A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

iscomíniga iscomínica

iscominigàdu , pps, agt: scomunigau Definitzione de iscominigare; chi at tentu iscomíniga, andhau male, chi dhi capitat fatuvatu calecunu dannu (o, nau cun arrennegu, chi ndhe faet) Sinònimos e contràrios mabaditu / malassortadu 2. Santu Gainzu apenadindhe de custa zente iscominigada chi ruet sola in su paris netu! ◊ cantu tocas guastas, che manu iscominigada ◊ su trigu nostu gei fut bellu, chi no nche dhue fut intrau su bestiàmene de cussu iscominigau! Tradutziones Italianu sciagurato

iscominigàre iscominicàre

iscomintzàre , vrb: iscommentzai, iscummintzare Definitzione pigare a fàere calecuna cosa, fàere is primas cosas de una faina, de unu trebballu, fàere su primu tretu Sinònimos e contràrios comentzari, incomintzae, inghitzai, isprimitziai | ctr. acabbae Frases zughiat una bella matola e iscomintzat a los mazare ◊ sa campagna fit iscomintzendhe a si colorire de fiores ◊ cheret chi iscomintze dai printzípiu a contare su contu ◊ est iscommentzendi a cambiai idea Ètimu itl. incominciare.

iscomíntzu incomínciu

iscommentzài iscomintzàre

iscommíssa , nf: iscummissa, iscummíssia, scummissa Definitzione cosa, valore chi si arriscat de dhu pòdere bínchere o pèrdere / pònnere un'i. Sinònimos e contràrios posta Frases candho fit in giru cun sos cumpagnos intro de note, poniat s'iscommissa: Cantu bi ponides chi la fato acerare a su balcone? ◊ si nci fuat infrusau coment'e a unu giogu de iscummissas (V.Demuro)◊ zocabant a sa brisca ponendhe carchi litru de binu a iscummissa Tradutziones Frantzesu pari Ingresu bet Ispagnolu apuesta Italianu scomméssa Tedescu Wette.

iscommítere , vrb: iscummítere, iscummítiri, scummiti Definitzione pònnere una posta unu pagu a marrania, pònnere iscommissa; fàere un'ipótesi, supònnere calecuna cosa Frases cantu iscummitis chi est comente naro deo?! ◊ cantu b'iscommitis chi custu addésciu ti lu torro che novu? 2. iscummito chi li as dadu a bíere! ◊ iscommito chi ses impresse! ◊ iscommitu ca che incerto ite bi at in suta! ◊ iscommito chi oe proet: paret in chirca de annuare! Tradutziones Frantzesu parier Ingresu to bet Ispagnolu apostar Italianu scomméttere Tedescu wetten.

iscomodài, iscomodàre , vrb: iscodumare Definitzione giare ifadu, istrobbu, mòvere po calecuna cosa, lassare de istare cómodu Sinònimos e contràrios discomodai Frases sunt cosas chi nos podent iscodumare, ma no chi no podimos fàghere! Tradutziones Frantzesu déranger Ingresu to incommode Ispagnolu incomodar Italianu incomodare Tedescu stören.

iscómu , nm: scoma Definitzione is puntas, is cambigiolos de matas e tupas, prus che àteru candho che dhas ant segadas; in cobertantza, fuste, surra, 'fae a rampu' Sinònimos e contràrios comia, ischimadura, ischimuza, sida Frases pro corcai in barraca s'isterriant asuta nais e iscomu fini e modhi 2. cussus no timint iscomu, iscundius! Ètimu srd.

iscómudu , agt: scódomu Definitzione chi istat o andhat male, chi no benit a bene, chi giaet istrobbu o faet istare o lassat fàere cun dificurtade Sinònimos e contràrios incómodu 2. mi est a iscómudu a che colare a domo tua cun totu custa cosa.

iscomunàre , vrb Definitzione ispartzire perra apare unu bene chi si tenet a cumone pigandhosindhe donniunu sa parte sua Sinònimos e contràrios addesumare, cumpaltire, ispartzire, paltire | ctr. aunire.

iscomúniga iscomínica

iscomunigài, iscomunigàre iscominicàre

iscomuniòne , nf: scomunioni Sinònimos e contràrios iscomínica Frases no m'importat de leges e de iscomuniones!

isconcàda , nf: isconcata, sconcada Definitzione cropu giau cun sa conca; decisione leada chentza istare pentzandhodhoe meda / dare isconcadas a boinu = iscúdere a conca bassa Sinònimos e contràrios atumbada, istumbada / aconcada, acucada, ancada, ciancarronada, isconchinada, meleda 2. no ia dépiu fàere custa isconcada, no mi fui dépiu pònnere cun custa gioventude! ◊ su piciochedhu fut timendho a dhu brigare po s'isconcada chi iat fatu Ètimu srd. Tradutziones Frantzesu coup de tête Ingresu butt, header Ispagnolu cabezazo Italianu testata Tedescu Kopfstoß.

isconcàdu , pps, agt: isconcau, sconcau Definitzione de isconcare; nau de ccn., chi est pagu giustu de conca, chi faet aconcadas macas, chi est chentza conca / fàchere una cosa a s'isconcata = chentza bi pessare meda, fai acucadas Sinònimos e contràrios aconcaditu, aconcadore, aconcau, arriscadu, atreviu 2. làssalos sos cumpagnos isconcados, ca sunt sa ruina de dogni domo! (G.A.Cossu) 3. at comporatu unu partò a s'isconcata, solu pro sa cumbénia de su preju baratu ◊ sos pitzinnos chi ponent ifatu a sas brénnias issoro e cherent fàchere sas cosas a s’isconcata, ante o pustis si ne imputant Tradutziones Frantzesu décapité Ingresu beheaded, rash Ispagnolu descabezado Italianu decapitato, acèfalo Tedescu enthauptet, kopflos.

isconcadúra , nf Definitzione su isconcare; manera de segare pigandhondhe sa parte de pitzu, sa méngius Sinònimos e contràrios ispuntadura Maneras de nàrrere csn: i. de casidhu = su primu mele (e sempre una parte ebbia) chi si collit; fàere sa cosa a isconcadura = chentza critériu, cun pagu precisione Frases nosu, candu fadiaus cancuna fura, fiat a furai unu sacu de trigu messau a isconcadura po si podi fai un'acodedhu de pani Ètimu srd.

isconcài, isconcàre , vrb: sconcai Definitzione su ndhe segare sa conca, nau fintzes de is laores chi perdent s'ispiga; fèrrere, pistare sa conca de calecuna cosa Sinònimos e contràrios degogliai, iciugare, isconchedhai, istrugare Frases a Giuanni Batista s'innotzente ant isconcadu ◊ candho su trigu de messare est àrridu est suzetu a s'isconcare 2. mi apo isconcadu unu pódhighe a martedhu ◊ una e duas bortas mi los ap'a àere isconcados sos pódhighes caminendhe iscurtzu!…◊ su luminu si est isconcadu comente l'apo frigadu a l'atzèndhere Ètimu srd. Tradutziones Frantzesu décapiter Ingresu to behead Ispagnolu decapitar, descabezarse, descalabrar Italianu decapitare Tedescu köpfen.

isconcalàta , nf Definitzione cropu giau cun sa conca Sinònimos e contràrios atumbada, istumbada Frases cusse at a èssere mortu dae una isconcalata a una colondra Ètimu srd.