A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

iscodrignàre , vrb: iscudrignare, scuadrignai Definitzione fàere una genia de proa, abbaidare, averguare o cricare cosa a fine a fine Sinònimos e contràrios asaminai, iscudrigare, iscumpassare, palmizare Frases est iscudrignendhe su trabagliadore Ètimu ctl., spn. escodrinyar Tradutziones Frantzesu scruter, dépouiller le scrutin Ingresu to scan, to scrutinize Ispagnolu escudriñar Italianu scrutare, scrutinare Tedescu beobachten, zählen.

iscodulàre , vrb Definitzione andhare o portare orrumbulandho coment'e cogoros, pedras, códulos Sinònimos e contràrios arrembulai, cadhinare, codulare, lorumare, lumburare, torrulare, trodhulare Frases su riu che at isgarrigadu s'abba in mare iscodulendhe naes e bocinos ◊ su terremoto za ndhe at iscoduladu de pedras!…◊ candho su riu curret bulluzadu, in su letu sou iscódulant sos crastos ◊ inoghe andhat bene a iscodulare sos crastos ca est in palinzu ◊ sa zente fit iscodulendhe in d-una faladorza mala, non bi la faghiat piús a si arrempellare Ètimu srd.

iscodulète , nm Sinònimos e contràrios arraghèscia, cóntia, iscóticu, iscúgia Frases est chircandhe un’iscodulete pro brigare ◊ est chircandhe iscoduletes contr'a mie! ◊ non fartat puru chi abbascent sos prejos… corredhos! Ti vocant semper carchi iscodulete! Ètimu srd.

iscodumàre iscomodài

iscoedhàdu, iscoedhàu , agt Definitzione nau de ccn., chi est a coedhas fora, unu pagu ischintu Sinònimos e contràrios irbolloradu, sbullitinau Frases fémina iscoedhada, fémina malevadada ◊ ite as, brigau cun calincunu, chi ses totu iscoedhau e male cumbinau? Ètimu srd.

iscòfa , nf: scofa Sinònimos e contràrios foltuna, solte Ètimu srd.

iscòfa 1 , nf Definitzione genia de istrégiu de pertighedhas intéssias / esserebbei sa cosa a iscofas = aira, a fuliadura Sinònimos e contràrios cofa*, isporta.

iscofàdu , agt: scofau Sinònimos e contràrios afoltunadu, assortadu, cofone, orbau Frases iscofadu, at bínchidu unu muntone de dinari a su totocàlciu! Ètimu srd.

iscofàre , vrb: scofai Sinònimos e contràrios cadhicare, fútere, futire Ètimu srd.

iscofàta , nf Definitzione fortuna, cosa arresurtada bene meda Ètimu srd.

iscofetàre , vrb Definitzione bogare mendheas, cricare arreghèscias de gente chi istat tropu bene, iscofada, fàere su sprodhenti, tropu animosu Frases como chi ti ant dadu insegnamentu ses comintzendhe a iscofetare! (A.Puddu) Ètimu srd.

iscófia , nf: iscúfia, scófia Definitzione in costúmenes de fémina, genia de careta unu pagu larga Sinònimos e contràrios iscufiotu Frases fit bestida de furesi, cun s'iscúfia in conca Terminologia iscientìfica bst Ètimu spn. escofia.

iscofudàre iscafudàre

iscofúta , nf Definitzione su iscofutare, bogare a faulàrgiu Sinònimos e contràrios smincida.

iscofutàre , vrb Definitzione bogare a faulàrgiu a ccn. ananti de gente, giare a bíere chi at nau fàulas Sinònimos e contràrios ifaulare, irfaularzare, sminciri.

iscogliàre , vrb: iscolgiare, iscolzare, iscorgiai, iscorgiare, iscorjare, iscorzare, iscrogiare, iscroxai, scorgiai Definitzione bogare o tirare sa pedhe, su córgiu, a un'animale mortu, nau fintzes in cobertantza po isfrutare meda a ccn.; ispuligare frutos o àteru (morisca, patata, castàngia)/ iscolzare un'imbriaghera, una maladia = isturdire, irbentiare, bínchere una maladia Sinònimos e contràrios ispedhare / iscorgiolare, scogorgiare, spilloncai / passai, scexiai Frases su pastori fiat iscroxendi unu pegus mortu ◊ custa pàtria mischina si la sunt iscorzendhe che sacaju ◊ chini no iscít iscroxai istampat o fait taca a sa pedhi ◊ soi iscorgiandu patata po su pràngiu 2. cresciat sa miséria de chini si fut iscroxau po pagai is abbogaus ◊ sos batulinos cherent istitados ca sunt iscorzendhe sa mama! ◊ tocat a bos'iscidareis, cinono bos acabbat de iscorgiari! 3. sa muschera iscòrgiat, ma su gadhighinzu est malu a iscorgiare! 4. su pratu de ferrusmaltu est totu iscroxau Ètimu srd. Tradutziones Frantzesu écorcher, dépouiller Ingresu to flay Ispagnolu despellejar, desollar Italianu scuoiare Tedescu häuten.

iscogliàu , agt Definitzione iscolliau in su sensu de idorrutu, malandhau Frases bai a incruai s'ischina, gei no ses iscogliau de su trabballu! Ètimu srd.

iscogliósu , agt Definitzione nau de logu, chi est malu, totu iscóllios, ischerbigadòrgios, chi faet a si dhue iscrebigare.

iscógliu , nm: iscólliu, iscollu Definitzione logu de orroca, in mare, ue si podent iscolliare, fragassare naves e barcas; istrobbu mannu, dannu / àere o tènnere iscólliu = àere dannu; frastimu: bentu in pupa e iscólliu de prua! Sinònimos e contràrios iscolladorju / cdh. scodhu / derdícia, dialgràscia Frases mi agato che marineri pérdidu in s'iscógliu ◊ sezis pro nois un'iscollu, unu mare sentza fundhu ◊ at piscatu pische de iscólliu 2. at tentu iscólliu ◊ inuve mi pariat terra sana ndhe apo tentu s'iscólliu de morte ◊ ancu tengat iscollu! Ètimu itl. Tradutziones Frantzesu rocher Ingresu reef Ispagnolu escollo Italianu scòglio Tedescu Klippe.

iscogociài iscocotàre