A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

illugerrài , vrb: illugherrare, illuxarrai, illuxerai, illuxerrari Definizione fàere lughe meda; pigare a ogos, coment’e leare sa vista po sa lughe tropu Sinonimi e contrari alluinai, allutzerrare, illughentare, illughinare, impannare, lugerrai, slugerrai Frasi su soli at illuxerau prus de milli orbescidroxus ◊ sos lampos illugherrant sas nues 2. femu totu illugerrau de su luxentori ◊ su sole m'illugerrat ◊ no castis su soli, lah ca t'illuxerrat! ◊ seo totu illugerrau: sos ogos meos sunt brusaos! Etimo srd. Traduzioni Francese éblouir Inglese to dazzle Spagnolo deslumbrar Italiano abbacinare, abbagliare Tedesco blenden.

illughentàre , vrb Sinonimi e contrari brigliai, illampizare, illugerrai, lúchere Frasi deo in saltu e binzas so sempre afatzendhada, goi o gai, e tribagliendhe etotu m'illughento (Piras) Traduzioni Francese resplendir Inglese to shine Spagnolo resplandecer Italiano risplèndere Tedesco glänzen, strahlen.

illughéntu , nm Definizione su illughentare Traduzioni Francese éclairage Inglese illumination Spagnolo iluminación Italiano illuminazióne Tedesco Beleuchtung.

illúghere , vrb Sinonimi e contrari illucherare, illugare, illuminai.

illugherràre illugerrài

illughidàre illuchidàre

illughinadòre , nm Definizione chi o chie illúghinat Etimo srd.

illughinadúra , nf Definizione su illughinare Sinonimi e contrari allugerradura, alluinadura, alluinamentu, alluinu, illúghinu Etimo srd.

illughinaméntu , nm Definizione su illughinare Sinonimi e contrari allugerradura, alluinadura, alluinamentu, alluinu, illúghinu Frasi s'istriadura pigat a illúinu, a iscambatzone, a illughinamentu Etimo srd.

illughinàre , vrb: illuinai, illuinare, illuinari, illuniare, irluinai Definizione fàere lughe meda, pigare a ogos, leare o annapare sa vista po sa lughe a tropu, leare a su sentidu; cumbínchere a ccn. cun calecuna cosa prus che àteru po su malu, cufúndhere sa mente; fintzes illuinare Sinonimi e contrari allampiai 1, alluinai, illugerrai, illughentare / improsae, incegai, ingannai, slugerrai / ingadhinae, scimingiai Frasi su sole fit gai luchente chi illughinabat ◊ sigomenti no bidia prus, poita cuss'astru sighiat a m'illuinai, is cumpàngius m'iant pigau a sa manu (Atus)◊ sa pitzinna fughendhe trambucat e rughet, coment'e illughinada ◊ mi at illuinadu sa cara de risitos (L.Brozzu)◊ su soli cumenciaiat a irluinai e de sa fentana intraiant is istriuledhus de is curculeus 2. illuinant che sole sas richesas ◊ dhus iat illuinaus cun is maias suas ◊ macari sa zente t'illúinet nendhe, l'isco deo comente est sa chistione ◊ medas si lassant illuinai de giogus e cassai de meris abbramius (G.Moi)◊ su bufóngiu fut cumenciandho a dhos illuinare 3. fipo totu sa die illughinau: nen crapas nen crapitos distinghio (T.Ziranu) 4. a su cadhu inghirianne sa mola dhi poniant una paja de atzales de pedhe po non s'illuinare Etimo ltn. in *lucinare Traduzioni Francese éblouir Inglese to dazzle Spagnolo deslumbrar Italiano abbagliare, abbacinare Tedesco blenden.

illughintinàre , vrb Sinonimi e contrari abbrèschere, albeschire, illuchèschere, ispanigai, obbrèsciri Frasi Totoi fit unu tribagliadore de cudhos sena lerozu, dae candho illughintinaiat a s'iscurigada Etimo srd.

illúghinu , nm: illúinu, illúniu Definizione su illughinare; lughe chi intzurpat, forte meda, ma fintzes genia de furriamentu de conca Sinonimi e contrari alluinamentu, alluinu, illughinadura, illuinore / abbadhinamentu, imbatzinamentu, insimíngiu, loinu, luinore Frasi s'últimu illúinu solare atzendhet de incantu sa marina e invitat sos coros a gosare (A.Frau) 2. seo a illúinos Etimo srd. Traduzioni Francese éblouissement persistant, lueur Inglese dazzling, flash Spagnolo deslumbramiento, resplandor Italiano abbàglio, baglióre Tedesco Blendung, blendendes Licht.

illughíre , vrb Sinonimi e contrari allucorare, illucherare, illugare, illuminai Frasi sa luna nos sighiat che catedhu illughíndhennos sa caminera Etimo srd.

illughizàre , vrb Sinonimi e contrari illutzigare.

illuinài, illuinàre, illuinàri illughinàre

illuinòre , nm Definizione lughe forte, lughe meda; furriamentu de conca Sinonimi e contrari alluinamentu, alluinu, giaria, giarura, illughinadura, lucura / ibbadhinamentu, illúghinu, insimíngiu Frasi coladu mesaustu, sas dies imminórigant e finas sas oras de mesudie no ant piús cudhu illuinore de su coro de s'istadiale 2. sos fiores de su cagarantu ndhe batint s'illuinore cun s'istúrridu Etimo srd. Traduzioni Francese lueur, luminosité Inglese brightness Spagnolo resplandor Italiano luminosità Tedesco Helligkeit.

illúinu illúghinu

illuíre illoíre

illumbàdu , pps, agt: illumbau, slumbau Definizione de illumbare; chi dhi dolent is lumbos, is errigos; chi andhat o est coment’e pendhendho a un’ala Sinonimi e contrari illatonadu, iscarrucau, iscrocau, iscumaradu, lúmbinu 2. totus, giòvanos, betzones, ti si sunt dichiarados, pro finas sos illumbados imbiadu ti ant cantones (B.Cara)◊ fit illumbadu de una ruta mala chi aiat fatu e caminaiat topitopi.

illumbadúra , nf Definizione su illumbare; male, dólima a lumbos Sinonimi e contrari sdarrigamentu, allumbadura Terminologia scientifica mld Etimo srd.