A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

illivriníre illibriníre

illivrinzàre , vrb Definition tastare calecuna cosa tanti po asseliare unu pagu su fàmene Synonyms e antonyms allibrinzare.

illixerài , vrb Definition fàere prus lébiu, nau fintzes in su sensu de ndhe leare s’istrobbu, de si ndhe andhare Synonyms e antonyms alixerai, allezerire, illezerigare 2. illixera sa barraca, baidindi de innòi o ti fatzu pinnigai!

illixighinídu , agt Definition chi est in cara mala che sa tela, de colore malu, nau de unu Synonyms e antonyms illiginidu, isarboliu, iscarugiu, ispanàciu.

illizàre , vrb Definition sufrire po mancamentu de abba, nau de is erbas / cara illizada = cara chei sa tela, cara mala de bisura Synonyms e antonyms acalamai, agurgire, allacanae, allebigiare, allizare, calighinare, pansiri Etymon srd. Translations French se faner, se flétrir English to wither Spanish marchitar Italian appassire, avvizzire German verwelken.

illizerigàre illezerigàre

illiziníre , vrb Definition igragalare, pèrdere fortzas Synonyms e antonyms acalamai, allacanae, allebigiare, allizare, illizare Etymon srd.

illobàre , vrb Definition istesiare s’unu de s’àteru duos o duas cosas chi funt o andhant sèmpere impare, a loba, intraos apare, o fintzes chi funt brigandho o faendho àteru impare; trebballu chi si faet a is fundhos de sa bide: bogare in croba Synonyms e antonyms igiúgnere, iscrobai, scongiuntai, sparigai | ctr. acrobai, agiobare, allobae Sentences sos canes mascu e fémina lobaos tratiaus de che dhos illobare 2. illobas, pudas, iscartzas, aras, marras e innestas! Etymon srd.

illocinàre , vrb Definition segare is leas in s’aríngiu Synonyms e antonyms illeurare, irbardulare, ischelviare.

illócu , avb: illogu Definition in logu, nau in su sensu de in perunu logu: No apo àpidu pane illogu; – A si ndh’agatat de cosa a comporare? – Illogu! Nudha mancu fragu!

illodhiàre , vrb Definition samunare, tirare su brutore, limpiare una segada, una ferida; rfl. in cobertantza, fàere bellu meda, su si crèdere, abantare Synonyms e antonyms limpiai, samunare, sciacuai / abantai 2. custa emmo chi est una siendha de muzere, faghiat, e tota si la carigneit, illodhiendhesindhe ◊ andhaiat a su munimentu a si sètzere e a si bistentare illodhiendhe tota s'importàntzia sua (S.Patatu)◊ s'illodhiaiat in sa cadrea pariat issu su presidente Etymon srd.

illogadúra , nf Definition móvia de un’arremu, coment’e bogau de pare po ifortzu mannu Synonyms e antonyms bocadura, scordogadura, sdollocadura, tutzida.

illogàre , vrb: islogai, islogare Definition coment'e bogare de pare un’arremu in s’annoigadórgiu po ifortzu Synonyms e antonyms bocare, ilgiogare, innoigare, irbesciai, isconzare, sciadhie, scuadhigai, sdellocai Etymon itl. slogare.

illogrài , vrb Synonyms e antonyms lograi, lobrare.

illógu illócu

illói idhói

illoidúra , nf Definition su illoire Synonyms e antonyms illoimentu, illoissione Etymon srd. Translations French rachat, rançon English release, redemption Spanish redención Italian riscatto, svìncolo German Ablösung, Freimachung.

illoiméntu , nm Synonyms e antonyms illoidura, illoissione Etymon srd.

illoíre , vrb: illuire Definition torrare in posse, po dinare, de su chi unu aiat pérdiu o giau, pagare su dépidu; iscabbúllere de un’afrinca; torrare agoa Synonyms e antonyms alloire, ischitare, luire Sentences bi tenzo obbligassione cun chie mi at agiuadu a illuire su dépidu Etymon srd. Translations French racheter English to release, to redeem Spanish redimir Italian riscattare, svincolare un cènso German ablösen, freimachen.

illoissiòne , nf Synonyms e antonyms illoidura, illoimentu Etymon srd.