A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

illudigàre , vrb Definizione fàere lúghidu, ma nau fintzes solu in su sensu de bene límpiu Sinonimi e contrari alluxentai, alluxinai, illuchidare / illempiare Frasi a ómine de sartu dhue pentzat sa pobidha a dhu pulire e illudigare comente si tocat!

illudinàre , vrb Definizione imbrutare de ludu, in su ludu, imbuscinare in su ludu Sinonimi e contrari illudrare, illurdagai Etimo srd.

illudradúra , nf: illudriadura Definizione su illudrare Sinonimi e contrari illudriamentu, illurdinadura Etimo srd.

illudragàu , agt Definizione chi est illudriadu, totu brutu de ludu Sinonimi e contrari illudrau Etimo srd.

illudràre , vrb: illudriare, illurdiare, illutriare Definizione imbrutare cun su ludu, de ludu, ma fintzes imbrutare bastat chi siat Sinonimi e contrari afangaciai, alludrae, allurdagai, ammodhocare, illudratzare, illudrionare, illurdinare, illustriare, infangaciai, ludai Frasi colendhe in su caminu totu ludu mi apo illudriadu sos cambutzos Etimo srd. Traduzioni Francese crotter Inglese to muddy Spagnolo embarrar Italiano infangare Tedesco mit Kot beschmutzen.

illudratzàre , vrb rfl Definizione imbrutare cun su ludu, fàere a ludu Sinonimi e contrari illudrare, illurdagai, illustriare / ammodhocare Frasi a bortas fachiat fritu e proghiat, illudratzandhe su terrinu Etimo srd. Traduzioni Francese éclabousser Inglese to splash with mud Spagnolo embarrarse, enlodarse Italiano impillaccherare Tedesco mit Kot besudeln.

illudràu , pps, agt: illudriadu Definizione de illudrare; chi est totu brutu de ludu, istidhigau de ludu Sinonimi e contrari afoxau, alludrigonau, imbuludradu, ludrigonau, lurdegau | ctr. límpiu, netu 2. si ndhe peseit dae terra totu illudriadu ◊ est brutu che porcu illudriau in s'istradone! Traduzioni Francese crotté, couvert de boue, éclaboussé Inglese muddied, splashed with mud Spagnolo embarrado, enlodado Italiano infangato, pillaccheróso Tedesco mit Kot bedeckt, kotig.

illudriadórzu , nm: illutriatorju Definizione tretu o logu inue si dhue faet ludu, ludrau, o est sugetu, faet a s'imbrutare de ludu Sinonimi e contrari ludugógiu Frasi custas carrelas chentza impedradu apenas comintzat a piòere diventant illudriadorzos Etimo srd.

illudriàdu illudràu

illudriadúra illudradúra

illudriaméntu , nm Sinonimi e contrari illudradura, illurdionzu Etimo srd. Traduzioni Francese action de crotter Inglese muddying Spagnolo embarradura Italiano infangaménto Tedesco Beschmutzen mit Kot.

illudriàre illudràre

illudrionàre , vrb Definizione imbrutare o carragiare de ludu Sinonimi e contrari ammodhocare, illudrare, illudratzare Frasi duos érridos de abba aviant illudrionau sa vidha e ndhe aviant ispérdiu ortos e binzas Etimo srd.

illúdriu , nm Definizione su illudriare; una chistione o unu fàere chi no andhat bene, metzanu 2. s'iscopu miu fit a bos che àere bocau dae cuss'illúdriu chi no paret mancu abberu a lu contare! (P.Pireddu)

illuduràre , vrb Definizione imbrutare de ludu Sinonimi e contrari illudrare 2. semus de sa matessi bentina de sa terra, totu illudurados.

illuedhàre , vrb Definizione illimpiare su terrenu po che bogare sa lua, innetiare po prènnere sa terra a laore Etimo srd.

illuedhónzu , nm Definizione illimpióngiu de terrenu po che bogare sa lua Etimo srd.

illuègu, illuègus , avb: alluegus, lueco* Definizione de innoghe a un’iscuta, apustis de un’iscuta, apustis de pag’ora o pagu tempus, chentza passare ora meda Sinonimi e contrari acoitu, luegamente Frasi su sàbudu apustis dhi cabat guta e Munserrada, biu ca iat giai pédriu fuedhu, mi mandat illuegus a tzerriai ◊ naradhi ca gei andu illuegus! Traduzioni Francese tout de suite Inglese at once Spagnolo enseguida Italiano sùbito Tedesco sofort.

illuescàre , vrb Definizione illuminare, aundhare de lughe Sinonimi e contrari ilgiarare, illuchèschere | ctr. iscorigai, oscurèssere Frasi sa lughe at illuescadu totu s'aposentu, pariat a punta de mesudie.

illuèschere illuchèschere