A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

isconculedhàdu , agt Definitzione nau de is ogros, candho che funt in fundhu, a fossu Ètimu srd.

iscòndhere , vrb: iscúndhere Definitzione pònnere o apartare a un'ala, essire e lassare unu logu, lassare in abbandhonu; si narat fintzes in su sensu de difèndhere, fàere sa parte a ccn./ pps. iscóndhiu Sinònimos e contràrios lassai, irbandhonare / defèndhere, frànghere, iscabbúllere, iscundhire Frases iscòndheti da èsseres mischinu! ◊ no mi poto iscòndhere de fàchere su dovere ◊ cantu bi apo gherradu pro m'iscúndhere dae tupas de prunatza e de tiria! (M.Tedde)◊ iscúndheti! 2. fipo acuzonatu coment'e un'istratzu e solu Petenedha pariat chi naraiat: Corazu, za t'iscundho zeo! ◊ donzunu de cussos mortos depet àere iscúndhiu una bandhera Ètimu ltn. abscondere Tradutziones Frantzesu se dispenser, esquiver, fuir Ingresu to avoid, to shift Ispagnolu eximirse, esquivar Italianu esìmersi, scansare Tedescu sich entziehen, ausweichen.

iscóndhiu , pps, agt Definitzione de iscòndhere Sinònimos e contràrios irbandhonadu 2. mannoi no si pentit de s'atropellu de unu tempus: li noghet a bídere sas terras iscóndhias e sa zente fuliada in pratza!

isconfinadúra , nf Sinònimos e contràrios illacanadura, illacanonzu

isconfinaméntu , nm Sinònimos e contràrios illacanamentu, illacanonzu

isconfinàre , vrb Sinònimos e contràrios illacanare, iscussorjare.

isconfusionàdu , agt Definitzione chi no ischit, no cumprendhet mancu ite dhi at capitau Frases resteint totu isconfusionados e de gana mala ca che lis fit fuidu su puzone.

isconfúsu , agt: iscufusu, iscunfusu Definitzione malestidu, bestiu de trastos bècios e iscorriaos / domo iscufusa = ghetada apari, malacòncia Sinònimos e contràrios aciarollau, malatragiau, malatrociau, scurumu, zàule | ctr. alleputziu, mudadu Frases sa pitzinna fit iscurtza e mesu iscufusa in sa bestimenta ◊ in dossu fit isconfusu che puzone ◊ bi ndhe at iscunfusos e nudos puru ◊ passada sa gherra, sa zente fit bisonzosa e iscunfusa, famida e istratzulada Ètimu srd. Tradutziones Frantzesu mal habillé Ingresu shabby Ispagnolu desharrapado Italianu malvestito Tedescu schlecht gekleidet.

iscongiuài , vrb: iscongiulare, isconzolare, iscungiolare, iscunzolare, scongiobai Definitzione fàere s'asperges, ispergiare, betare s'abbasanta giaendho sa beneditzione; isconciare unu fatúgiu fintzes po sanare o curare unu male Sinònimos e contràrios babbiscare, ischingiolare, ispanzolare Frases no solus de iscunzolare intro de sa domo, chilcheit tota sa leada ◊ ancu lu zucant a Lei a l'isconzolare! 2. candho sutzedit su topímine, cudhas paltes ue bi est su male las iscungiolant sas majarzas cun orassiones.

iscongiuladòre , nm: scongiuaroi Definitzione grispisu o babbiscadore, genia de bocighedha totu istampada, cun s'asa longhita, chi serbit a pigare s'abbasanta de su cóngiu po giare sa beneditzione Sinònimos e contràrios aspersóriu, isopu 2, ispanzola 1, ispergiadore Terminologia iscientìfica prdc Ètimu srd.

iscongiulàre iscongiuài

isconiàre , vrb Definitzione its, fàghere a cónios? O in s'esémpiu cheret nàrrere chi su fragu iscóniat/faghet isconiare/istesiare? (=significadu de i. 1) 2. cuss'àrbure bogat fiores de creze mala ch'iscóniat su fragu (T.Giudice Marras).

isconiàre 1 iscoinài

iscóniu , nm Definitzione su isconiare 1 Sinònimos e contràrios irranadura Ètimu srd.

iscónniu , nm: iscrónniu, iscronnu Definitzione genia de bregúngia manna, de befa chi si faet o chi unu faet a s'àteru; fintzes dannu, istrúpiu, iscónciu, difetu Sinònimos e contràrios bergugna, cavanile, discoronu, innóriu, iscàranu / dannu, iscónciu, peca 1 Frases su vetzu non la tzelaiat de contare a totus su disàbiu meu a iscrónniu ◊ nche l'ant catzatu dae créjia pro ovitare un’iscrónniu ◊ si fint atzufatos, abbranchiatos, mossicratos e fatos a un’iscrónniu ◊ cussa sí chi est birgonza e mannu iscónniu! 2. canno s'iscussertat su rellotzu l'iscropecat pro vídere comente est fatu s'iscónniu ◊ cust'anzone est bonu, chene iscrónniu perunu Ètimu itl. Tradutziones Frantzesu honte Ingresu ignominy Ispagnolu vergüenza Italianu scòrno Tedescu Schimpf.

isconnortàdu , pps, agt: iscunortadu Definitzione de isconnortare; chi no tenet acunnortu; chi ndhe at pérdiu s'isperàntzia Sinònimos e contràrios isarcadu, isporadu / iscréditu 2. sa morte sua nos at lassadu isconnortados ◊ si at postu sas manos in conca, iscunortadu ◊ sa vida passo iscunortada cun sos reziros pro mi annichilare 3. cozubaos vinti chimbe annos, che fudint isconnortaos de tènnere fizos Tradutziones Frantzesu désespéré, abattu, découragé Ingresu discouraged Ispagnolu desanimado, desalentado Italianu sconfortato Tedescu verzagt.

isconnortàre , vrb Definitzione pèrdere s'acunnortu, s'ibertu, su s'immentigare de un'idea, lassare o fàere passare un'idea, unu disígiu Sinònimos e contràrios acorae, addolorai, afligire, contribbulai, scorai / ispònnere Frases tocat chi m'isconnorte, fiza mea, ca sa morte ti at leadu sa zoventude!◊ po mi pigare a tie, menzus mi ndh'isconnorto, mi abbarro bagadia!

isconnórtu , nm: iscunnortu Definitzione dispraxere mannu, tristesa, su èssere afrigios, chentza acunnortu Sinònimos e contràrios acoradura, afrigimentu, disconsolu, pesari, scoramentu, triltura | ctr. aconnortu, conciolu Frases aite custu iscunnortu? aperi su coro e nara, no nos lasses in tribbulia! ◊ bortzis est naturale chi cada artista at urdos de isconnortu e de tristura ◊ sos fizighedhos fint totu in iscunnortu pro sa morte de su babbu Ètimu srd. Tradutziones Frantzesu découragement Ingresu discouragement Ispagnolu desaliento, desánimo Italianu sconfòrto Tedescu Trostlosigkeit.

isconnoscènti , agt Sinònimos e contràrios isconnóschidu, isprocedidu, malebortzedidu Frases bellus fillus, aici isconnoscentis!…

isconnoscéntzia , nf Definitzione su no si connòschere, o no ringratziare o no àere ammentu de unu bene arreciu Sinònimos e contràrios disaggradessimentu, disaggradu, disconnoscéntzia Frases issu est totu amori po tui, ma tui ses totu isconnoscéntzia po issu!