A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

illivriníre illibriníre

illivrinzàre , vrb Definizione tastare calecuna cosa tanti po asseliare unu pagu su fàmene Sinonimi e contrari allibrinzare.

illixerài , vrb Definizione fàere prus lébiu, nau fintzes in su sensu de ndhe leare s’istrobbu, de si ndhe andhare Sinonimi e contrari alixerai, allezerire, illezerigare 2. illixera sa barraca, baidindi de innòi o ti fatzu pinnigai!

illixighinídu , agt Definizione chi est in cara mala che sa tela, de colore malu, nau de unu Sinonimi e contrari illiginidu, isarboliu, iscarugiu, ispanàciu.

illizàre , vrb Definizione sufrire po mancamentu de abba, nau de is erbas / cara illizada = cara chei sa tela, cara mala de bisura Sinonimi e contrari acalamai, agurgire, allacanae, allebigiare, allizare, calighinare, pansiri Etimo srd. Traduzioni Francese se faner, se flétrir Inglese to wither Spagnolo marchitar Italiano appassire, avvizzire Tedesco verwelken.

illizerigàre illezerigàre

illiziníre , vrb Definizione igragalare, pèrdere fortzas Sinonimi e contrari acalamai, allacanae, allebigiare, allizare, illizare Etimo srd.

illobàre , vrb Definizione istesiare s’unu de s’àteru duos o duas cosas chi funt o andhant sèmpere impare, a loba, intraos apare, o fintzes chi funt brigandho o faendho àteru impare; trebballu chi si faet a is fundhos de sa bide: bogare in croba Sinonimi e contrari igiúgnere, iscrobai, scongiuntai, sparigai | ctr. acrobai, agiobare, allobae Frasi sos canes mascu e fémina lobaos tratiaus de che dhos illobare 2. illobas, pudas, iscartzas, aras, marras e innestas! Etimo srd.

illocinàre , vrb Definizione segare is leas in s’aríngiu Sinonimi e contrari illeurare, irbardulare, ischelviare.

illócu , avb: illogu Definizione in logu, nau in su sensu de in perunu logu: No apo àpidu pane illogu; – A si ndh’agatat de cosa a comporare? – Illogu! Nudha mancu fragu!

illodhiàre , vrb Definizione samunare, tirare su brutore, limpiare una segada, una ferida; rfl. in cobertantza, fàere bellu meda, su si crèdere, abantare Sinonimi e contrari limpiai, samunare, sciacuai / abantai 2. custa emmo chi est una siendha de muzere, faghiat, e tota si la carigneit, illodhiendhesindhe ◊ andhaiat a su munimentu a si sètzere e a si bistentare illodhiendhe tota s'importàntzia sua (S.Patatu)◊ s'illodhiaiat in sa cadrea pariat issu su presidente Etimo srd.

illogadúra , nf Definizione móvia de un’arremu, coment’e bogau de pare po ifortzu mannu Sinonimi e contrari bocadura, scordogadura, sdollocadura, tutzida.

illogàre , vrb: islogai, islogare Definizione coment'e bogare de pare un’arremu in s’annoigadórgiu po ifortzu Sinonimi e contrari bocare, ilgiogare, innoigare, irbesciai, isconzare, sciadhie, scuadhigai, sdellocai Etimo itl. slogare.

illogrài , vrb Sinonimi e contrari lograi, lobrare.

illógu illócu

illói idhói

illoidúra , nf Definizione su illoire Sinonimi e contrari illoimentu, illoissione Etimo srd. Traduzioni Francese rachat, rançon Inglese release, redemption Spagnolo redención Italiano riscatto, svìncolo Tedesco Ablösung, Freimachung.

illoiméntu , nm Sinonimi e contrari illoidura, illoissione Etimo srd.

illoíre , vrb: illuire Definizione torrare in posse, po dinare, de su chi unu aiat pérdiu o giau, pagare su dépidu; iscabbúllere de un’afrinca; torrare agoa Sinonimi e contrari alloire, ischitare, luire Frasi bi tenzo obbligassione cun chie mi at agiuadu a illuire su dépidu Etimo srd. Traduzioni Francese racheter Inglese to release, to redeem Spagnolo redimir Italiano riscattare, svincolare un cènso Tedesco ablösen, freimachen.

illoissiòne , nf Sinonimi e contrari illoidura, illoimentu Etimo srd.