A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

iscambàe, iscambài, iscambàre , vrb: scambai Definitzione immarrire meda is cambas camminandho, truncare is cambas, fàere dannu mannu; segare is cambos grussos de una mata; istagiare una parte de su bestiàmene, de su tàgiu, o fintzes istesiare de su tàgiu; fàere o lassare chentza fortzas, pigare a immarritzone is cambas po debbilesa, maladia Sinònimos e contràrios ilmulgare, iscarbare, sbratzalai, strassalai / iscamedhare, istagiai Frases tue si podes cricas de iscambae sos paesanos! 2. su bentu forte at iscambadu àrbures meda 3. sas bacas mias no b'iscambant mai: no si ndhe moet una de sa camba! 4. medas mamas de custas famílias funt iscambadas de trabballu ◊ seu totu iscambau, m'intendu istancu e parit ca portu callentura! Ètimu srd.

iscambaríta , avb Definitzione èssere o andhare a i. = a peis nuos, chentza mígias, a cambarita.

iscambaritàda , nf Definitzione su iscambaritare Ètimu srd.

iscambaritàdu , pps, agt Definitzione de iscambaritare; chi est cun is cambas nuas, cun pantalones a camberas curtzas 3. bi aiat unu milesu cun sos caltzones a buca de campana e totu iscambaritadu.

iscambaritàre , vrb Definitzione camminare; bogare is cambaritas, is mígias; parare sa camba ponendhodha a istúturu ananti de un'àteru po dhu fàere orrúere; in cobertantza, andhare in fallimentu Sinònimos e contràrios acambitai Ètimu srd.

iscambatzòne , nm Definitzione un'ispétzia de debbilesa, de immarritzone, de frachesa Sinònimos e contràrios debbilesa, falamentu, francusina Frases s'istriadura pigat a iscambatzone Terminologia iscientìfica mld Tradutziones Frantzesu asthénie Ingresu asthenia Ispagnolu astenia Italianu astenìa Tedescu Asthenie, Kraftlosigkeit.

iscambedhósu , agt Definitzione chi faet dificurtade, chi est pagu adatu.

iscambédhu , nm: iscamedhu 1 Definitzione su parare s'anca (sa camba) a unu po dhu fàere orrúere Frases a s'intèndhere istimadu est unu sentore forte, meravizosu, chi non ti fachet bídere sos iscambedhos de sa vida Tradutziones Frantzesu croc-en-jambe Ingresu trip Ispagnolu zancadilla Italianu sgambétto Tedescu Beinstellen.

iscamberàdu , agt Definitzione nau de pantalone, chi dhi mancat cambera (sa parte de is cambas) Sinònimos e contràrios Ètimu srd.

iscambèrtza iscabèce 1

iscambéssidu , agt Definitzione chi est totu andhau male Sinònimos e contràrios iscumbessu Frases est unu caminu iscambéssidu Ètimu srd.

iscambéssu iscabbéssu

iscambétzu iscabèce 1

iscambiadúra , nf Definitzione su iscambiare / a i. de séculu, de mese = tra unu séculu e s'àteru, a cadhu de duos séculos, fintzas tra úrtimos de unu mese e primas dies de s'àteru Sinònimos e contràrios iscàmbiu / scambilladura Ètimu srd.

iscambiàre , vrb: iscammiare Definitzione giare o pigare una cosa po un'àtera, in càmbiu Sinònimos e contràrios cambiai Frases canno aus isposau aus iscammiau is anedhos.

iscambíllu , agt Definitzione chi est a solu, iscapu, afaiu, chentza cumpàngiu / númeru i. = chi no est a paris (no faghet a croba: es. totu is números primos funt iscambillos ca ispartzios in duos lassant s'arrestu de unu) Sinònimos e contràrios iscàbulu, scambillau Frases is fògios de su líbburu furint iscambillos, dhos iat unidos apare e pustis lígios Tradutziones Frantzesu impair Ingresu odd number Ispagnolu impar Italianu dìspari Tedescu ungerade Zahl.

iscàmbiu , nm: scàmbiu Definitzione su iscambiare, su giare o fàere cosa po ndhe pigare un'àtera, in parte de un'àtera / iscàmbiu de sos binàrios = tretu de sa ferrovia ue su binàriu est postu mori mori o si podet mòvere a tales de pòdere passare de s'unu a s'àteru Sinònimos e contràrios càmbiu, iscambiadura Frases femu giorronadas fintzas a iscàmbiu de petza, de trigu, de casu.

iscambuliàre , vrb Definitzione essire o bogare de su tàgiu a sa sola, essire iscàbulu, istesiare de sa gente, de sa cumpangia Sinònimos e contràrios iscamedhare, istesiare, stagiai 2. a sos betzos de sessant'annos in s'antigóriu nachi che los iscambuliaiant dae unu monte ◊ su capiscuadra si che iscambuliaiat dae su triballu pro torrare múndhinu múndhinu e buscare sos triballantes chistionendhe (N.Osu) Ètimu srd.

iscamedhadórju , nm Definitzione logu de iscamedhos, logu malu Sinònimos e contràrios irrocadolzu Frases iscassidhare in s'iscamedhadorju ◊ custos pacos pecos timo chi los apo a bíere ispérdios in carchi iscamedhadorju Ètimu srd.

iscamedhàre , vrb: iscammedhare, isgamedhare Definitzione istesiare unu pegus de su tàgiu, andharesindhe de sa cumpangia; fintzes iscapiare su giuale a is boes giuntos Sinònimos e contràrios irmedhae, iscambare, iscambuliare, iscamedhire, iscedhai, iscrobare, istagiai, istropedhare | ctr. amedhare Frases unu pisedhu s'isgamedheit de sos cumpagnos chi fint zoghendhe ◊ apo àpidu sas berbeghes chi mi mancaiant: las depiat àere iscamedhadas carchi cane ◊ pares iscammedhadu che angione sorteri 2. sos pitzinnos s'aunint a zocare che anzones iscamedhaos Ètimu srd. Tradutziones Frantzesu éloigner du groupe Ingresu to send out (of a group) Ispagnolu alejar, apartar Italianu allontanare dal gruppo Tedescu von der Gruppe entfernen.