A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

iscodrignàre , vrb: iscudrignare, scuadrignai Definition fàere una genia de proa, abbaidare, averguare o cricare cosa a fine a fine Synonyms e antonyms asaminai, iscudrigare, iscumpassare, palmizare Sentences est iscudrignendhe su trabagliadore Etymon ctl., spn. escodrinyar Translations French scruter, dépouiller le scrutin English to scan, to scrutinize Spanish escudriñar Italian scrutare, scrutinare German beobachten, zählen.

iscodulàre , vrb Definition andhare o portare orrumbulandho coment'e cogoros, pedras, códulos Synonyms e antonyms arrembulai, cadhinare, codulare, lorumare, lumburare, torrulare, trodhulare Sentences su riu che at isgarrigadu s'abba in mare iscodulendhe naes e bocinos ◊ su terremoto za ndhe at iscoduladu de pedras!…◊ candho su riu curret bulluzadu, in su letu sou iscódulant sos crastos ◊ inoghe andhat bene a iscodulare sos crastos ca est in palinzu ◊ sa zente fit iscodulendhe in d-una faladorza mala, non bi la faghiat piús a si arrempellare Etymon srd.

iscodulète , nm Synonyms e antonyms arraghèscia, cóntia, iscóticu, iscúgia Sentences est chircandhe un’iscodulete pro brigare ◊ est chircandhe iscoduletes contr'a mie! ◊ non fartat puru chi abbascent sos prejos… corredhos! Ti vocant semper carchi iscodulete! Etymon srd.

iscodumàre iscomodài

iscoedhàdu, iscoedhàu , agt Definition nau de ccn., chi est a coedhas fora, unu pagu ischintu Synonyms e antonyms irbolloradu, sbullitinau Sentences fémina iscoedhada, fémina malevadada ◊ ite as, brigau cun calincunu, chi ses totu iscoedhau e male cumbinau? Etymon srd.

iscòfa , nf: scofa Synonyms e antonyms foltuna, solte Etymon srd.

iscòfa 1 , nf Definition genia de istrégiu de pertighedhas intéssias / esserebbei sa cosa a iscofas = aira, a fuliadura Synonyms e antonyms cofa*, isporta.

iscofàdu , agt: scofau Synonyms e antonyms afoltunadu, assortadu, cofone, orbau Sentences iscofadu, at bínchidu unu muntone de dinari a su totocàlciu! Etymon srd.

iscofàre , vrb: scofai Synonyms e antonyms cadhicare, fútere, futire Etymon srd.

iscofàta , nf Definition fortuna, cosa arresurtada bene meda Etymon srd.

iscofetàre , vrb Definition bogare mendheas, cricare arreghèscias de gente chi istat tropu bene, iscofada, fàere su sprodhenti, tropu animosu Sentences como chi ti ant dadu insegnamentu ses comintzendhe a iscofetare! (A.Puddu) Etymon srd.

iscófia , nf: iscúfia, scófia Definition in costúmenes de fémina, genia de careta unu pagu larga Synonyms e antonyms iscufiotu Sentences fit bestida de furesi, cun s'iscúfia in conca Scientific Terminology bst Etymon spn. escofia.

iscofudàre iscafudàre

iscofúta , nf Definition su iscofutare, bogare a faulàrgiu Synonyms e antonyms smincida.

iscofutàre , vrb Definition bogare a faulàrgiu a ccn. ananti de gente, giare a bíere chi at nau fàulas Synonyms e antonyms ifaulare, irfaularzare, sminciri.

iscogliàre , vrb: iscolgiare, iscolzare, iscorgiai, iscorgiare, iscorjare, iscorzare, iscrogiare, iscroxai, scorgiai Definition bogare o tirare sa pedhe, su córgiu, a un'animale mortu, nau fintzes in cobertantza po isfrutare meda a ccn.; ispuligare frutos o àteru (morisca, patata, castàngia)/ iscolzare un'imbriaghera, una maladia = isturdire, irbentiare, bínchere una maladia Synonyms e antonyms ispedhare / iscorgiolare, scogorgiare, spilloncai / passai, scexiai Sentences su pastori fiat iscroxendi unu pegus mortu ◊ custa pàtria mischina si la sunt iscorzendhe che sacaju ◊ chini no iscít iscroxai istampat o fait taca a sa pedhi ◊ soi iscorgiandu patata po su pràngiu 2. cresciat sa miséria de chini si fut iscroxau po pagai is abbogaus ◊ sos batulinos cherent istitados ca sunt iscorzendhe sa mama! ◊ tocat a bos'iscidareis, cinono bos acabbat de iscorgiari! 3. sa muschera iscòrgiat, ma su gadhighinzu est malu a iscorgiare! 4. su pratu de ferrusmaltu est totu iscroxau Etymon srd. Translations French écorcher, dépouiller English to flay Spanish despellejar, desollar Italian scuoiare German häuten.

iscogliàu , agt Definition iscolliau in su sensu de idorrutu, malandhau Sentences bai a incruai s'ischina, gei no ses iscogliau de su trabballu! Etymon srd.

iscogliósu , agt Definition nau de logu, chi est malu, totu iscóllios, ischerbigadòrgios, chi faet a si dhue iscrebigare.

iscógliu , nm: iscólliu, iscollu Definition logu de orroca, in mare, ue si podent iscolliare, fragassare naves e barcas; istrobbu mannu, dannu / àere o tènnere iscólliu = àere dannu; frastimu: bentu in pupa e iscólliu de prua! Synonyms e antonyms iscolladorju / cdh. scodhu / derdícia, dialgràscia Sentences mi agato che marineri pérdidu in s'iscógliu ◊ sezis pro nois un'iscollu, unu mare sentza fundhu ◊ at piscatu pische de iscólliu 2. at tentu iscólliu ◊ inuve mi pariat terra sana ndhe apo tentu s'iscólliu de morte ◊ ancu tengat iscollu! Etymon itl. Translations French rocher English reef Spanish escollo Italian scòglio German Klippe.

iscogociài iscocotàre