A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

isconculedhàdu , agt Definition nau de is ogros, candho che funt in fundhu, a fossu Etymon srd.

iscòndhere , vrb: iscúndhere Definition pònnere o apartare a un'ala, essire e lassare unu logu, lassare in abbandhonu; si narat fintzes in su sensu de difèndhere, fàere sa parte a ccn./ pps. iscóndhiu Synonyms e antonyms lassai, irbandhonare / defèndhere, frànghere, iscabbúllere, iscundhire Sentences iscòndheti da èsseres mischinu! ◊ no mi poto iscòndhere de fàchere su dovere ◊ cantu bi apo gherradu pro m'iscúndhere dae tupas de prunatza e de tiria! (M.Tedde)◊ iscúndheti! 2. fipo acuzonatu coment'e un'istratzu e solu Petenedha pariat chi naraiat: Corazu, za t'iscundho zeo! ◊ donzunu de cussos mortos depet àere iscúndhiu una bandhera Etymon ltn. abscondere Translations French se dispenser, esquiver, fuir English to avoid, to shift Spanish eximirse, esquivar Italian esìmersi, scansare German sich entziehen, ausweichen.

iscóndhiu , pps, agt Definition de iscòndhere Synonyms e antonyms irbandhonadu 2. mannoi no si pentit de s'atropellu de unu tempus: li noghet a bídere sas terras iscóndhias e sa zente fuliada in pratza!

isconfinadúra , nf Synonyms e antonyms illacanadura, illacanonzu

isconfinaméntu , nm Synonyms e antonyms illacanamentu, illacanonzu

isconfinàre , vrb Synonyms e antonyms illacanare, iscussorjare.

isconfusionàdu , agt Definition chi no ischit, no cumprendhet mancu ite dhi at capitau Sentences resteint totu isconfusionados e de gana mala ca che lis fit fuidu su puzone.

isconfúsu , agt: iscufusu, iscunfusu Definition malestidu, bestiu de trastos bècios e iscorriaos / domo iscufusa = ghetada apari, malacòncia Synonyms e antonyms aciarollau, malatragiau, malatrociau, scurumu, zàule | ctr. alleputziu, mudadu Sentences sa pitzinna fit iscurtza e mesu iscufusa in sa bestimenta ◊ in dossu fit isconfusu che puzone ◊ bi ndhe at iscunfusos e nudos puru ◊ passada sa gherra, sa zente fit bisonzosa e iscunfusa, famida e istratzulada Etymon srd. Translations French mal habillé English shabby Spanish desharrapado Italian malvestito German schlecht gekleidet.

iscongiuài , vrb: iscongiulare, isconzolare, iscungiolare, iscunzolare, scongiobai Definition fàere s'asperges, ispergiare, betare s'abbasanta giaendho sa beneditzione; isconciare unu fatúgiu fintzes po sanare o curare unu male Synonyms e antonyms babbiscare, ischingiolare, ispanzolare Sentences no solus de iscunzolare intro de sa domo, chilcheit tota sa leada ◊ ancu lu zucant a Lei a l'isconzolare! 2. candho sutzedit su topímine, cudhas paltes ue bi est su male las iscungiolant sas majarzas cun orassiones.

iscongiuladòre , nm: scongiuaroi Definition grispisu o babbiscadore, genia de bocighedha totu istampada, cun s'asa longhita, chi serbit a pigare s'abbasanta de su cóngiu po giare sa beneditzione Synonyms e antonyms aspersóriu, isopu 2, ispanzola 1, ispergiadore Scientific Terminology prdc Etymon srd.

iscongiulàre iscongiuài

isconiàre , vrb Definition its, fàghere a cónios? O in s'esémpiu cheret nàrrere chi su fragu iscóniat/faghet isconiare/istesiare? (=significadu de i. 1) 2. cuss'àrbure bogat fiores de creze mala ch'iscóniat su fragu (T.Giudice Marras).

isconiàre 1 iscoinài

iscóniu , nm Definition su isconiare 1 Synonyms e antonyms irranadura Etymon srd.

iscónniu , nm: iscrónniu, iscronnu Definition genia de bregúngia manna, de befa chi si faet o chi unu faet a s'àteru; fintzes dannu, istrúpiu, iscónciu, difetu Synonyms e antonyms bergugna, cavanile, discoronu, innóriu, iscàranu / dannu, iscónciu, peca 1 Sentences su vetzu non la tzelaiat de contare a totus su disàbiu meu a iscrónniu ◊ nche l'ant catzatu dae créjia pro ovitare un’iscrónniu ◊ si fint atzufatos, abbranchiatos, mossicratos e fatos a un’iscrónniu ◊ cussa sí chi est birgonza e mannu iscónniu! 2. canno s'iscussertat su rellotzu l'iscropecat pro vídere comente est fatu s'iscónniu ◊ cust'anzone est bonu, chene iscrónniu perunu Etymon itl. Translations French honte English ignominy Spanish vergüenza Italian scòrno German Schimpf.

isconnortàdu , pps, agt: iscunortadu Definition de isconnortare; chi no tenet acunnortu; chi ndhe at pérdiu s'isperàntzia Synonyms e antonyms isarcadu, isporadu / iscréditu 2. sa morte sua nos at lassadu isconnortados ◊ si at postu sas manos in conca, iscunortadu ◊ sa vida passo iscunortada cun sos reziros pro mi annichilare 3. cozubaos vinti chimbe annos, che fudint isconnortaos de tènnere fizos Translations French désespéré, abattu, découragé English discouraged Spanish desanimado, desalentado Italian sconfortato German verzagt.

isconnortàre , vrb Definition pèrdere s'acunnortu, s'ibertu, su s'immentigare de un'idea, lassare o fàere passare un'idea, unu disígiu Synonyms e antonyms acorae, addolorai, afligire, contribbulai, scorai / ispònnere Sentences tocat chi m'isconnorte, fiza mea, ca sa morte ti at leadu sa zoventude!◊ po mi pigare a tie, menzus mi ndh'isconnorto, mi abbarro bagadia!

isconnórtu , nm: iscunnortu Definition dispraxere mannu, tristesa, su èssere afrigios, chentza acunnortu Synonyms e antonyms acoradura, afrigimentu, disconsolu, pesari, scoramentu, triltura | ctr. aconnortu, conciolu Sentences aite custu iscunnortu? aperi su coro e nara, no nos lasses in tribbulia! ◊ bortzis est naturale chi cada artista at urdos de isconnortu e de tristura ◊ sos fizighedhos fint totu in iscunnortu pro sa morte de su babbu Etymon srd. Translations French découragement English discouragement Spanish desaliento, desánimo Italian sconfòrto German Trostlosigkeit.

isconnoscènti , agt Synonyms e antonyms isconnóschidu, isprocedidu, malebortzedidu Sentences bellus fillus, aici isconnoscentis!…

isconnoscéntzia , nf Definition su no si connòschere, o no ringratziare o no àere ammentu de unu bene arreciu Synonyms e antonyms disaggradessimentu, disaggradu, disconnoscéntzia Sentences issu est totu amori po tui, ma tui ses totu isconnoscéntzia po issu!