A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

iscaltaredhàdu , agt, nm Definizione pretocau, chi no est tanti giustu de conca Sinonimi e contrari badhinosu, gadhighinosu, tallocau.

iscaltinàre , vrb: iscartinare, scartinai Definizione orrúere (o fintzes betare, iscúdere) a terra de mala manera, a istràmpidu forte Sinonimi e contrari addrabbulai, arrúere, iscasidhare, isdegorare, isdobbiare, orrue 1, rúchere / aciapuai, atapai 1 Frasi cudhu marzane tentu a lobu iscudiat a sa tzurpa de unu muru a s'àteru iscartinandho a terra totu su chi atzapaiat ◊ chirca de ndhe l'iscaltinare dae su letu, ca est ancora drommida goi a tardu! Traduzioni Francese s'abattre Inglese to fall heavily Spagnolo desplomarse Italiano stramazzare Tedesco stürzen (der Länge nach).

iscaltulàre , vrb: iscartulare Definizione fresare su pane, segare e istacare is duos pígios de su pane de fresa; passare s'ispola in s'iscàltula Sinonimi e contrari fresai Frasi si su pane no est bene pesadu no iscàltulat bene Etimo srd. Traduzioni Francese effeuiller Inglese to leaf through Spagnolo separar las dos hojas del pan Italiano sfogliare, staccare le sfòglie Tedesco entblättern.

iscaltzàre , vrb: iscarsai, iscartare, iscartzae, iscartzare, scartzai Definizione pigare o istesiare sa terra totu a inghíriu de is fundhos de sa cosa prantada, ma nau fintzes de àteru Sinonimi e contrari iscartarare, scratzedhai Frasi sos carvonajos comintzeint a bogare coighina ispatendhe sas majas e iscartendhe sas raighinas ◊ sa binza est tota iscartada ◊ tenes binza, aras e no iscartzas!◊ pro ndhe bogare cussa pedra tocat a l'iscartare a inghíriu ◊ seu abbituau a iscarsai sa bíngia. Traduzioni Francese déchausser Inglese to hoe Spagnolo socavar Italiano scalzare Tedesco untergraben.

iscàltzigu , agt Definizione chi est prus pagu de su tanti giustu Sinonimi e contrari iscassu, ischessu, mancante | ctr. giustu / bundhante Frasi su late fit iscàltzigu, sos fiados molzendhe de fàmine e alveghes meda moltas pro lavina Etimo srd.

iscaltzonàre , vrb: iscartzonare, iscratzonai, scartzonai Definizione bogare is pantalones e fintzes solu calare is pantalones chentza che dhos bogare deunudotu Sinonimi e contrari | ctr. incaltzonare Etimo srd.

iscàlu , nm Definizione logu a ue faet a si acostire po calare de una nave, de una barca; logu a ue si lompet a s'acabbu de unu viàgiu; burdonitos postos impare de dhue pòdere orrumbulare e ispostare cun facilidade carradas o àteru postu in pitzu Sinonimi e contrari aprodu, poltu Etimo itl. scalo.

iscalúgia , nf, nm: iscaruza, iscaluza, iscaluzu 1 Definizione min. de iscala 1: gurdone pitichedhedhu, de cussos chi essint a úrtimu, trigadios, e fintzes una parte pitica de su gurdone mannu: est unu upm.; dhu narant fintzes po ccn. de pagu importu, chi contat pagu Sinonimi e contrari campaninu, carràmbalu, cicillone, iscaligione, iscalone, iscanutza, ispérula, pimpillia, popurustu, pripixone, scalonina, scrichillia, scrichilloni, sprimpilloni, tzitzicra / ttrs. iscarúghia Frasi s'iscaluza crua, binnennendhe, no l'amus collida ◊ si at manigadu un'iscaluza de ua ◊ ndhe cherent collidas cussas iscaluzas de ua 2. si Dante fit poete, padre Luca no fit iscaluzu! Terminologia scientifica rbr Etimo srd. Traduzioni Francese grappillon Inglese small bunch of grapes Spagnolo cencerrón Italiano racímolo Tedesco Träubchen.

iscalusciàre , vrb Sinonimi e contrari allescinai, cadriare, fugire, illascinare, illiscigare, illiscighinare, iscadriare, lascinare, lassingiare Frasi sa cosa li est iscalusciada dae manos Traduzioni Francese glisser Inglese to slip Spagnolo resbalar Italiano sdrucciolare Tedesco ausgleiten.

iscalúza iscalúgia

iscaluzadúra , nf Definizione su iscaluzare, arregorta de iscaligione, de camparinus Sinonimi e contrari iscaluzonzu Etimo srd.

iscaluzàre , vrb Definizione arregòllere o cricare iscaluza, iscaligione, in bíngia; segare is pripillonis de su gurdone; in cobertantza, cricare fintzes àteru Sinonimi e contrari iscaligionare, iscalonare, isperulare, isporulare 2. betzitos sonnigosos iscaluzant in memórias andhadas contos de pitzinnia (G.Porchedhu Useli)◊ fues iscaluzendhe sole fritu (G.Fiori) Etimo srd. Traduzioni Francese grappiller Inglese to glean (grapes) Spagnolo rebuscar, racimar Italiano raspollare Tedesco nachlesen.

iscaluzónzu , nm Definizione su iscaluzare, arregorta de iscaligione Sinonimi e contrari iscaluzadura Etimo srd.

iscalúzu , nm Definizione logu istrintu po passare in mesu de is orrocas Etimo srd.

iscalúzu 1 iscalúgia

iscàlzu iscàgliu

iscalzúdu , agt Definizione nau de ccn., chi portat iscàrgiu mannu, bentre manna, chi papat meda Frasi no est s'ària chi t'ingrassat, no: est ca ses unu cane iscalzudu manighendhe!(S.Saba)

iscalzurúgiu , nm: iscargirrúbiu, iscarziruju, scraxarrúbiu Definizione genia de pigionedhu de unu coloredhu orrúbiu coment'e de aràngiu in su petus e in su gúturu Sinonimi e contrari barbarrúbia, brentorrúbiu, brinchidhi, brinci, chiridhi, crichidhi, dhodhi, ghiri, petiruju, princiotu, tintillu, tradhera, tzichi, vàrvisi Terminologia scientifica pzn, erithacus rubecula sardus Etimo srd. Traduzioni Francese rouge-gorge Inglese robin Spagnolo petirrojo Italiano pettirósso Tedesco Rotkehlchen.

iscamàre , vrb Definizione bogare o leare su camu Sinonimi e contrari | ctr. acamare, incamae Frasi nos semus atzapaos chin sas crapas acamadas totu a inghíriu isetandhe fortzis a las iscamare ◊ candho abberguabamus chi sos crapitos che fint istitados, los iscamabamus Etimo srd.

iscambadúra , nf: iscammadura Definizione su iscambare; fintzes frachesa a cambas Sinonimi e contrari iscarbiadura / immarrimentu 2. su binu faet sàmbene, ma s'abba faet a iscambadura… Etimo srd.