A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

isconculedhàdu , agt Definizione nau de is ogros, candho che funt in fundhu, a fossu Etimo srd.

iscòndhere , vrb: iscúndhere Definizione pònnere o apartare a un'ala, essire e lassare unu logu, lassare in abbandhonu; si narat fintzes in su sensu de difèndhere, fàere sa parte a ccn./ pps. iscóndhiu Sinonimi e contrari lassai, irbandhonare / defèndhere, frànghere, iscabbúllere, iscundhire Frasi iscòndheti da èsseres mischinu! ◊ no mi poto iscòndhere de fàchere su dovere ◊ cantu bi apo gherradu pro m'iscúndhere dae tupas de prunatza e de tiria! (M.Tedde)◊ iscúndheti! 2. fipo acuzonatu coment'e un'istratzu e solu Petenedha pariat chi naraiat: Corazu, za t'iscundho zeo! ◊ donzunu de cussos mortos depet àere iscúndhiu una bandhera Etimo ltn. abscondere Traduzioni Francese se dispenser, esquiver, fuir Inglese to avoid, to shift Spagnolo eximirse, esquivar Italiano esìmersi, scansare Tedesco sich entziehen, ausweichen.

iscóndhiu , pps, agt Definizione de iscòndhere Sinonimi e contrari irbandhonadu 2. mannoi no si pentit de s'atropellu de unu tempus: li noghet a bídere sas terras iscóndhias e sa zente fuliada in pratza!

isconfinadúra , nf Sinonimi e contrari illacanadura, illacanonzu

isconfinaméntu , nm Sinonimi e contrari illacanamentu, illacanonzu

isconfinàre , vrb Sinonimi e contrari illacanare, iscussorjare.

isconfusionàdu , agt Definizione chi no ischit, no cumprendhet mancu ite dhi at capitau Frasi resteint totu isconfusionados e de gana mala ca che lis fit fuidu su puzone.

isconfúsu , agt: iscufusu, iscunfusu Definizione malestidu, bestiu de trastos bècios e iscorriaos / domo iscufusa = ghetada apari, malacòncia Sinonimi e contrari aciarollau, malatragiau, malatrociau, scurumu, zàule | ctr. alleputziu, mudadu Frasi sa pitzinna fit iscurtza e mesu iscufusa in sa bestimenta ◊ in dossu fit isconfusu che puzone ◊ bi ndhe at iscunfusos e nudos puru ◊ passada sa gherra, sa zente fit bisonzosa e iscunfusa, famida e istratzulada Etimo srd. Traduzioni Francese mal habillé Inglese shabby Spagnolo desharrapado Italiano malvestito Tedesco schlecht gekleidet.

iscongiuài , vrb: iscongiulare, isconzolare, iscungiolare, iscunzolare, scongiobai Definizione fàere s'asperges, ispergiare, betare s'abbasanta giaendho sa beneditzione; isconciare unu fatúgiu fintzes po sanare o curare unu male Sinonimi e contrari babbiscare, ischingiolare, ispanzolare Frasi no solus de iscunzolare intro de sa domo, chilcheit tota sa leada ◊ ancu lu zucant a Lei a l'isconzolare! 2. candho sutzedit su topímine, cudhas paltes ue bi est su male las iscungiolant sas majarzas cun orassiones.

iscongiuladòre , nm: scongiuaroi Definizione grispisu o babbiscadore, genia de bocighedha totu istampada, cun s'asa longhita, chi serbit a pigare s'abbasanta de su cóngiu po giare sa beneditzione Sinonimi e contrari aspersóriu, isopu 2, ispanzola 1, ispergiadore Terminologia scientifica prdc Etimo srd.

iscongiulàre iscongiuài

isconiàre , vrb Definizione its, fàghere a cónios? O in s'esémpiu cheret nàrrere chi su fragu iscóniat/faghet isconiare/istesiare? (=significadu de i. 1) 2. cuss'àrbure bogat fiores de creze mala ch'iscóniat su fragu (T.Giudice Marras).

isconiàre 1 iscoinài

iscóniu , nm Definizione su isconiare 1 Sinonimi e contrari irranadura Etimo srd.

iscónniu , nm: iscrónniu, iscronnu Definizione genia de bregúngia manna, de befa chi si faet o chi unu faet a s'àteru; fintzes dannu, istrúpiu, iscónciu, difetu Sinonimi e contrari bergugna, cavanile, discoronu, innóriu, iscàranu / dannu, iscónciu, peca 1 Frasi su vetzu non la tzelaiat de contare a totus su disàbiu meu a iscrónniu ◊ nche l'ant catzatu dae créjia pro ovitare un’iscrónniu ◊ si fint atzufatos, abbranchiatos, mossicratos e fatos a un’iscrónniu ◊ cussa sí chi est birgonza e mannu iscónniu! 2. canno s'iscussertat su rellotzu l'iscropecat pro vídere comente est fatu s'iscónniu ◊ cust'anzone est bonu, chene iscrónniu perunu Etimo itl. Traduzioni Francese honte Inglese ignominy Spagnolo vergüenza Italiano scòrno Tedesco Schimpf.

isconnortàdu , pps, agt: iscunortadu Definizione de isconnortare; chi no tenet acunnortu; chi ndhe at pérdiu s'isperàntzia Sinonimi e contrari isarcadu, isporadu / iscréditu 2. sa morte sua nos at lassadu isconnortados ◊ si at postu sas manos in conca, iscunortadu ◊ sa vida passo iscunortada cun sos reziros pro mi annichilare 3. cozubaos vinti chimbe annos, che fudint isconnortaos de tènnere fizos Traduzioni Francese désespéré, abattu, découragé Inglese discouraged Spagnolo desanimado, desalentado Italiano sconfortato Tedesco verzagt.

isconnortàre , vrb Definizione pèrdere s'acunnortu, s'ibertu, su s'immentigare de un'idea, lassare o fàere passare un'idea, unu disígiu Sinonimi e contrari acorae, addolorai, afligire, contribbulai, scorai / ispònnere Frasi tocat chi m'isconnorte, fiza mea, ca sa morte ti at leadu sa zoventude!◊ po mi pigare a tie, menzus mi ndh'isconnorto, mi abbarro bagadia!

isconnórtu , nm: iscunnortu Definizione dispraxere mannu, tristesa, su èssere afrigios, chentza acunnortu Sinonimi e contrari acoradura, afrigimentu, disconsolu, pesari, scoramentu, triltura | ctr. aconnortu, conciolu Frasi aite custu iscunnortu? aperi su coro e nara, no nos lasses in tribbulia! ◊ bortzis est naturale chi cada artista at urdos de isconnortu e de tristura ◊ sos fizighedhos fint totu in iscunnortu pro sa morte de su babbu Etimo srd. Traduzioni Francese découragement Inglese discouragement Spagnolo desaliento, desánimo Italiano sconfòrto Tedesco Trostlosigkeit.

isconnoscènti , agt Sinonimi e contrari isconnóschidu, isprocedidu, malebortzedidu Frasi bellus fillus, aici isconnoscentis!…

isconnoscéntzia , nf Definizione su no si connòschere, o no ringratziare o no àere ammentu de unu bene arreciu Sinonimi e contrari disaggradessimentu, disaggradu, disconnoscéntzia Frasi issu est totu amori po tui, ma tui ses totu isconnoscéntzia po issu!