A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

iscolletàre , vrb: scolletai Definitzione carrare una cosa a pagu a pagu de logu artu, de monte, o fintzes de unu tretu malu ue no faet a pònnere su càrrigu intreu, a logu bonu ue si podet carrigare unu mezu a càrriga intrea: dhu'est s'idea de che dha leare, sa cosa Sinònimos e contràrios iscodhetonare | ctr. aggodhetare Frases sunt a zú e carru iscolletendhe truncos e sacos de carvone dai sas cheas ◊ is féminas furint iscolletanno faschinas

iscolletinàre , vrb Sinònimos e contràrios iscolletare Ètimu srd.

iscolletínu , nm: scollatinu Definitzione ómine chi iscolletat o iscàrrigat (o càrrigat) cosa Sinònimos e contràrios bastàsciu, ilgarrighinu Frases su carrulanti fiat un'ómini pitichedhu, ma su carru gei dhu carrigànt is iscolletinus Tradutziones Frantzesu déchargeur Ingresu unloader Ispagnolu descargador Italianu scaricatóre Tedescu Auslader.

iscolletínzu , nm Definitzione su trebballu de iscolletare Sinònimos e contràrios iscolletognu Ètimu srd.

iscolletógnu , nm Definitzione su trebballu de iscolletare Sinònimos e contràrios iscolletinzu Ètimu srd.

iscolliadítu , agt Definitzione nau de logu, chi est malu meda de s'iscolliare passandho.

iscolliàre iscollài

iscollíchida , nf: iscollóchida Definitzione su fàere is cosas chentza dhas pentzare bene / andhare a s'i. = istare in ziru peri su logu andhendhe chentza mancu ischire a ue Sinònimos e contràrios abbentadura 2. no cheriat èssere leadu dae sa morte a s'iscollíchida che a sa muzere própiu in s'intrada de sa gianna Ètimu srd. Tradutziones Frantzesu étourderie Ingresu rashness Ispagnolu imprudencia Italianu avventatàggine Tedescu Unbesonnenheit.

iscolliósu , agt Definitzione nau de logu, chi est totu pedrosu, arenàrgiu Ètimu srd.

iscólliu iscógliu

iscollizàda , nf Definitzione su iscollizare, ispinta manna / andhare a iscollizadas = andhare a sachedhadas Sinònimos e contràrios imbudada, sachedhada, spintua, strempada Frases a su sonu alligru de su sonete est girandhe a cada iscollizada Ètimu srd.

iscollizàre , vrb Definitzione pigare a ispintas, a imbudadas Sinònimos e contràrios irghinitare, iscutuai, sachedhare, saidare Frases ndhe l'ant vocau tenèndhelu a sa giancheta e iscollizàndhelu che un'istratzu.

iscollocàdu , agt Definitzione chi est chentza pàusu, chi istat o si agatat male Ètimu spn. descolocado Tradutziones Frantzesu incommode, besogneux Ingresu needy Ispagnolu necesitado, incómodo Italianu disagiato Tedescu dürftig.

iscollóchida iscollíchida

iscóllu iscógliu

iscolomàda , nf Definitzione su iscolomare, iscólomu Sinònimos e contràrios abburtzada Ètimu srd.

iscolomàdu , pps, agt Definitzione de iscolomare; nau de binu, ógiu o àteru deasi, chi est límpiu, chentza fundhurúgiu ca passandhodhu de un'istrégiu a s'àteru su fundhurúgiu est abbarrau (o dh'ant lassau) in su primu Sinònimos e contràrios irmamau Tradutziones Frantzesu transvasé Ingresu poured off Ispagnolu transvasado Italianu travasato Tedescu umgefüllt.

iscolomadúra , nf Definitzione manera pàsida de betare una cosa de un'istrégiu a un'àteru coment’e po coigiare su fundhurúgiu; su fundhurúgiu chi abbarrat in s'istrégiu apustis betada sa cosa / a i. = a iscólomu, a conau Sinònimos e contràrios coladura, iscolomada, iscólomu Frases faghindhe s'iscolomadura de su late a sas lamas che ndhe podet rúere a terra Ètimu srd. Tradutziones Frantzesu transvasement Ingresu pouring off Ispagnolu trasiego Italianu travaso Tedescu Umfüllung.

iscolomàre , vrb: iscolumare, iscumbulare Definitzione betare in manera sélia cosa (abba, ógiu, binu o àteru deasi) de un'istrégiu prenu a un'àteru siat po che ndhe bogare ca est tropu prenu e siat fintzes po lassare su fundhurúgiu assentau in su fundhu de su primu Sinònimos e contràrios ilgavantare, illichidare | ctr. acolumare, acumbuai Frases beni ca mi azuas a che iscolomare su binu de sa temezana a sas ampullas! ◊ cust'ozu che lu iscòlomo a un'isterzu prus minore como chi est pasadu Tradutziones Frantzesu transvaser Ingresu to pour off Ispagnolu trasegar, trasvasar Italianu travasare Tedescu umfüllen.

iscólomu , nm Definitzione su iscolomare, su fundhurúgiu chi abbarrat in su fundhu de s'istrégiu / betare a i. = a iscolomadura, a colu a colu, conigoni, a manera de lassare sa fundhana Sinònimos e contràrios iscolomadura Ètimu srd.