A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

iscodrignàre , vrb: iscudrignare, scuadrignai Definizione fàere una genia de proa, abbaidare, averguare o cricare cosa a fine a fine Sinonimi e contrari asaminai, iscudrigare, iscumpassare, palmizare Frasi est iscudrignendhe su trabagliadore Etimo ctl., spn. escodrinyar Traduzioni Francese scruter, dépouiller le scrutin Inglese to scan, to scrutinize Spagnolo escudriñar Italiano scrutare, scrutinare Tedesco beobachten, zählen.

iscodulàre , vrb Definizione andhare o portare orrumbulandho coment'e cogoros, pedras, códulos Sinonimi e contrari arrembulai, cadhinare, codulare, lorumare, lumburare, torrulare, trodhulare Frasi su riu che at isgarrigadu s'abba in mare iscodulendhe naes e bocinos ◊ su terremoto za ndhe at iscoduladu de pedras!…◊ candho su riu curret bulluzadu, in su letu sou iscódulant sos crastos ◊ inoghe andhat bene a iscodulare sos crastos ca est in palinzu ◊ sa zente fit iscodulendhe in d-una faladorza mala, non bi la faghiat piús a si arrempellare Etimo srd.

iscodulète , nm Sinonimi e contrari arraghèscia, cóntia, iscóticu, iscúgia Frasi est chircandhe un’iscodulete pro brigare ◊ est chircandhe iscoduletes contr'a mie! ◊ non fartat puru chi abbascent sos prejos… corredhos! Ti vocant semper carchi iscodulete! Etimo srd.

iscodumàre iscomodài

iscoedhàdu, iscoedhàu , agt Definizione nau de ccn., chi est a coedhas fora, unu pagu ischintu Sinonimi e contrari irbolloradu, sbullitinau Frasi fémina iscoedhada, fémina malevadada ◊ ite as, brigau cun calincunu, chi ses totu iscoedhau e male cumbinau? Etimo srd.

iscòfa , nf: scofa Sinonimi e contrari foltuna, solte Etimo srd.

iscòfa 1 , nf Definizione genia de istrégiu de pertighedhas intéssias / esserebbei sa cosa a iscofas = aira, a fuliadura Sinonimi e contrari cofa*, isporta.

iscofàdu , agt: scofau Sinonimi e contrari afoltunadu, assortadu, cofone, orbau Frasi iscofadu, at bínchidu unu muntone de dinari a su totocàlciu! Etimo srd.

iscofàre , vrb: scofai Sinonimi e contrari cadhicare, fútere, futire Etimo srd.

iscofàta , nf Definizione fortuna, cosa arresurtada bene meda Etimo srd.

iscofetàre , vrb Definizione bogare mendheas, cricare arreghèscias de gente chi istat tropu bene, iscofada, fàere su sprodhenti, tropu animosu Frasi como chi ti ant dadu insegnamentu ses comintzendhe a iscofetare! (A.Puddu) Etimo srd.

iscófia , nf: iscúfia, scófia Definizione in costúmenes de fémina, genia de careta unu pagu larga Sinonimi e contrari iscufiotu Frasi fit bestida de furesi, cun s'iscúfia in conca Terminologia scientifica bst Etimo spn. escofia.

iscofudàre iscafudàre

iscofúta , nf Definizione su iscofutare, bogare a faulàrgiu Sinonimi e contrari smincida.

iscofutàre , vrb Definizione bogare a faulàrgiu a ccn. ananti de gente, giare a bíere chi at nau fàulas Sinonimi e contrari ifaulare, irfaularzare, sminciri.

iscogliàre , vrb: iscolgiare, iscolzare, iscorgiai, iscorgiare, iscorjare, iscorzare, iscrogiare, iscroxai, scorgiai Definizione bogare o tirare sa pedhe, su córgiu, a un'animale mortu, nau fintzes in cobertantza po isfrutare meda a ccn.; ispuligare frutos o àteru (morisca, patata, castàngia)/ iscolzare un'imbriaghera, una maladia = isturdire, irbentiare, bínchere una maladia Sinonimi e contrari ispedhare / iscorgiolare, scogorgiare, spilloncai / passai, scexiai Frasi su pastori fiat iscroxendi unu pegus mortu ◊ custa pàtria mischina si la sunt iscorzendhe che sacaju ◊ chini no iscít iscroxai istampat o fait taca a sa pedhi ◊ soi iscorgiandu patata po su pràngiu 2. cresciat sa miséria de chini si fut iscroxau po pagai is abbogaus ◊ sos batulinos cherent istitados ca sunt iscorzendhe sa mama! ◊ tocat a bos'iscidareis, cinono bos acabbat de iscorgiari! 3. sa muschera iscòrgiat, ma su gadhighinzu est malu a iscorgiare! 4. su pratu de ferrusmaltu est totu iscroxau Etimo srd. Traduzioni Francese écorcher, dépouiller Inglese to flay Spagnolo despellejar, desollar Italiano scuoiare Tedesco häuten.

iscogliàu , agt Definizione iscolliau in su sensu de idorrutu, malandhau Frasi bai a incruai s'ischina, gei no ses iscogliau de su trabballu! Etimo srd.

iscogliósu , agt Definizione nau de logu, chi est malu, totu iscóllios, ischerbigadòrgios, chi faet a si dhue iscrebigare.

iscógliu , nm: iscólliu, iscollu Definizione logu de orroca, in mare, ue si podent iscolliare, fragassare naves e barcas; istrobbu mannu, dannu / àere o tènnere iscólliu = àere dannu; frastimu: bentu in pupa e iscólliu de prua! Sinonimi e contrari iscolladorju / cdh. scodhu / derdícia, dialgràscia Frasi mi agato che marineri pérdidu in s'iscógliu ◊ sezis pro nois un'iscollu, unu mare sentza fundhu ◊ at piscatu pische de iscólliu 2. at tentu iscólliu ◊ inuve mi pariat terra sana ndhe apo tentu s'iscólliu de morte ◊ ancu tengat iscollu! Etimo itl. Traduzioni Francese rocher Inglese reef Spagnolo escollo Italiano scòglio Tedesco Klippe.

iscogociài iscocotàre