliàdu , agt Definitzione nau de ccn., chi est girau de 'fógliu' (in cobertantza), girau de conca, macu.