A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

isconcamóju , nm Definizione genia de pigione chi papat abe Sinonimi e contrari abeana, abiàrgiu, apiaresa, marragau Terminologia scientifica pzn Etimo srd.

isconcassòne , nm: sconcassori Definizione genia de molinu po pistare pedra a fàere a giarra Traduzioni Francese broyeur à gravier Inglese crusher Spagnolo trituradora para grava Italiano frantóio per ghiàia Tedesco Steinbrecher für Kies.

isconcàta isconcàda

isconcàu isconcàdu

isconchedhài, isconchedhàre , vrb: sconchedhai Definizione pistare o segare sa conchedha de calecuna cosa / isconchedhadu (nadu de ccn.)= pagu zustu de conca, chi no faghet sas cosas cun zudíssiu Sinonimi e contrari isconcai, iscupulare Frasi su pipiu si at ischonchedhau unu didu de su pei in d-una perda Etimo srd.

isconchidàre , vrb Definizione isconchiai, mòvere sa conca prus che àteru a iscaviadura, fàere isconchiadas po su sonnu, o fintzes coment'e bolendho nàrrere calecuna cosa in contràriu, in disacórdiu Sinonimi e contrari isconchinare, tzilibbecare, tzurumbecare Frasi cuss'ebba no est fata po parigliare: no abbarrat acanta a s'àtera, est sèmpere a s'iscónchida iscónchida! Etimo srd.

isconchinàda , nf: isconchinata Definizione isconchiada, móvia de conca coment'e abbasciandhodha o incrubandhodha a una parte; decisione pagu cunsiderada, cosa fata comente benit a conca Sinonimi e contrari conchinada, conchizada, iscónchiu, sconchiada / aconcada, acucada Frasi sa mamma, comente videt sos pitzinnos a isconchinatas, che los mandhat a letu 2. isconchinadas ndhe aiat fatu prus de una e su babbu no fit meda cuntentu Etimo srd. Traduzioni Francese action hasardée, inconsidérée Inglese rash action Spagnolo el mover la cabeza, chifladura Italiano cólpo di tèsta, azióne avventata Tedesco Kopfstoß, unbesonnene Handlung.

isconchinàre , vrb: sconchiai Definizione mòvere sa conca po nàrrere chi una cosa no est deasi, chi unu no est de acórdiu, giare cropos cun sa conca Sinonimi e contrari isconchidare, isconculare, scorrociai, tzilibbecare, tzurumbecare Frasi sas betzighedhas si sunt cheghentanne, isconchinanne e a tremuledha Etimo srd. Traduzioni Francese secouer la tête Inglese to shake one's head Spagnolo mover la cabeza Italiano scrollare il capo Tedesco den Kopf schütteln.

isconchinàta isconchinàda

isconchinedhàda , nf Definizione coment'e aconcada chi si faet chentza iscurtare cossígios o crítigas Sinonimi e contrari acucada Frasi vos las fatzo víere ego sas isconchinedhadas, si no ponies mente!…

iscónchinu , nm: iscónchiu Definizione móvia de sa conca a cropu, mescamente candho unu no est de acórdiu cun su chi est intendhendho Sinonimi e contrari conchinada, isconchinada, isconchizada, isconchizu, sconchiada Frasi cudhu andai pistabista, feriveri, arrósciu oi de custus, cras de cudhus, a iscónchius, a murrúngius ◊ candho dhi narant cosa istat a iscónchios de conca ma no arrespondhet Etimo srd. Traduzioni Francese désapprobation d'un signe de tête Inglese headshake to dissent Spagnolo negación con la cabeza Italiano mòssa del capo per dissènso Tedesco mit dem Kopf ablehnen.

isconchiósu , agt Sinonimi e contrari abbetiosu Etimo srd.

iscónchiu iscónchinu

isconchizàda , nf Definizione su isconchizare; móvia de sa conca a cropu, iscàviu Sinonimi e contrari conchizada, iscónchiu, sconchiada Frasi un'ominedhu chi aiat iscultadu finas a tandho a isconchizadas si ammisceit in s'arrejonu Etimo srd.

isconchizàre , vrb Definizione mòvere sa conca a cropu, coment'e singiale de ifadu o fintzes de iscórriu, de contrariedade Sinonimi e contrari isconchidare, isconchinare Etimo srd.

isconchízu , nm Definizione su istare movendho sa conca a cropu a sa sighia Sinonimi e contrari iscónchiu Etimo srd.

isconciài, isconciàre , vrb: iscontzare, sconciai Definizione isciusciare, bogare de pare una cosa giai fata; nau de su tempus, cambiare, iscuncordare, fàere tempus légiu; nau de fémina príngia, pèrdere su fedu; nau de sa natura de s’ómine, passare sa teteresa / pps. iscontzadu, iscontzu Sinonimi e contrari destrui, idarrocai, irfàghere, isciasciai, isciuchiare, isciusciai, iscunsertare, sculai / istrumare | ctr. aconciai, adaretzai, agiustai, arragnare, fàchere Modi di dire csn: iscontzare su coju = istorraisí; isconciàresi de… = leàresi disturbu pro… Frasi si li betat pódhighes l'iscontzat dae cristianu! ◊ su die chi si ndhe at a isconciare custu giuramentu nos at a calare tronos e lampos! ◊ custa est cosa chi non si podet isconciare ◊ in cussa calada imbrunconu e m'iscònciu su brutzu! 2. su tempus si fit iscontzu e no aiant pótiu garrigare su nabiu ◊ za mi paret chi su tempus torrat a iscontzare! 3. sa fémina fit príngia ma si est iscontza 5. bellu frade, no si est mancu isconciau de andhare a saludare sa sorre! Etimo itl. sconciare Traduzioni Francese défaire Inglese to undo Spagnolo deshacer Italiano disfare, demolire Tedesco zerstören.

iscónciu , agt, nm: iscontzu, scónciu Definizione chi at tentu dannu, o fintzes su dannu etotu, nau mescamente de calecunu aparíciu o màchina chi no est prus andhandho bene; nau de gente, chi s'intendhet male, chi sentit calecuna neghe, calecunu male; burdu, fedu o fígiu fatu a cudha manera, a trevessu, chentza èssere cojuaos; iscontzu est fintzes pps. po iscontzadu Sinonimi e contrari maladióngiu, scuncordau / dannu, guastu, iscunsertu | ctr. acónciu, arràngiu Modi di dire csn: arrangiai is iscòncius de sa domu (es. tàpulos de muru) = fàghere acontzos; unu padre iscontzu, una monza iscontza = chi si ndh’est essidu de padre, essida de monza Frasi su tempus est iscontzu ◊ Fulanu fit unu padre iscontzu 2. ndi portat de iscónciu, sa morti! ◊ fimus in màchina, ma amus fatu iscontzu e amus istentadu su matessi ◊ apo dadu su rellozu a l'acontzare e mi bi ant fatu iscontzu piús mannu 3. iscontzas si sunt sas paghes! 4. connoschimus su nòmene de chie at fatu s'iscontzu e, si lu chircat vostè, capatzu chi isposat sa piciochedha Etimo srd. Traduzioni Francese avarie, panne Inglese breakdown Spagnolo estropeado, avería Italiano guasto meccànico, avaría Tedesco Störung.

isconcordàre , vrb: iscuncordai, iscuncordare, scuncodrai Definizione segare s'acórdiu, sa cuncórdia; nau de su tempus, isconciare, cambiare de pròere o àteru de bentu o fritu Sinonimi e contrari disconcordiare | ctr. cuncodrai Frasi cun totus ses nendi ca seu mandroni, in domu non mi lassas mancu riposai: ocannu però depeus iscuncordai! 2. oi parit una dí de beranu, ma su tempus nci ponit pagu a torrai a iscuncordai! Etimo srd.

isconculàre , vrb Definizione mòvere sa conca a cropu, a iscutuladura Sinonimi e contrari isconchinare Frasi sos boes in beranu muilendhe iscónculant in terra ◊ tue, birbante, ti ndhe riaias, isconculendhe che su burricu! Etimo srd.