A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

iscobiànte , agt, nm Definition chi o chie iscóviat totu, chi andhat in giru contandho a totus su chi ischit, fintzes su chi no si depet nàrrere Synonyms e antonyms contaredhu, iscopione, iscoviadori, iscoviargiolu, lendharzu, pirodha, pissinete, rofianu, scoviànciu, scoviaredhu Etymon srd. Translations French rapporteur English telltale Spanish chismoso, chivato, acusón Italian svesciatóre, spióne German Spion.

iscobiàre , vrb: iscopiare 1, iscoviai, iscoviare, scoviai Definition fàere connòschere o torrare a nàrrere is cosas de is àteros, is segretos o cosas chi no si bolent o no si depent nàrrere; essire in iscóviu, a craru de totus; fàere ischire, o fintzes arrennèscere a ischire / iscobiare a ccn. = iscobèrriri calecuna cosa de ccn., calecunu segretu Synonyms e antonyms bugai 1, irmendhare, iscassetare, ispiare, lendhare / iscobèrrere Sentences naiant is brebos, ma nesciuna maista boliat iscoviare e abbarrànt segretos ◊ si fit a ti ndhe iscobiare, ndhe as furadu piús de su matzone! ◊ ant iscopiatu chi mi aiant bistu chin issu ◊ no fatzas sa trassera, ca mi dh'ant iscoviau! ◊ cun su tempus s'iscóbiat dogni cosa ◊ su sonu de sa campana iscóbiat totu ◊ sa cosa no depet essire a campu, no dha depes iscoviare a nemos! ◊ no podides sighire a s'acua, bois: una die o s'àtera bos podent iscobiare 2. ca iat passau sa note imbriagu dh'iscoviàt su nasu, orrúbiu che unu chibudhu mascu 3. sunt custas sas novas seguras chi so reséssidu a iscobiare de sa bidha mia de àteros tempos Translations French dévoiler, révéler English to reveal Spanish revelar, airear Italian spifferare, svelare, palesare German ausplaudern, enthüllen, offenbaren.

iscobilàre , vrb: iscoilare, iscubilare, iscuiai, iscuilare, iscuvilare, scoilai Definition essire de su cubile, de su crocadórgiu, nau mescamente po pesare, essire o brincare de su letu, essire de domo Synonyms e antonyms assagnare, essire, irfusare / pesare Sentences iscubilae dae inoche! ◊ a sa ganosa fera inchietu zúbilo e ussiàndhela de mala manera dae supra de mene che l'iscúbilo (A.G.Solinas)◊ cras mantzanu devimus iscuilare a s'arvorinu ◊ issos iscuvilant chito, su manzanu ◊ is istrias trigant a iscuiai ◊ a mimi de su letu mi fenta iscuiai de chici! Etymon srd.

iscobilàre 1 , vrb Definition mundhare a iscobile Synonyms e antonyms iscobare, mundai Etymon srd.

iscobíle, iscobíli , nm: iscopile, iscupile Definition genia de iscovitu po mundhare su forru; domo po bèndhere binu, cun s'iscovitu apicau fora po iscóviu Synonyms e antonyms frucone / cdh. scupili / bendhijolu Sentences su pamentu fit de tzimentu romasu chi cada pacas dies bi cheriat un'iscopile a lu mundhare 2. in s'iscopile bi aiat pacos ómines bufàndhesi una tassa de binu ◊ cussu est bibidore e no lassat iscopile chene bisitau Etymon srd. Translations French écouvillon English ovenbroom Spanish barredero Italian spazzafórno German Ofenbesen.

iscobiòne , nm Synonyms e antonyms bugoni, ospia.

iscobióngiu , nm Definition iscóviu, nau fintzes in su sensu solu de fàere ischire cosa a craru coment'e dovere, costuma (es. fidantzamentu) Synonyms e antonyms iscóbiu, ispaleju, ispalesonzu Sentences sos parentes fiant bennios a domo de sorgos mios po nos fàere sos augúrios e pigae su cúmbidu chi si faiat a s'iscobióngiu (Mu.Maxia)

iscobiscài , vrb: scabiscai Definition bogare o tirare su cabiscu (lassa o lànsana) e totu is àteras erbas de mesu de is laores Synonyms e antonyms irderbai Sentences in beranu si torràt a passai in mesu de is trigus a tirai ebra maba, a iscobiscai Etymon srd.

iscobitónzu , nm Definition mundhadura fata cun iscobita Etymon srd.

iscóbiu , nm: iscóviu, scóviu Definition su iscobiare; css. cosa chi ndhe inditet o siat singiale de un'àtera Synonyms e antonyms irmendhu, indíscia, uspile Sentences iscóbiu nos fatesit de s'ingannu 2. sighendhe a custu puntu inoghe no che restat iscóbiu de ae ◊ de su chi ant fatu bi ant lassadu s'iscóbiu ◊ bi est abbarradu s'iscóbiu de comente bi ant fatu cosa ◊ innantis o apustis custa cosa at a essiri a iscóviu! Etymon srd. Translations French empreinte English trace Spanish huella, señal Italian tràccia, rèsto German Spur, Rest.

iscobulàda , nf: iscopulada Definition cropu de iscóbulu, passada de iscova mundhandho o ispruinandho Synonyms e antonyms ttrs. iscuburada Etymon srd.

iscobulàju , nm Definition maistu chi faet iscóbulos Etymon srd.

iscobulàre , vrb: iscopulare, iscovulare Definition passare s'iscova de domo in is murus po su pruine, po sa napa / iscovulare a ccn. = bogaincedhu, fàere essire fora Synonyms e antonyms scovitai Sentences innanti de illatare sos muros cherent iscobulados 2. iscòvulu e ghetu a sa bértula sa figumorisca ◊ preparei un'iscovuledhu de atentu pro iscovulare sa figumorisca Etymon srd.

iscobulónzu , nm Definition mundhadura fata a iscóbulu Etymon srd.

iscóbulu , nm: iscópulu, iscóvulu Definition iscova de domo, aina de pramma o de àtera cosa finevine acapiada a matzu tundhu e intrada in d-unu fuste po mundhare o pinnigare àliga passandhodha a tragadura / sa parte de s'i. ue s'intrat su bàculu: tanaxi; su pl., iscóbulos, itl. saggina, calidade de Sorghum vulgare, genia de laore chi faet artu che a su moriscu (e dhi assimbígiat puru) ma cun su frore a iscoba, totu a chimas finedhedhas e longas ue faet su sèmene a meda, e bonu po fàere iscobas mannas ciatas a sa parte de mundhare; lassare a ccn. chin s'iscóbulu in mesu domo = in campu e in crachi (itl. piantare in asso) Synonyms e antonyms iscoba Sentences inoghe che cheret dadu una colada de iscóbulu a che collire s'arga ◊ fue in lestresa o ti bisestro a corpos de iscóbulu! ◊ dadhi una passadedha de iscóvulu po ne arregòllere sa lana! ◊ si intrat unu póveru ndhe lu vocant a corfos de iscópulu Etymon srd. Translations French balai English broom Spanish escoba Italian scópa German Besen.

iscòca , nf: scoca* Definition su abbarrare a càstiu, o iscurtandho, po bíere o ischire calecuna cosa / portai a iscoca = a càstiu, zúghere a oretu Synonyms e antonyms ascurtu Sentences s'areu fut bellu e sighiat a s'ispraxi genti in costera, in padenti, in su pranu, nuraxis a iscoca in cúcuru (D.Maccioni)◊ notis claras de luna passadas in iscoca povinas a sa una… (Gd.Piras)◊ fut a iscoca po iscurtare e intzertare po chie fut sa cantada.

iscòca 1 , nf: iscroca 1 Definition essidura chi si faet in matéria, in sa carre, fruschedha manna, e fintzes infetu / ghetare i. = fàghere infetu (nadu de una fruschedha) Synonyms e antonyms brúgula, cicione 2, lanturra, sangiolu, tzoedhu Sentences cust'ómine ciughiat sa lara de suta sèmpere piena de iscrocas chi istaiant semper falendhe (S.Saba) Etymon srd. Translations French scrofule, écrouelles English scrofulosis Spanish escrofulosis Italian scrofolòsi German Skrofulose.

iscocài, iscocàre , vrb: iscrocai 1, scocai Definition istare abbandha abbaidandho o iscurtandho su chi faent is àteros, faendho finta de àteru, coment'e osservandho po bíere calecuna cosa Synonyms e antonyms afantanai, crasteare, iscuciare, oretare, orixedhai, ospiare Sentences mi agatu girugirus, iscochendu tra matas e tra molas de arrú, ascurta ascurta (Gd.Piras)◊ est origas a sa porta de sa càmbara po iscocai sa filla ◊ sa mama est iscrochendi su piciochedhu po biri ita fait Etymon srd. Translations French lorgner, épier English to glance at, to spy on Spanish espiar, acechar, atisbar Italian sbirciare, spiare, origliare German verstohlen betrachten, spähen nach.

iscochidài , vrb: scochidai Definition fàere un'iscóchidu, iscóchidos Synonyms e antonyms tzacarrai Sentences iscochidendi parit una bricicheta de fogu! ◊ isparatórias a grória avatu de s'una s'àtara iscóchidant e tzacarrant ◊ fragu bellu friendi de pisci friscu de mari e in s'ollu iscochidendi tríllias e callammaris Translations French crépiter English to crackle Spanish chisporrotear, crepitar Italian scoppiettare German knistern.

iscóchidu , nm: iscocu 1 Definition genia de tzàcurru chi faet unu trastu de orrobba ispratu candho dhu movet bentu forte a cropu (o s'iscutulat a cropu), ma fintzes de àteru / basare a iscocu = a tzocu; prànghere a iscocu = a supedhos Synonyms e antonyms tzacàrridu, tzàchida Sentences est timendi is lampus e is iscóchidus de is tronus.