A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

iscaltaredhàdu , agt, nm Definitzione pretocau, chi no est tanti giustu de conca Sinònimos e contràrios badhinosu, gadhighinosu, tallocau.

iscaltinàre , vrb: iscartinare, scartinai Definitzione orrúere (o fintzes betare, iscúdere) a terra de mala manera, a istràmpidu forte Sinònimos e contràrios addrabbulai, arrúere, iscasidhare, isdegorare, isdobbiare, orrue 1, rúchere / aciapuai, atapai 1 Frases cudhu marzane tentu a lobu iscudiat a sa tzurpa de unu muru a s'àteru iscartinandho a terra totu su chi atzapaiat ◊ chirca de ndhe l'iscaltinare dae su letu, ca est ancora drommida goi a tardu! Tradutziones Frantzesu s'abattre Ingresu to fall heavily Ispagnolu desplomarse Italianu stramazzare Tedescu stürzen (der Länge nach).

iscaltulàre , vrb: iscartulare Definitzione fresare su pane, segare e istacare is duos pígios de su pane de fresa; passare s'ispola in s'iscàltula Sinònimos e contràrios fresai Frases si su pane no est bene pesadu no iscàltulat bene Ètimu srd. Tradutziones Frantzesu effeuiller Ingresu to leaf through Ispagnolu separar las dos hojas del pan Italianu sfogliare, staccare le sfòglie Tedescu entblättern.

iscaltzàre , vrb: iscarsai, iscartare, iscartzae, iscartzare, scartzai Definitzione pigare o istesiare sa terra totu a inghíriu de is fundhos de sa cosa prantada, ma nau fintzes de àteru Sinònimos e contràrios iscartarare, scratzedhai Frases sos carvonajos comintzeint a bogare coighina ispatendhe sas majas e iscartendhe sas raighinas ◊ sa binza est tota iscartada ◊ tenes binza, aras e no iscartzas!◊ pro ndhe bogare cussa pedra tocat a l'iscartare a inghíriu ◊ seu abbituau a iscarsai sa bíngia. Tradutziones Frantzesu déchausser Ingresu to hoe Ispagnolu socavar Italianu scalzare Tedescu untergraben.

iscàltzigu , agt Definitzione chi est prus pagu de su tanti giustu Sinònimos e contràrios iscassu, ischessu, mancante | ctr. giustu / bundhante Frases su late fit iscàltzigu, sos fiados molzendhe de fàmine e alveghes meda moltas pro lavina Ètimu srd.

iscaltzonàre , vrb: iscartzonare, iscratzonai, scartzonai Definitzione bogare is pantalones e fintzes solu calare is pantalones chentza che dhos bogare deunudotu Sinònimos e contràrios | ctr. incaltzonare Ètimu srd.

iscàlu , nm Definitzione logu a ue faet a si acostire po calare de una nave, de una barca; logu a ue si lompet a s'acabbu de unu viàgiu; burdonitos postos impare de dhue pòdere orrumbulare e ispostare cun facilidade carradas o àteru postu in pitzu Sinònimos e contràrios aprodu, poltu Ètimu itl. scalo.

iscalúgia , nf, nm: iscaruza, iscaluza, iscaluzu 1 Definitzione min. de iscala 1: gurdone pitichedhedhu, de cussos chi essint a úrtimu, trigadios, e fintzes una parte pitica de su gurdone mannu: est unu upm.; dhu narant fintzes po ccn. de pagu importu, chi contat pagu Sinònimos e contràrios campaninu, carràmbalu, cicillone, iscaligione, iscalone, iscanutza, ispérula, pimpillia, popurustu, pripixone, scalonina, scrichillia, scrichilloni, sprimpilloni, tzitzicra / ttrs. iscarúghia Frases s'iscaluza crua, binnennendhe, no l'amus collida ◊ si at manigadu un'iscaluza de ua ◊ ndhe cherent collidas cussas iscaluzas de ua 2. si Dante fit poete, padre Luca no fit iscaluzu! Terminologia iscientìfica rbr Ètimu srd. Tradutziones Frantzesu grappillon Ingresu small bunch of grapes Ispagnolu cencerrón Italianu racímolo Tedescu Träubchen.

iscalusciàre , vrb Sinònimos e contràrios allescinai, cadriare, fugire, illascinare, illiscigare, illiscighinare, iscadriare, lascinare, lassingiare Frases sa cosa li est iscalusciada dae manos Tradutziones Frantzesu glisser Ingresu to slip Ispagnolu resbalar Italianu sdrucciolare Tedescu ausgleiten.

iscalúza iscalúgia

iscaluzadúra , nf Definitzione su iscaluzare, arregorta de iscaligione, de camparinus Sinònimos e contràrios iscaluzonzu Ètimu srd.

iscaluzàre , vrb Definitzione arregòllere o cricare iscaluza, iscaligione, in bíngia; segare is pripillonis de su gurdone; in cobertantza, cricare fintzes àteru Sinònimos e contràrios iscaligionare, iscalonare, isperulare, isporulare 2. betzitos sonnigosos iscaluzant in memórias andhadas contos de pitzinnia (G.Porchedhu Useli)◊ fues iscaluzendhe sole fritu (G.Fiori) Ètimu srd. Tradutziones Frantzesu grappiller Ingresu to glean (grapes) Ispagnolu rebuscar, racimar Italianu raspollare Tedescu nachlesen.

iscaluzónzu , nm Definitzione su iscaluzare, arregorta de iscaligione Sinònimos e contràrios iscaluzadura Ètimu srd.

iscalúzu , nm Definitzione logu istrintu po passare in mesu de is orrocas Ètimu srd.

iscalúzu 1 iscalúgia

iscàlzu iscàgliu

iscalzúdu , agt Definitzione nau de ccn., chi portat iscàrgiu mannu, bentre manna, chi papat meda Frases no est s'ària chi t'ingrassat, no: est ca ses unu cane iscalzudu manighendhe!(S.Saba)

iscalzurúgiu , nm: iscargirrúbiu, iscarziruju, scraxarrúbiu Definitzione genia de pigionedhu de unu coloredhu orrúbiu coment'e de aràngiu in su petus e in su gúturu Sinònimos e contràrios barbarrúbia, brentorrúbiu, brinchidhi, brinci, chiridhi, crichidhi, dhodhi, ghiri, petiruju, princiotu, tintillu, tradhera, tzichi, vàrvisi Terminologia iscientìfica pzn, erithacus rubecula sardus Ètimu srd. Tradutziones Frantzesu rouge-gorge Ingresu robin Ispagnolu petirrojo Italianu pettirósso Tedescu Rotkehlchen.

iscamàre , vrb Definitzione bogare o leare su camu Sinònimos e contràrios | ctr. acamare, incamae Frases nos semus atzapaos chin sas crapas acamadas totu a inghíriu isetandhe fortzis a las iscamare ◊ candho abberguabamus chi sos crapitos che fint istitados, los iscamabamus Ètimu srd.

iscambadúra , nf: iscammadura Definitzione su iscambare; fintzes frachesa a cambas Sinònimos e contràrios iscarbiadura / immarrimentu 2. su binu faet sàmbene, ma s'abba faet a iscambadura… Ètimu srd.